Жол жүру ережелері туралы зерттеу сабағы, 5-сынып

ҚМЖ

Сабақ:қазақ тілі

Мектеп: «Қосағаш» жалпы орта мектебі

Тексерілді: С. Сайлауов.

Сынып: 5ә

Мұғалімнің аты жөні: Турдалиева Айжан Балабековна

Күні: 11. 02. 2019 ж

Қатысқандар:

Қатыспағандар:

Сабақты зерттеу сабағының тақырыбы

Оқушылардың жазылым дағдысын қалыптастыруға «Төрт сөйлем» тәсілі қалай әсер етеді?

Бөлім / тақырып

Көлік және жол белгілері. Жол жүру ережелері қашан пайда болды?

Осы сабақ арқылы жүзеге асатын оқу мақсаттары

5.1.3.1 -тыңдалған мәтіннің мазмұнын түсіну, негізгі және қосымша ақпаратты анықтау;

5.4.4.4 -сан есімнің мағыналық түрлерін ажырата білу, сан есімді зат есім орнына қолдана білу;

Сабақ мақсаты

Барлық оқушылар орындай алады:

Тыңдалған мәтін мазмұнын түсінеді, негізгі және қосымша ақпаратты анықтайды. Сан есімнің мағыналық түрлерін ажырата алады.

Оқушылардың көпшілігі орындай алады:

Тыңдалған мәтіндегі негізгі және қосымша ақпаратты салыстырады.

Сан есімдерді зат есімдердің орнына қолдана алады.

Кейбір оқушылар орындай алады

Тыңдалған мәтіндегі негізгі және қосымша ақпаратты салыстыра отырып, көтерілген мәселені өмірмен байланыстырып, ой қорытады.

Бағалау критерийі

Тыңдалған мәтіннің мазмұнын түсінеді, негізгі және қосымша ақпаратты анықтайды;

Сан есімнің мағыналық түрлерін ажыратады, зат есім орнына қолданады.

Күтілетін нәтижелер

Жол жүру ережелерінің қашан, не үшін пайда болғанын біледі, жол жүру ережелерінің адам өмірімен байланысын түсінеді.

Тілдік мақсат

Оқушылар орындай алады: мәтінді тыңдайды, негізгі және қосымша ақпараттарды анықтайды, сан есімнің мағыналық түрлерін, заттанған сан есімдерді қолданады.

Пәнге қатысты сөздік қор мен терминдер:

Бағдаршам, қызыл түс, сары түс, жасыл түс, жол белгілері, электронды есептеу машинасы

Талқылауға арналған сұрақтар:

Бағдаршамның пайда болу тарихын білесіңдер ме?

Бағдаршам болмаса, көшеден өту тәртібін түсіндіре аласыңдар ма?

Ойлау дағдыларының деңгейлері

Қолдану ,талдау, жинақтау, бағалау

АКТ қолдану дағдылары

Проектор, ноутбук, үнтаспа

Құндылықтарға баулу

Жол белгілерін білудің маңыздылығын ұғындыру.

Пәнаралық байланыс:

бейнелеу, әдебиет

Тақырып бойынша алдыңғы білім

Жол белгілері туралы біледі.

Жоспар

Жоспарланған кезеңдері

Жоспарланған жаттығу түрлері

Ресурстар

Сабақтың басы

8 мин

Оқушылармен амандасу, ынтымақтастық орнату.

Оқушыларды топқа бөлу,топтық ережені сақтаймыз.

Сыныпта жағымды атмосфера орнату мақсатында оқушыларға бойларын түзетіп , күлімдей отырып , үш шапалақ жасатамын.

Әр топ өз аттарына түсініктеме береді.

1- топ, «Бағдаршамдар»

2 – топ, «Қызыл түстер»

3 – топ, «Сары түстер»

4 – топ, «Жасыл түстер»

Үй тапсырмасын тексеру.

117 - бет. 3- тапсырма. Төмендегі жолға қатысты мақал мәтелдерді жаттап ал. Олардың ішінен өзің қалаған біреуін қатыстырып, мәтін жаз. Мәтін көлемі 23 – 25 сөз болсын. Мәтінде сан есімнің мағыналық түрлерін қолданыңдар.

«Дәрігер» әдісімен бір -бірін тексереді.

Оқушы дәрігер болып , сөздік қолданысына медбикенің сөздерін пайдаланады: «Мен «Сенбі» ауылдық ауруханасының медбикесімін , менің емделушім Жармахан оның дәптерінде үй тапсырмасы дұрыс орындалған , дәптері таза ,сырты толтырылған , тек тыныс белгіден қателерге жол берген..... Оған дәрумендер беру арқылы көмектесу керек. Сын есімнің мағыналық түрлерін қайталау керек .»

Жаңа сабақтың мақсаты мен бағалау критерийін таныстырамын.

«Картаны жабу» әдісі . Сұрақ түскен оқушы топ арасында сұрақты оқиды , сол сұрақтың жауабы түскен оқушы жауабын оқып, картаны жауып тастайды.

Сан есім дегеніміз не?Сан есімнің сұрақтарын ата?

Сан есім дегеніміз – заттың санын, мөлшерін, ретін білдіріп, қанша? неше? нешеу? нешінші? деген сұрақтарға жауап беретін сөз табы.

Сан есімнің мағынасына қарай түрлерін ата?

Сан есімдер мағынасына қарай алты түрге бөлінеді: есептік сан есім, реттік сан есім, болжалдық сан есім, жинақтық сан есім, топтау сан есім, бөлшектік сае есім.

Нешінші? Қай сан есімнің сұрағы?

Реттік сан есімнің сұрағы.

Қай сан есімдерге - ау,- еу жұрнағы жалғанғанда ы, і дыбыстары түсіріліп қолданылады?

Екеу, алтау, жетеу

Болжалдық сан есім жасайтын жұрнақтарды ата?

-лаған, -леген, -деген, -даған, -таған, -теген: ондаған, жүздеген, елулеген, алпыстаған.

-лап, -леп, -дап, -деп, -тап,- теп: мыңдап, жүздеп, елулеп, қырықтап, жиырмалап,

-дай, -дей, -тай, -тей: жетпістей, алпыстай, мыңдай, жүздей.

-тар + да, - тер + де, -дар+ да, -дер +де, -лар+ да, -лер+ де: жетпістерде, алпыстарда, бестерде, он сегіздерде.

Қаншадан? нешеден? сұрақтарына жауап беретін сан есім?

Топтау сан есім.

Оннан екі - қандай сан есім?

Бөлшектік сан есім.

Мың, жүз құрамына қарай қандай сан есімдер?

Дара сан есімдер.

ҚБ: «Бағдаршам» әдісі арқылы топтар бірін-бірі бағалайды.

үлестірме қағаздар

Дәрігер қалпақшалары

Сабақтың ортасы

7 мин

10 мин

Жұптық жұмыс. Тыңдалым. Мәтінді мұқият тыңдаңдар. «Идеяны ұстап ал» әдісі арқылы негізгі идеяны естеріңде сақтаңдар. Негізгі және қосымша ақпаратты «Т» кестесін толтыру арқылы анықтаңдар.

Тарихқа көз жүгіртетін болсақ, көліктердің жүріп – тұруын реттеу қажеттілігі олар алғаш пайда болған кезден бастап – ақ туған көрінеді. Тұңғыш рет 1868 жылы Лондон қаласында темір жол бағдаршамы орнатылды. Оны ойлап тапқан адамның есімі тарихта сақталмаған.