Жұбан Молдағалиевтің өмірі мен шығармашылығы, 11-сынып

Ақтау технологиялық қызмет көрсету колледжі

АШЫҚ САБАҚ

ТАҚЫРЫБЫ:

Жұбан Молдағалиевтың өмірі мен шығармашылығы, «Мен– қазақпын» поэмасы

ОҚЫТУШЫ: ҚҰРСАҚБАЕВА ӘДЕМІ БЕКЕНҚЫЗЫ

Ақтау қаласы, 2018ж.

Сабақтың тақырыбы: Жұбан Молдағалиевтың өмірі мен шығармашылығы, «Мен– қазақпын» поэмасы

Сабақтың мақсаты: а) Ж. Молдағалиевтың өмірі мен шығармашылығы туралы түсінік беру, «Мен — қазақпын» поэмасына талдау жасау,ақынның азаматтық тұлғасын таныту; ә) оқушылардың өз бетінше іздене білу, ой қорыту және шығармашылық қабілеттерін дамыту; б) ақын өмірін үлгі ету, поэмадағы ұлттық болмыс пен биік рухты таныта отырып, ұлтжандылық пен елжандылыққа тәрбиелеу.

Сабақ міндеттері:

1) поэманың тақырыбы мен идеясын ашу, мазмұнын толық меңгеру.

2) оқушыларды поэманы әдебиет теориясы тұрғысынан талдауға үйрету.

3) өз бетінше ізденуге баулу.

Сабақтың әдісі: модельдік технология, СТО бағдарламалары, зерттеу, іздендіру, талдау, сұрақ-жауап, көрнекілік

Сабақтың көрнекілігі: слайд-суреттер

Пәнаралық байланыс: қазақ тілі, тарих, география, музыка

Сабақтың типі: жаңа материалды меңгерту

Сабақтың түрі: іздендіру сабағы

Сабақтың барысы:

І. Ұйымдастыру кезеңі. 1.Оқушыларды түгелдеу, сабаққа дайындау.

ІІ. Үй тапсырмасын сұрау

«Зерделі сұрақ, ұтымды жауап»

1) М.Иманжанов кім және қай жерде дүниеге келген?2) М.Иманжановтың тұңғыш шыққан әңгімелер жинағы қалай аталды? («Жастық»)3) Халықтың көңілінен шыққан шығармасы қалай аталады? («Алғашқы айлар»)4) М.Иманжановтың қандай шығармалары бар?

5) «Алғашқы айлар» повесіндегі басты кейіпкер кім? (Жақыпбек Әділбеков)

6) «Алғашқы айлар» повесі не туралы?

7) Повестегі оқушылардың өмірі қазіргі оқушылардың өміріне ұқсайды ма?

8)М.Иманжанов неше жыл өмір сүрді? (42жаста) 9) М.Иманжановтың досы кім? (Баубек Бұлқышев)

ІІI. Жаңа сабақ.

Қызығушылығын ояту

1. «Мен-қазақпын» әнші Ерболат Құдайбердиев орындауындағы әнді тыңдау (оқушылардың жаңа сабаққа қызығушылығын ояту мақсатында).

2. Жаңа сабақтың тақырыбын хабарлау:

— Бұл әннің орындаушысын білесіздер, үлкендер ұната бермесе де, жастардың арасында танымал ән.Әннің сөзін кім жазғанын білесіздер ме?

— Олай болса, бүгінгі жаңа сабақтың тақырыбы Жұбан Молдағалиев және «Мен — қазақпын» поэмасы.

Сабағымыздың мақсаты- Жұбан Молдағалиевтің өмірі мен шығармашылығы туралы түсінік беру. «Мен қазақпын» поэмасын оқу,талдау.

(Тақтада хронологиялық кесте)

1. Жаңа сабаққа кіріспе :

Жазбаймын уақыт өтсін, ойнасын деп,

Жазамын, Абайша айтсам, ойлансын деп.

Ойлансын өзі жайлы – заман жайлы,

Көргенді қиялымен байласын тек,- деп жырлаған осы жолдардың авторы ,

ірі эпик ақын, КСРО Мемлекеттік сыйлығының лауреаты (1978 ж.), қазақ поэзиясының белгілі,белді өкілдерінің бірі-Жұбан Молдағалиев 1920 жылдың 5 қазанында Орал облысының (қазіргі Батыс Қазақстан облысы) Тайпақ ауданы, Жыланды ауылында дүниеге келген.1940 жылы Орал ауылшаруашылық техникумын бітіріп, 1940-1947 жылдары әскер қатарында болып, әскери-саяси курстарда білім алды, Ұлы Отан соғысына қатысты.Соғыстан кейін 1948-52 жылдары «Лениншіл жас», «Қазақ әдебиеті» газеттерінде жауапты қызметтер атқарды, 1958-63 жылдары «Жұлдыз» журналының бас редакторы болған.Алғашқы өлеңдері 1939 жылы газет бетіне басылды. Алғашқы жыр жинағы «Жеңіс жырлары» деген атпен 1949 жылы шықты. Содан бергі уақытта 60-тан астам кітабы, әр кезеңде қазақ және орыс тілдерінде таңдамалы шығармаларының бірнеше томдары жарық көрді.Жұбан Молдағалиев қаламынан туған «Мен – қазақпын», «Кісен ашқан», «Қыран дала», «Сел» поэмалары үшін ең жоғарғы Мемлекеттік сыйлықтармен марапатталды.1970 жылы Қазақстанның Мемлекеттік сыйлығының, содан кейін КСРО қорғаныс Министірлігі сыйлығының лауреаты атанды және А.Фадеев атындағы алтын медальды иеленді.Ақынның көптеген шығармалары бірнеше шетел халықтары тілдеріне, атап айтқанда ағылш

Жұбан негізінен махаббат лирикасына, филасофиялық лирикада, саяси-азаматтық лирикада қалам тербеген ақын. Атап айтсақ: «Отан», «Жиырма бес», «Махаббат ерлігі», «Ғашық көзбен», «Туған жерде тағы да»,…