Жұмсақ ойыншық туралы сабақ жоспары, қазақ тілі, 2 сынып

2-сынып 1-бөлім. ӨЗІМ ТУРАЛЫ 10-сабақ

Сабақ тақырыбы

Бұл – жұмсақ ойыншық

Осы сабақта қол жеткізілетін оқу мақсаттары

2.3.2.1 таныс сөздерден құрастырылған қарапайым сөйлемдердің мағынасын түсіну

2.3.4.1 мәтіннің мазмұны бойынша қарапайым сұрақтар құрастыру және оған жауап беру

2.4.1.1 заттың сынын білдіретін сөздерді қолдана отырып, берілген иллюстрация бойынша өзара байланысқан сөйлем жазу

Сабақтың мақсаттары

Барлығы: қарапайым сөйлемдердің мағынасын түсінеді

Көбі: мәтіннің мазмұны бойынша қарапайым сұрақтар құрастырады және оған жауап бере алады

Кейбірі: берілген иллюстрация бойынша өзара байланысқан сөйлем жазады

Күтілетін нәтиже

Тақырып бойынша қазақша сөйлем құрайды, сұрақтарға жауап береді

Жаңа сөздер

Жұмсақ

Сабақта қолданылатын материалдар

Интерактивті тақта, слайдтар, түрлі-түсті суреттер, кестелер, маркер

Оқыту әдістері

Түсіндіру, сұрақ-жауап, «Шаттық шеңбері» тренингі, Ой шақыру, «Кім жылдам» ойыны, топтық жұмыс, сергіту жаттығуы

Дереккөздері

Әдістемелік құрал, дидактикалық материалдар, сөздік

Тапсырмалар:

Сабақ барысындағы мұғалім мен оқушының әс-әрекеттері:

Тапсырмалар

Мұғалімнің іс-әрекеті

Оқушының іс-әрекеті

Оқушыларға психологиялық ахуал туғызу

Оқушыларды «Шаттық шеңберіне» тұрғызамын, амандасамын, жоқ оқушыларды түгендеймін. Өлеңді мәнерлеп оқиды. Оқушылар қайталайды.

Оқушылар «Шаттық шеңберіне» тұрады, амандасады. Өлеңді қайталайды. Бір-біріне сәттілік, жақсы тілектер айтады.

Өткен сабақты тексеру

Өткен тақырыптарды қайталатамын. Кемшіліктерді анықтаймын, түзетемін, бағалаймын.

Тапсырманы айтады, тақырып ойынша сұрақтарға жауап береді.

І. Қызығушылықты ояту

Әртүрлі қуыршақтардың суретін іліп «Мынау қандай?» деген сұрақ қоямын.

Қуыршақ әдемі деп жауап береді.

ІІ. Мағынаны тану

Сөздікпен жұмыс.

А) интерактивті тақтадан тақырыпқа қатысты сөздермен таныстырамын, аудармасын айтамын. Оларды оқимын оқушыларға қайталатамын.

Ә) «Дұрыс айт» айдарында берілген сөздерді дұрыс айтуға машықтандырамын, бірнеше рет қайталатамын.

Тыңдалым. Оқылым. Жаңа сөздерді тыңдайды, қайталайды, оқиды.

Айтылым. Сөздерді дұрыс айтуға жаттығады. қайталайды

Мәтінмен жұмыс. Тыңдалым. Оқулықтағы тыңдалымға арналған мәтінді тыңдататамын. Сөздердің мағынасын түсіндіремін.

Тыңдалым. Мәтінді мұқият тыңдайды. Жаңа сөздерді

қайталайды.

Оқулықтағы тапсырмалармен жұмыс.

А) Айтылым. Оқулықтағы

1-тапсырманы орындатамын.

Ә) Жазылым. Оқулықтағы

2-тапсырманы орындатамын.

Айтылым. Суретке қарап айтады.

Жазылым.Сөйлемдерді толықтырпы жазады.

Мәнерлеп оқу. «Кел, жаттығайық» айдарымен берілген өлеңді мәнерлеп оқиды.

Тыңдалым. Айтылым. Тыңдайды, мәнерлеп оқуға машықтанады, жаттайды.