Жұмыс жабдықтарының ақаулары сабақ жоспары

Елбаев Абзал Жайгалиевич

Өндірістік оқыту шебері

Қаратөбе колледжі «МҚКК»

Қаратөбе ауданы

Батыс Қазақстан облысы

Тақырыбы: Жұмыс жабдықтарының ақаулары .

Білімділік мақсаты: Теориялық сабақтан алған білімдерін , шеберліктерін қалыптастыра отырып өндіріспен байланыстыру .

Дамытушылық мақсаты: Оқушылардың мамандыққа деген қызығушылығын арттыру және шеберліктерін дамыту.

Тәрбиелік мақсаты: Оқушыларды ізденімпаздыққа , білімділікке, тазалыққа , ұйымшылдыққа тәрбиелеу.

Сабақтың көрнекілігі: Жұмыс жабдықтарының плакат сызбалары, макеттер.

Пәнаралық байланыс : Физика, химия,

Сабақтың барысы:

I . Ұйымдастыру бөлімі:

- Оқушыларды түгелдеп сабаққа даярлығын тексеру.

II. Үй тапсырмасын тексеру.

Қуат алу білігінің атқаратын қызметі.

Қуат алу білігінің бөлшектері

Қуат алу білігі жетек түріне қарай нешеге бөлінеді?

Қуат алу білігінінің айналу жиілігі айн/мин

Жетекші шкивтің жұмысы.

III. Теориялық бөлім.

- Жаңа тақырыптың мазмұны мен жүйесі

Жұмыс жабдықтарының ақаулары. Тракторлардың жұмыс жабдықтарының негізгі ақаулары гидравликалық жүйеде пайда болады . Гидрожүйенің тоқтаусыз жұмыс істеуінің басты шарты – жұмыс сұйықтығының тазалығы және ауаның сорылмауы. Гидрожүйеге жақсылап тазартылған май құю керек және бұрандалы қосылыстардың босауына жол беруге болмайды .

Тракторларды пайдалану кезінде төмендегідей ақаулар болуы мүмкін . Тракторға асылған ауылшаруашылық машинасы көтерілмейді немесе баяу көтеріледі , таратқыштың қалқымалы қалпында бірден төмен түседі ,транспорттық қалыпта ұсталынбайды , өңдеудің тұрақты немесе біркелкі тереңдігі қамтамасыз етілмейді . Май тым қатты қызып, бактагы май көпіршиді және ол сапун арқылы шайқалып төгіледі, тіркеуіш салмақтың гидрокүшейткішін қосқан кезде , трактордың артқы донғалақтары айналмай тұрып қалады. Таратқыш пен реттеуіштің тұтқалары автоматты түрде бастапқы қалыпқа келмейді, реттеуіштің тұтқасы тісті секторда онша сенімді бекімейді . Қуат алу білігінің редукторынан немесе жетекші шкивтен қатты шуыл шығады.

Тракторға асылған ауыл шаруашылық машинасы әр түрлі себептермен көтерілмейді .Егер жапқыш құрылғыда , май өткізгіштер аралығындағы қосқыш немесе ажырату муфтасындағы өткізгіш қима жабылып қалса , муфталардың кигізілме гайкаларын шегіне дейін бұру керек . Егер гидроцилиндрдің каналы өздігінен клапанмен жабылып қалса , таратқыштың тұтқасын «Түсіру» қалпына қойып тезірек «Көтерілуге» ауыстыру керек . Таратқыштың қайта жіберу клапаны босап қалған кезде , оның детальдарын шығарып алып , жуып , қайтадан орнына қояды. Таратқыш басқару кезінде машина көтерілмей, реттеуішпен басқарғанда көтерілсе немесе керісінше болса , кронштейндегі реттеуштің сектор жағдайын ретке келтіру керек. Ауыл шаруашылық машинасының баяу көтерілуі жүйеге ауаның сорылуы немесе насостан майдың көбірек ағуы салдарынан болады. Анықталған кемшіліктерді жойып ,берілісі жеткіліксіз насосты алмастырады .

Машинаның бірден төмен түсуі, күш цилиндрдегі баяулатқыш клапанын дұрыс орнатылмауынан немесе оның жоқтығынан болуы мумкін . Штуцерді бояулатқыш клапанмен бірге көтеру қуысымен жалғасатын цилиндрдің тесігіне орнатады. Транспорттық қалыпқа қойылған машинаның өздігінен түсіп кетуі штоктың нығыздағыш сақинасы немесе цилиндр поршені тіркеуіш салмақтың гидрокүшейткішінің жапқыш клапаны, тозған золотниктер немесе таратқыштағы олардың тесігі арқылы май ағуы кезінде байқалады. Тіркеуіш салмақтың гидрокүшейткішінің жапқыш шаригінің тығыз жанасуының қамтамасыз ету қажет, ал күш цилиндрінің тозған нығыздағыш сақинасы мен таратқышын ауыстыру қажет.Техника қауіпсіздігі жөніндегі…