Жүрек жылуы тақырыбындағы ашық сабақ 2 сынып

Мектеп №49 Мерзiмі:7.02.2017жыл №23 сабақ

Тақырып: Жүрек жылуы

Құндылық: дұрыс әрекет

Қасиеттер: мейірімді, қайырымды, қамқор.

Сынып 2 «Б»

Сабақ мақсаты: «Қайырымдылық», «мейірімділік» адамгершілік ұғымдарының мәнін ұғындыра отырып, дұрыс әрекет құндылығының мәнін ашу.

Міндеттері:

-мейірімділік, қайырымдылық туралы түсініктерін кеңейту;

- қамқорлық жасауға жетелеу;

-.мейірімділікке тәрбиелеу.

Ресурстар:

оқулық,дәптер,

плакаттар,жүрек

шелер,суреттер

Сабақ барысы: 1.Ұйымдастыру кезеңi. 5 т ережесі

Сәлемдесу, оқушылардың көңіл-күйін сұрау, сабаққа қатысуды тексеру.

2.Тыныштық сәтi.

Осы әуенмен бәріміз жүрегіміздегі сиқырлы әлемге аттанамыз.Біздің

жүрегімізде кішкентай адам өмір сүреді.Оның аты да дәл сендердікіндей.

Қолдарыңды жүректеріңнің тұсына қойып оның қалай соғып тұрғанын

сезініңдерші. (тыныс алу)

Ол біздің жүрегіміздің ішіндегі «Мен осындамын», «Мен сенімен біргемін»

деп тұрған кішкентай адам ғой.Оған күлкілеріңді сыйлаңдар.Әрқашан бізбен бірге.Жүрегіміз бізге тек ақыл жақсы сөздер айтатын болады.Себебі, тек өзіміз

ести аламыз.Жүректеріңе іштей рахмет айтыңдар.Ризашылықтарыңды естісін.Сезіндіңдерме, ол одан бетер қатты соғып кетті.Олар бізді естігенін білдіріп жатыр.Осы сәтті естеріңе сақтаңдар.! Көздеріңді ашыңдар.Қолдарыңды жоғары,содан кейін екі жаққа созыңдар. Терең дем алыңдар. Міне, тамаша!

Сабақ барысын талқылау:

3.Үй тапсырмасын тексеру.

Үйге берілген «Жай ғана әжей» әңгімесі бойынша сұрақ қою арқылы мазмұнын айту.Сұрақтар:

1.Сендердің осындай оқиғаға кездесулерің мүмкін бе?

.Абзал мен Айнұрдың ой пікірлері туралы не айтасыңдар?

3.Бұл оқиғадан не үйрендің?

4.Әңгімелесу «Бөбек» қорының негізін қалаушы, Сара Алпысқызының туған күні. Қазақстанның бірінші ханымы – 76 жаста. «Бөбек» қорын құрып, жетімдерге жәрдемдескен, «Өзін-өзі тану» пәнін білім бағдарламасына енгізіп, жеткіншектерді ізгілікке баулыған тұлға.

1.Үлкендер еркелеткенде қандай күйде боласыңдар?

2.Жақсы көретін адамдарға қандай тілек айтқың келеді?

3.Басқаларға жақсылық жасаған кездерің болды ма?

5.Дәйексөз Тақтада «Табиғаттағы барлық жылу –күннен,Өмірдегі барлық жылу- адамнан».М.Прившин, деп жазып қояды. Өздеріңнің жауап бергендеріңдей қайырымды іс жасау оған мұқтаж адамның жанына жұбаныш болады. Ал өзің біреуге қайырымдылық жасағанда көңілің көтеріліп, жаның жай тауып, қуанасың, сол адамды қуантасың, қайырымды іс істей алуыңа жақын – туыстарың, достарың, айналаң қуанады. Әрбір адамның жүрегінде сондай жылуы болса, бір-біріне қайырымдылық жасап жатса, әлемдегі адамдардың барлығы қуанышта, бақытта өмір сүреді.