Жыл басына таласқан хайуанаттар тәрбие сағаты

Жыл басыны таласқан хайуанаттар

Жүргізуші: (МУЗЫКА қосу )

Бұрынғы ерте заманда хайуандар жыл басына таласыпты. Бұл оқиға былай болған екен...

(Қоян ұйқыда түс көріп жатады)

Қоян: ( Орман ортасында ұйықтап жатқан қоян есінеп, ұйқыдан жаңа оянғандай, жан- жағына қарап, біреулерді іздейді. Сол сәттен бастап ешкімді көрместен өзімен -өзі билей жөнеледі. Қоянның билеп жүргенін көрген орманның түрлі хайуанаттары жиналады.)

2) Хайуанаттар биі : Оларда билеп қоянға қосылып кетеді.

(Сағаттың соққан дыбысын аудиоға жазу)

Бидің аяғында сағаттың соққан дыбысын тыңдап тұрып қалады.

«Бұл не? Иә, бұл – келе жатқан жаңа жыл ғой. - Ал, жыл басы кім болады».

Қоян:

Қардай аппақ қоянмын,

Жазда сұрға бояндым,

Жылды өзім бастайтын боп,

Тәтті ұйқыдан ояндым.

- Сол түсімде , сен болшы , сен –

деп, Бәрің мені сұрадың, Енді неге Таңдана қарайсыңдар? Соған билеп, қуандым...

( Жыл басы тек мен болам, деп хайуандар таласты)

Бәрі : «Неге мен емес? Мен кімнен кеммін?»

Жылқы:

(Жылқы кісінеп, шауып шығады)

— Мен алысты жақын қыламын. Күшімді көреді, сүтімді ішеді, қылыма шейін арқан, жіп еседі. Адамға менен пайдалы мал жоқ, жыл ағасы мен боламын....

Түйе:

(жан-жағына қарап менсінбей, кербезденіп шығады)

— Сен адамның жұмысын қылсаң, сұлы, шөп асайтын тамағың үшін жасадың, міне, мен сен көтере алмайтын ауырды көтеріп, неше айшылық алыс жерлерге барамын. Аш болдым деп, арпа, сұлы сұрамаймын. Көде болса, көде, жусан болса, жусан, не кез келсе, соны қорек етіп, табылса, су ішіп, табылмаса, шөлде де жолға жүре беремін. Жыл басы болу маған лайық.

Сиыр:

(маңғаздана асықпай басып)

- «Мө» деп мөңіредім

Молшылық төңірегім

Жыл басы боламын деп

Ертерек келіп едім

— Адам егін ексе, менімен егеді, сүтімді ішеді, құрт-май істейді, жыл басы болу маған лайық.

Қой:

«Бә, бә, бә» мен қоймын, көк шөпке тойдым.

— Мен болмасам, қазақ үйін немен жабар еді. Жүнімді алып, киіз басады, жабағымнан киім тігеді, арқан, жіп еседі. Сүтімнен құрт-май алады, шаруаға менен пайдалыларың жоқ.

Ит:

— Мен болмасам, сендердің көбіңді не ұрлап, не қасқыр жеп тауысар еді. Мен сендердің баршаларыңның бақташыңмын, дұшпан көрінсе, үріп, абалап, иеме хабар беремін.

Барыс:

(Қаһарлана ырылдап,ортадан бәрін қуады)

«Ырр, ырр» барыспын, барыспын,

Бәріңе де таныспын.

Айналама сыйлымын,сыйлымын,

Күшіме сенемін, бәріңді де жеңемін.

Жыл басы болуға шіреніп келемін.

Ұлу:

Ұлу деген мықтымын,

Жарқын – жарқын шықты үнім.

Ойым озар өзімнен, ақыл, ой бар сөзімде.

Үйім бірге өзіммен, сабыр етем төзіммен

Доңыз:

Қорс, қорс етемін,

Қорсылдақпын онысы рас,

Жылдың басы мен болмасам,

Сонда өзі кім болмақ?

Мен адамды мазалап, сұрамаймын тұнық су,

Тамақты да талғамай жей беремін хрю-хрю.

Тауық:

«Қо,қо, қо, қоқ» жыл әлі неге жоқ.

Жұмыртқамды жеген соң, барлық бала тоқ.

Құрт – құмырсқа жемтігім, жоқ ешбір кемтігім.

Бәрінде бос мақтанып, шаршамаңдар ентігіп.

Жылан: