Жыл мезгілдері туралы оқушылар шығармашылығы, 4 сынып

Оқушылар шығармашылығы

Жыл мезгілдері

Қыс

Көк аспаннан қар жауып,

Қыс келеді, алақай!

Шаңғыменен сырғанап,

Кел, ойнайық, балақай!

Күз

Күн суытып, күз келсе де,

Далам сондай тамаша!

Жапырақтар сарғайып,

Боялған дала алтынға.

Көктем

Шыға бастап көк шөптер

Жылғалардан су ақты.

Сумен бірге аққандай,

Қыс пен күздің ызғары.

Жаз

Жаз келіп, міне, күн жылып,

Жерге шашып шуағын.

Дөңгеленіп би билеп,

Шаттанамыз қуанып.

Тазалық

Жер ананы тазалап,

Табиғатты қорғайық!

Өзім таза жүремін,

Тазалықты сақтайық!

Табиғат

Табиғат неткен әдемі,

Арайлап атқан таң еді.

Құлпырып тұрар әр қашан,

Табиғаттың әлемі.

Нұрадин Мереке

№111 орта мектебі 4-сынып оқушысы

Қармақшы ауданы Қызылорда облысы

Менің сыныбым

Мен Алдашбай ахун ауылындағы №111 орта мектептің 4-сыныбында оқимын. Біздің сыныпта 17 оқушы бар. Біз ұйымшыл сыныппыз.

Сынып жетекшіміз – Шайманалиева Шұғыла апай. Ол бізге 1-сыныптан бері өзінің бар білгенін айтып, 42 әріпті үйретіп, бізді білім нәрімен сусындатып келеді. Тек қвнв білім емес, сонымен қатар тәртіпті, тәрбиені, ұқыптылықты, ауызбіршілікті, т.б. көптеген жақсы қасиеттерді бойымызға сіңіріп келеді. Апайымыз ылғида қызықты тақырыптарда іс-шаралар өткізіп отырады. Мысалы, «Өскенде мен кім болам?» атты тәрбие сағаты басқаларына қарағанда маған қатты ұнады. Өйткені біз онда өз армандарымыз жайлы айттық. Біздің армандарымыз өте көп екен. Соның ішінде барлығымызға ортақ арман – жеке тұлға ретінде қалыптасып, Абай атамыз: «Сенде бір кірпіш дүниеге, Кетігін тап та бар қалан» демекші, мемлекетіміздің даму үрдісіне өзіміздің бір кірпішімізді қалап, үлес қосқымыз келеді. Сол үшін біз сабақты жақсы оқып, алдымызға мақсат қойдық. Мен біздің сынып тек биіктерден көрінетініне сенемін!

Жарқынбекқызы Шахризада

№111 орта мектеп, 4-сынып оқушысы

Қармақшы ауданы Алдашбай Ахун ауылы

Материалдарды дайындаған

Бастауыш сынып мұғалімі Шайманалиева Ш.Қ.