Жыл мезгілдеріндегі өзгерістер, мектепалды ашық сабақ

Ұйымдастырылған оқу қызметі

Тақырыбы: Әр жыл мезгілінде қандай өзгерістер болады?

Білім беру саласы: «Таным», «Коммуникация», «Шығармашылық»

Бөлімі: Жаратылыстану

Оқу іс-әрекеті қызметінің мақсаты: Әр жыл мезгілдеріндегі өзгерістер туралы мағұлмат беру.

Міндеттері:

Білімділік: жылды төрт маусымға бөліп, маусымына қарай құбылыстары туралы түсініктерін қалыптастыру, білімдерін тереңдету;

Дамытушылық: балалардың сөздік қорларын молайту, ой – өрістерін кеңейту, жүйелі сөйлеуге қалыптастыру;

Тәрбиелік: еңбексүйгіштікке, табиғатқа деген қамқорлыққа тәрбиелеу.

Күтілетін нәтиже:

Нені біледі: балалар әр жыл мезгілдеріндегі өзгерістер туралы мағұлмат алады.

Нені игереді: сыни ойлауы, есте сақтау қабілеттері дамиды, сөздік қоры молаяды.

Дағдыланады: еңбексүйгіштікке, табиғатқа қамқорлық жасауға дағдыланады.

Сабақтың көрнекілігі: Төрт жыл мезгілі туралы көрсетілген суреттер, жаратылыстану әліппе дәптері.

Сабақтың түрі: Саяхат сабақ

Әдіс-тәсілі: сұрақ жауап, «Ашық микрафон» әдісі, «Тыңдап отырған үштік әдісі, СТО, Постер қорғау(Кембридж әдісі), «Галерея» әдісі, дидактикалық ойын, мадақтау.

Сабақтың типі: аралас сабақ.

Пәнаралық байланыс: сөйлеуді дамыту, көркем әдебиет, бейнелеу өнері, жапсыру.

Қос – тілдік компоненті: жыл мезгілдері-времена года-seasons.

Оқу іс – әрекетінің қызметі:

І. Ұйымдастыру кезеңі.

Балаларды сабаққа дайындау. Психологиялық ахуал.

Сәлеметсіңдерме, балалар!

Көңіл күйлерің қалай?

Жақсы

Бүгінгі біздің сабағымыз ерекше болмақ, бізге қонаққа ұстаздарымыз келіп отыр, ендеше бәріміз әдемі сұлу болып шаттық шеңберін жасайық.

Шаттық шеңбері:

Дос болайық бәріміз

Жарасып тұр әніміз

Тыныштықты сақтасақ

Жараспайма сәніміз.

Ал, енді балалар, келген қонақтарымызбен амандасып алайық.

Сәлем сөздің анасы,

Білер қазақ баласы,

Сыныпқа келген қонақтарға.

Әрдайым ақ көңілмен, ақ ниетпен,

Ізетпен біздер сәлем береміз.

Ал балалар, енді топқа бөлініп отырамыз, ол үшін столдың үстінен әр түсті домалақтарды алып, 4 түсте қарап отырамыз.

І-топ – ақ түсті – қыс мезгілі

ІІ – топ – көк түс – көктем мезгілі

ІІІ – топ – жасыл түсті – жаз мезгілі

IV – топ – сары түсті – күз мезгілі

ІІ. Өткен сабақты қайталау.

Ой қозғау.

Балалардың зейінін сабаққа аударамын.

Табиғат қаншаға бөлінеді?

Екіге. Жанды табиғат және жансыз табиғат.

Жанды табиғатқа не жатады?

Адам, жануарлар әлемі, өсімдіктер әлемі.

Жансыз табиғатқа не жатады?

Тау, тас, күн, жаңбыр (табиғат құбылыстары).

Жанды табиғат пен жансыз табиғаттың ережелерін айтады.

Бір жылда қанша ай бар?

12 ай.

Бір жылда қанша мезгіл бар?

4 мезгіл. Қыс, көтем, жаз, күз.

1 мезгілде қанша ай бар?

3 ай бар.

Қазір қай мезгіл?

Қазір қыс мезгілі.

1 аптада қанша күн бар?

1 аптада 7 күн бар.

ІІІ. Негізгі бөлім. Жаңа оқу іс – әрекеті.

Топпен орманға саяхат.

Балалар, бүгінгі сабағымыз ерекше болмақшы топпен саяхатқа шығамыз.

Саяхатқа қандай көлікпен шығамыз?

Автобуспен.

Ендеше көздеріңді жұмыңдар. Не естідіңдер?

Сылдырлаған судың және құстардың дауысын естідік.

Ал балалар көздеріңді ашыңдаршы, қайда келдік?

Орманға келдік (орманның суреті).

Қараңдаршы балалар, орманнан қандай аңды көріп тұрмыз?

Қасқырды.

Балалар, қасқыр орманда жүріп адасып қалыпты оның бізге бір тапсырмасы бар екен, соны орындасақ, қасқырға көмектесеміз.

Ендеше мен сендерге ертегі оқып берейін.

Жыл мезгілінің төрт маусымға бөлінуі туралы, ел ішінде тараған екен.

Ертегі: «Жыл атайдың төрт баласы».

Ертегі: «Жыл атайдың төрт баласы»

Ерте, ерте, ертеде Жыл атай өмір сүріпті. Ол бүкіл табиғат құбылыстарының иесі болыпты. Табиғаттың әрбір мүшесі Жыл атайдың құзырында екен. Жыл атайдың мінездері әртүрлі төрт баласы болыпты. Бірінші баласының аты - Қыс екен. Оның мінезі өте қатал, ашушаң болған екен. Мінезінің қатты болғанымен, көңілі пәк, ниеті түзу екен. Бірақ ашуланса, бүкіл әлемді өзінің суық ызғарымен тондырып тастайтын көрінеді.

Ал үлкен баласынан кейінгі баласының аты - Көктем екен. Көктем өте көңілді, жайдары, жан-жағына шуағын, нұрын төгіп жүреді екен. Қыс атасының ашуланған кезінде осы Көктем ашуын басып, сабырға келтіріп отыратын көрінеді. Көктемнің ерекшелігі бүкіл тіршілік иелеріне мейірлене қарап, жан бітіреді екен. Сондыктан оны жануарлар мен өсімдіктер патшалығы ерекше құрметтейді екен. Бірақ Көктем кейде мұңайып та қалады екен.

Осындай мұңайған сәтте көмекке келетін үшінші баласы Жаз екен. Жаз Жыл атайдың барлык балаларының ішінде ең жайдары, ең мейірімдісі екен. Жаз бүкіл жер бетіне өзінің ыстық шуағын төгіп, жеміс-жидектердің пісуіне септігін тигізеді екен. Жазға бүкіл гүлдер патшалығы бағынатын көрінеді. Бүкіл жәндіктер мен жануарлар да оған дән риза. Жыл атайдың ең кенже баласы - Күз екен. Күз үнемі мұңайып. томсырайып жүреді екен. Бірақ кейде қуанышты сәттері де болады. Томаға тұйық мінезіне қарамастан, Күз өте жомарт, қолы ашық екен. Әсіресе оған Адамдар патшалығы дән риза. Өйткені астықпен, жеміс-жидектермен, көкөністермен қамтамасыз ететін осы Күз екен. Жыл атай әр баласының мінездерінің ерекшеліктеріне қарамастан, оларды өте жақсы көріпті.

Ертегі ұнады ма балалар?

Ия

Не жайында айтылды?

Жылдың 4 мезгілі туралы айтылды.

Ал, балалар қасқырға көмектестік пе?

Ал енді қараңдаршы, мынау қандай аң?

Қоян.

Балалар қоянда орманда адасып қалыпты.

Қоянға да көмектесіп жіберейік.

Алдарыңда, төрт топта да жыл мезгілдерінің суреттері жатыр.

1-топта қыс мезгілінің суреті

2-топта көктем мезгілінің суреті

3-топта жаз мезгілінің суреті

4-топта күз мезгілінің суреті