Жыл мезгілдеріндегі өзгерістер туралы балабақша материалы

Ашық оқу қызметі: Жаратылыстану

Тақырыбы:Әр жыл мезгілінде қандай өзгерістер болады?

«Арман» балалар бақшасы

Оқыту мақсаттары

0.2.2.2 . Маусымдық өзгерістердің жанды табиғатқа тигізер ықпалын анықтау.

Күтілетін нəтиже

Барлық балалар:

бақылауға қатыса алады;

маусымдық өзгерістерді атай алады;

табиғатта болатын өзгерістерді анықтай алады;

жыл мезгілдеріне байланысты маусымдық өзгерістердің ерекшеліктерін көрсете алады.

Көпшілік балалар:

маусымдық өзгерістердің ерекшеліктерін анықтай алады;

маусымдық өзгерістерге байланысты табиғат құбылыстарының өзгермелілігін айта алады;

практикалық жұмысты орындай алады.

Кейбір балалар:

• бақылау үдерісін талқылай алады және қорытынды шығара алады.

Тілдік мақсаттар

Дағдыны дамыту: маусымдық өзгерістерді бақылау үдерісінде сұрақ қоя білу, болжамдар айту, ұғымдарға анықтама беру, жүйелеу, бақылау, қорытындылау және ойша тұжырым жасау. Көптілділік: жыл мезгілдері – времена года – seasons

негізгі терминдер мен сөз тіркестері.

Маусым, маусымдық өзгерістер, жыл мезгілдері, табиғат құбылысы, т.б.

талқылауға арналған сұрақтар.

Әр маусымда қандай өзгерістер болады?

Маусым дегеніміз не?

Маусымдық өзгерістер дегеніміз не?

Маусымдық өзгерістер неге байланысты құбылады?

Маусымдық өзгерістердің жанды табиғатқа тигізер ықпалы қандай?

Алдыңғы білім

Маусымдық өзгерістер туралы ұғымдар; қарапайым бақылау дағдылары.

Жоспар

Жоспарланған

уақыт

Жоспарланған оқу қызметі

Ресурстар

Басталуы

0–5 минут

(Ұ) «Мен жерімді сүйемін» өлеңінің көмегімен дұрыс әсерлі көңіл күй жасау.

Мен жерімді сүйемін, Жеріме дән себемін. Ауа таза болсын деп, Жылда ағаш егемін.

(Ұ) Балалар, табиғат құбылысы дегеніміз не? Есімізге түсірейікші. Бүгін біз сендермен әр маусымдағы өзгерістер болатыны туралы айтатын боламыз. Маусымдық өзгерістер дегеніміз не? Қалай ойлайсыңдар?

Мақсатты болжам.

(Ұ) Балалар ҰОҚ әңгіме не жайында болатындығын сурет бойынша болжамдайды. ҰОҚ соңында қол жеткізетін мақсат айқындалады. (Оған рефлексия кезеңінде қайтып оралады).

( Ұ) Өзекті мәселелер.

Жұмбақтарды шешу арқылы маусымдық өзгерістер туралы түсінік беру. 1. Аяз қысып, өрнек сызып, Терезені торлайды.

Қарға омбығып,

Бет домбығып,

Сырғанап жастар ойнайды. Бөбектерім, айтыңдаршы

Бұл қай кезде болады? (Қыс).

Қар, мұз еріп, су көбейіп, Сай-салаға толады.

Бүршік жарып, жарық ашып, Гүл бәйшешек басады.

Бөбектерім, айтыңдаршы

Бұл қай кезде болады? (Көктем).

Өрік, алма,

Жидек жүзім піседі.

Қауын-қарбыз,

Қияр, сәбіз дүкендерге түседі. Астық пісіп, орақ түсіп, Қырман дәнге толады.

Бөбектерім, айтыңдаршы

Бұл қай кезде болады? (Жаз)

4.Бұлттар төніп, жерге төгіліп, Дымқыл тұман басады. Шөп сарғайып, өңі тайып, Дала нұры қашады.

Ойнай алмай,

Денең мұздап тоңады.

Бөбектерім, айтыңдаршы Бұл қай кезде болады? (Күз)

Балалар, қандай жыл маусымдарын білесіңдер?

Жылдың төрт мезгілі бар: қыс, көктем, жаз, күз.

Маусымдық өзгерістерге анықтама беріп көрейікші. Маусымдық өзгерістер – әр жыл мезгілінде өзіне тән табиғат

құбылыстары мен өзгерістері.

Ертегі: «Жыл атайдың төрт баласы»

Ерте, ерте, ертеде Жыл атай өмір сүріпті. Ол бүкіл табиғат құбылыстарының иесі болыпты. Табиғаттың әрбір мүшесі Жыл атайдың құзырында екен. Жыл атайдың мінездері әртүрлі төрт баласы болыпты. Бірінші баласының аты – Қыс екен. Оның мінезі өте қатал, ашушаң болған екен. Мінезінің қатты болғанымен, көңілі пәк, ниеті түзу екен. Бірақ ашуланса, бүкіл әлемді өзінің суық ызғарымен тоңдырып тастайтын көрінеді.

Ал үлкен баласынан кейінгі баласының аты – Көктем екен. Көктем өте көңілді, жайдары, жан-жағына шуағын, нұрын төгіп жүреді екен. Қыс ағасының ашуланған кезінде осы Көктем ашуын басып, сабырға келтіріп отыратын көрінеді. Көктемнің…