5-сынып қазақ тілі сыртқы келбет және тазалық сабағы

ҚЫСҚА МЕРЗІМДІ САБАҚ ЖОСПАРЫ

Мектеп: Нұн Жұбаев орта мектебі

Пәні: Қазақ тілі

Ұзақ мерзімді жоспардың бөлімі: Адамның сырт келбеті мен мінезі

Күні: 02.03.18 Мұғалімнің аты-жөні: Оразбекқызы Г

Сынып: 5-сынып Қатысқандар: Қатыспағандар:

Сабақтың тақырыбы

1 -сабақ

Сыртқы келбет және тазалық

Осы сабақта қол жеткізілетін оқу мақсаттары

5.О1. Мәтіндегі негізгі және қосымша ақпаратты түсіну, анықтау.

5.Ж3. Сюжетті суреттердің (фотосуреттердің) желісі бойынша әңгіме құрастыру.

Сабақтың мақсаты

Барлық оқушылар орындай алады: Оқылған мәтін мазмұнын түсінеді.

Оқушылардың көпшілігі орындай алады: Негізгі және қосымша ақпаратты анықтайды.

Кейбір оқушылар орындай алады: Сурет желілері бойынша әңгіме құрастырады.

Бағалау критерийі

- Мәтінді түсінеді

- Негізгі және қосымша ақпаратты анықтайды

- Әңгіме құрастырады

Ойлау дағдыларының деңгейлері

Білу, түсіну, қолдану

Тілдік мақсаттар

Пәнге қатысты сөздік қор мен терминдер: дене бітімі, талғамы, өмір салты т.б.

Диалог және жазылым үшін қажетті тіркестер: сыртқы келбет, ішкі жан дүние, жеке гигиена т.б.

Талқылауға арналған сұрақтар:

Адамның сыртқы келбеті дегенді қалай түсінесің?

Адамның сыртқы келбеті маңызды ма, ішкі жан дүниесі ма?

«Киіміңе қарап қарсы алады, сөзіңе қарап шығарып салады» деген сөзбен келісесіңдер ме?

Құндылықтарға баулу

Тарихтың, мәдениет пен тілдің біртұтастығы

Пәнаралық байланыс

Әдебиет, бейнелеу

Тақырып бойынша алдыңғы білім

″Көлік және жол белгілері″ бөліміне шолу.

Сабақ барысы

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың басы

5 минут

1.Оқушыларды сабақтың мақсатымен таныстырып өту.

2.″Түрлі түсті қолшатыр″ әдісі арқылы сыныпта жағымды психологиялық ахуал орнату. (Оқушылар қолшатырдың ішіне қасында отырған досының сыртқы келбеті мен мінезіне қатысты 2-3 сөз жазады. Сонан соң бір-біріне сыйлайды)

3. Қолшатыр түстері арқылы 4 топқа бөлінеді.

″түрлі түсті қолшатыр″

Сабақтың ортасы

7 минут

Оқылым. Жазылым. Айтылым. (топтық жұмыс)

«Араласып кеткен оқиға» әдісі.Мәтін бір бет қағазға жазылады, бөлімдер бойынша бірнеше бөлікке бөлініп қиылады. Ол бөліктер партаның бетіне орындарын ауыстырылып, араластырып, жайылып қойылады. Әр топ берілген мәтіннің қима бөліктерін оқиды. Мәтінді мазмұнына қарай құрастырады. Құрылған мәтіннің мазмұнын баяндап, негізгі ақпаратты дәптерге жазып отырады.

Сыртқы келбет және тазалық негіздері

Кез келген адамды бір көргенде-ақ оның көзі, қасы, беті, құлақ-мұрны, аузы-мойны, дене бітімі саған әр қилы әсер етеді. Онымен танысып, әңгімелесіп, араласып кетпей тұрып-ақ ол қандай адам, сол жөнінде өзіндік пікір де қалыптастырып үлгіресің. Бұл адамды адамның сыртқы келбеті арқылы-ақ танып, білу қасиеті. Содан, әлдекімді бір көргенде-ақ «Әлем-жәлем киінуді ұнататын сәнқойсымақ екен», «Күлкісі қандай жасанды», «Түрі қандай тұрпайы, өзі арсыз жан шығар», - деп те жатамыз. Әйтеуір, адамның сыртқы келбеті не сүйсіндіреді, не одан жиіркендіреді, тіпті, таң-тамаша да қалдырады.

Сыртқы келбет (түр) дегеніміз не? Адамның сыртқы келбетіне кіретін дене, заттар, жаратылыс: киім, фигура (латын сөзі, аударғанда: «сыртқы түр» деген мағынаны білдіреді), келбет, бет-әлпетінің өзгерісі, дене құрылысы, бойы, салмағы, мүсіні.