Әй, әй ата әнін жаттауға арналған материал

Ұйымдастырылған оқу қызметінің жоспары

«Балдәурен» ересек тобы

Саз жетекшісі: Абуева Гульжахан Амиркешқызы

Білім беру саласы: ШығармашылықҰйымдастырылған оқу қызметі: МузыкаТақырыбы: «Әй, әй ата» (Ө.Байділдаев, Ж.Смақов) әнін жаттау.Мақсаты: Балалардың бойына ұлттық құндылықтарын сіңіру. Киіз үй туралы түсінік беру. Әннің сөзін анық айтуға үйрету және жаттатқызу, ойын арқылы балалардың қызығушылығын арттыру.

Міндеттері:

Білімділік: музыка ырғағымен нақты қимылдар жасауға, әнді нақышына келтіріп айтқызуға үйрету.

Дамытушылық: Балалардың ой – өрісін дамыта отырып, музыкаға деген қызығушылығын арттыру.Тәрбиелік: ұлттық құндылықтарды қастерлеу білуге тәрбиелеу.

Көрнекіліктер: мнемокесте.

Сөздік жұмыс: Киіз үй - юрта, yurt. Ата – дед, FIO.

І. Кіріспе бөлімі:Балалар «марш» екпінімен залға кіреді, ортаны айналып әуен ауысқанда әртүрлі қимылдар жасап, шеңбер бойына тұрады.

Музыка жетекшісі балалармен үш тілде амандасады.

ІІ.Оқу қызметінің барысы:

Балалар, музыка оқу қызметінде біз не үйренеміз?Ән айтуды, би билеуді үйренеміз, музыка тыңдауды.Жарайсыңдар!ІІІ. Негізгі бөлім.

Олай болса, бүгін біз ән тыңдап ауылға атамызға қонаққа барамыз.

Атамызды қуантып,

Ауылға біз барамыз.

Құлыншақпен шабамыз,

Бұған жетер шамамыз,

-деп «Тұлпарым» (Б.Бейсенова) әнінің екпінімен құлыншақ шабысын келтіріп жүреді. Міне, атамыздың киіз үйіне де келдік. Қараңдаршы, қандай әдемі! («Құлыншаққа отырып», шаттана шауып, шеңбер бойымен жүреді. Екі қолдың жұдырығын түйіп, үзеңгіден ұстаған болып, қолдарын алға созады. Тізені серпе көтеріп, жеңіл жүгіреді.)

Залға ата кіреді.

Ата: -Амансыңдар ма, қарақтарым! Жоғары шығыңдар! (Ата арнайы жасалған киіз үйде домбыра тартып отырады)

Балалар: Атамен амандасып, атаның қасына малдас құрып отырады.

Ата: Киіз үй - қазақ халқының ертеден келе жатқан баспанасы. Ол көшіп - қонғанда тез жиып, шапшаң тігуге ыңғайлы. Біздің қазақ халқы ертеде қыста қыстауға, жазда жайлауға көшіп жүрген. Көшіп қонуға ыңғайлы болсын деп осындай киіз үйлер дайындаған. Бұл киіз үй қыста жылы, жазда салқын болған. Киіз үй негізінен ағаштан жасалып, киізбен жабылған. Сондықтан киіз үй деп аталған.

Саз жетекші: енді, біздің балабақшаға кететін уақытымыз келді. Ата біз сіздің халінізді билейік деп келдік. Келесі кездескенше аман сау болыңыз.