Алаштың Әлиханы тәрбие сағатының материалдары

"Алаштың Әлиханы" әдеби-танымдық кешінің бағдарламасы

Өткізген: Музыка пәнінің мұғалімі Сарсетов Абай Болатұлы

Көрнекті қоғам және мемлекет қайраткері, ғұлама ғалым, ұлт- азаттық қозғалысының теориялық негізін салушы әрі көсемі, қазақтың тұңғыш саяси партиясын ұйымдастырушы және Алаш Орда үкіметінің төрағасы Бөкейханов Әлихан Нұрмұхамедұлының туғанына 150 жылдық мерейтойына байланысты І. Үргенішбаев атындағы орта мектебінде өткізілген "Алаштың Әлиханы" әдеби-танымдық кеші.

Кештің мақсаты: Әлихан Бөкейханұлының өмірімен таныстыру.

"Алаш Орда" қайраткерлерінің өмірі мен ұстанған идеяларын оқушыларға түсіндіре отырып, отансүйгіштікке, салт-дәстүрімізді сақтауға дәріптеу, "Алаш" партиясы құрылған кезеңдердегі орындалған "Алаш маршы" әнін, С. Торайғыровтың "Алаш ұраны" әнін, Ә. Бөкейхановтың ән туралы атқан мақаласын, сол кездегі қуғын- сүргінге ұшыраған зиялылардың ащы зарындай болған, елге кеңінен таралған Қапездің "Қоштасу" әнін үйрете отырып, музыка арқылы қайраткер тұлғасын таныту.

Би. "Қазақ биі". Орындайтындар: 6 "ә" сыныбының биші қыздары

Жүргізуші: -Құрметті ұстаздар, жас өркен оқушылар!

Биыл "Қазағым - елім,

Қайқайып белің

Сынуға тұр таянып.

Талауда малың,

Қамауда жаның

Аш көзіңді оянып", - деп А. Байтұрсынов айтпақшы, қараңғылықта жатқан қазақ елін биіктерге көтеруді мақсат еткен, қазақ елінің тәуелсіз ел болуын мұрат еткен Алаш өкіметінің көсемі Әлихан Бөкейхановтың 150 жылдығы тойланғалы отыр. Осыған орай бүгінгі әдеби-танымдық кешімізді Әлихандай айтулы тұлғаның кемеңгер бейнесін тануға арнамақпыз.

Ән. "Алаш елі" Жүсіпов Марлен 6 "ә" сыныбы

1 видео "Алаш Орда" дегеніміз не? (мультфильм негізінде түсірілген деректі фильм).

Жүргізуші: -Әр адамның өмірі де балалық шақтан бастау алатыны белгілі. Олай болса, Әлиханның балалық шағымен таныс болайық ( видеокөрініс).

№2 видео "Балалық шақ"

3. Кезінде Шәкәрім атамыз:

Бостандық таңы атты,

Қазағым, көріңдер,

Арға ие басшының

Соңынан еріңдер", - деген екен. Соңынан елін ерте білген Әлихандай басшымыз қандай білім алды екен? Бірге тамашалайық

№3 видео "Қоғамдық іске араласуы"

Жүргізуші: Кезінде Әлиханмен бірлесе қызмет еткен, алаш елі үшін терін төккен ұлт зиялыларының бірі - Ахмет Байтұрсынов. Оның "Қазақ" газетін шығарудағы еңбегін барша қазақ жұрты біледі. Олай болса, тыңдайтындарыңыз - Ахмет Байтұрсыновтың Әлихан Бөкейхановқа арналған "Достыма хат" өлеңі. Оқитын: Мұхитова Аружан 6 "ә" сыныбы

Жүргізуші: - Иә,

- Бірлік пен талапты

еңбекке салыңдар,

Ұмтылып ерікті

ел болып қалыңдар,- дегендей, Әлихан Бөкейханов қазақ халқы үшін қандай қиындықтар көрді?