Атымтай Жомарт әңгімесіне арналған ашық сабақ жоспары

Қысқа мерзімді сабақ жоспары

Бөлім: Тәрбиенің қайнар бұлағы

Мектеп: №56

Күні: 5.12.2017ж

Мұғалімніңаты-жөні: Бесбаева Н.К.

Сынып: 5 «А»

Қатысқандар саны:

Қатыспағандар саны:

Сабақтың тақырыбы

Ы.Алтынсарин. «Атымтай Жомарт» әңгімесі.

Сабақтың мақсаты

Т/Ж1. Әдеби шығарманың жанрына қарай фабуласы мен сюжеттік дамуын сипаттау.

А/И1. Әдеби шығарманың композициясы.

1.Барлық оқушылар орындай алады: Шығарма мазмұнын түсінеді, зерттейді. Шығармадағы Атымтай Жомарттың екі пікірін салыстыра отырып, тұжырымдайды. Қарама-қарсы ұғымдағы жомарттық пен сараңдықты мәтін мазмұнынан табады,салыстырады.

2. Оқушылардың көпшілігі орындай алады: Көркем шығармада көтерілген мәселе бойынша өз көзқарасын дәлелді етіп жеткізеді. Шығармадағы Атымтай Жомарттың екі пікірін салыстыра отырып, тұжырымдайды.

3. Кейбір оқушылар орындай алады: «Құнды пікір» әдісі арқылы Атымтай Жомарттың екі пікірін салыстыра отырып, түйінді ой айта алады. Жомарттық пен сараңдықты адамгершілік тұрғысынан салыстыра бағалайды. Әдеби шығармада көтерілген мәселеге анализ жасай отырып, өмірдегі шындыққа көзқарасын қалыптастырады.

Жетістік критерийі

Әдеби шығарманың мазмұны мен сюжеттік дамуын сипаттайды;

Шығарманың мазмұнын түсінеді;

Жомарттық пен сараңдық сөзінің мағынасын ашады.

Әдеби шығармадағы Атымтай Жомарттың екі пікірін салыстыра суреттеулер мен қарама-қарсы суреттеулерді, жомарттық пен сараңдықты мәтіннен табады.

Кейіпкерді шынайы өмірмен салыстырып бағалайды.

Тілдік мақсаттар

Пәнге қатысты сөздік қор мен терминдер: көңілге жел кіру, дәулет,әдет, кем-кетікке жәрдем беру, әбірет алу

Диалог құруға\шығарма жазуға арналған пайдалы тіркестер: шөп тасып, жұмыс қылады, ұмытармын деп қорқамын, әбірет алсын деймін.

Талқылауға арналған сұрақтар:

-Әңгіме оқырманға қандай үлгі-өнеге көрсетеді?

- Қазіргі заманның Атымтай Жомарты қандай?

-Егер сен бай болсаң, не істер едің?

Құндылықтар

Зайырлы қоғам мен жоғары руханият. «Атымтай Жомарт» әңгімесінің айтар негізгі түйінді ойы арқылы еңбекке деген құрмет, өмір бойы білім алу құндылықтарына, рухани өрлеуге баулимын.

Өмірмен байланысы

Адам бойында ізгі істерді көре білу

Пәнаралық байланыс

тарих

Алдыңғы білім

«Дүние қалай етсең табылады?» әңгімесі

Сабақбарысы

Жоспарланған

кезеңдері

Жоспарланған іс-әрекеттер

1.«Сәлемдесу» сергіту сәті.

Білім алушылар орындарынан тұрып, көршісінің аттас саусақтарына кезек-кезек тигізеді, бас бармақтан бастайды:

-Мен саған тілеймін(бас бармағын тигізеді)

-Бақыт(сұқ саусағын тигізеді)

-Денсаулық(ортаңғы)

-Барлығында(атаусыз саусақ)

-Барлық жерде(шынашақ)

-Сәлеметсің бе!(алақанын бір-біріне тигізеді)

2.«Суреттер: не болды?» әдісі. Интерактивті тақтадан суреттер көрсетіледі. Оқушылардан суретте не болып жатқанын және түсіндіріп берулері сұралады.

Білім алушының назарын шоғырландыру үшін қосымша жетекші сұрақтар қойылады:

- Суреттен не байқадыңдар?

- Бұл қандай адам? Оның бойында қандай жақсы қасиет бар деп ойлайсыз?

- Бүгінгі сабақтың тақырыбы не жайлы? Болжаңыз.

3. Оқушылармен бірігіп, бүгінгі сабақ мақсатын айқындап аламын.

4. Үлестірме қағаздар арқылы сынып оқушыларын топқа бөлемін.

І топ. Жомарт

ІІ топ. Мейірім

ІІІ топ. Еңбек

Дереккөздер

Сабақтың басы

Топқа бөліну (суреттер арқылы).

Оқушылар жаңа сабақтың тақырыбымен танысады.Мәтінді ауызша болжау арқылы өз ойларын айтады.

Слайд

Сабақтың

ортасы

Білгенге маржан!

15 минут

7 минут

Мағынаны тану.

Ой шақыру

Әңгіме қандай шығарма?

(Әңгіме –оқиғаны баяндауға негізделген қара сөзбен жазылған көркем шығарма. Кіші эпикалық туынды.)

«Жомарт» сөзін қалай түсінеміз?

Жомарт адамның бойында қандай қасиеттер болу керек деп ойлайсыздар?

Жомарт Атымтай — Шығыстың көптеген халықтары фольклорында кездесетін кейіпкер, өзінің қайырымдылығы мен жомарттығына сай аты жайылған, халық жадында құрметпен әспеттелетін адам. 6 ғ-да өмір сүрген деген жорамал бар. Түп-төркіні Тай тайпасының ақыны Хатим ибн Абдаллахқа (Хатим-Тай) саяды. Атымтай Жомарт туралы шығармалар ерте кезден белгілі. Олар сюжеттік, жанрлық сипатына қарай үштопқа бөлінеді:

1-топтағы шығармалар хикаяттық сипатта баяндалады. Онда Атымтай Жомарттың өмірі әңгімеленеді, оның жомарт болу себептері баяндалады.