Әжемнің ою-өрнектері

Сабақ жоспары

Тақырыбы: «Әжемнің ою-өрнектері»

Мақсаты:

- Балаларды қазақтың ұлттық ою-өрнектерімен таныстыру;- Ою-өрнектердің түрлері мен олардың мағынасын түсіндіру;- Балалардың қиялын, қол икемділігін, әсемдікке қызығушылығын дамыту;- Ұлттық мұраға құрмет сезімін қалыптастыру.

Көрнекіліктер:

Түрлі ою-өрнек үлгілері, құрақ көрпе, әженің суреті, қағаздан қиылған ою-өрнектер, түрлі түсті қағаздар, желім, қайшы.

Сабақтың барысы:

I. Ұйымдастыру кезеңі

- Балаларды шеңберге тұрғызып, жылы амандасу.- «Әжемнің сандығынан не шығады?» ойыны арқылы сабаққа қызығушылық тудыру (сандықтан ою-өрнегі бар мата, құрақ немесе кестелі орамал шығару).

II. Негізгі бөлім

1. Әңгімелеу: - Тәрбиеші әженің қолөнерге шебер болғаны, ою-өрнектерді тұрмыста кең қолданғаны жайлы айтады. - «Қошқар мүйіз», «Түйе табан», «Су ізі» сияқты қарапайым ою түрлерін көрсетіп, олардың мағынасын түсіндіреді.2. Сергіту сәті: - Қимыл-қозғалыс ойыны: «Ою салайық» (балалар қолдарымен ою сызықтарын бейнелейді).3. Практикалық жұмыс: - Балалар түрлі түсті қағаздан дайын үлгіні қиып, қағаз бетіне жапсырып, өздерінің «кішкентай құрақтарын» жасайды. - Тәрбиеші балалардың жұмысына бағыт-бағдар береді.

III. Қорытынды бөлім

- Балалардың жасаған жұмыстарынан шағын «Ою-өрнек көрмесін» ұйымдастыру.- «Әжемнің ою-өрнегі – елдігімнің өрнегі» деген қорытынды ой айту.- Балаларды мадақтау, үйге тапсырма: «Әжеңнен немесе анаңнан оюы бар бұйымды көрсетуді сұра».