Бағдарламаның жеті модулін сабақтарға енгізу туралы мақала

Тиімді тәжірибе

Бағдарламаның жеті модулін тізбектелген сабақтар топтамасына енгізу туралы түсініктеме.

Тәжірибе мұғалімді өзгеріске итермелейді,өткенді сараптауға , болашаққа жоспар құруды үйретеді Мен мектептегі тәжірибе кезеңінде әдебиеттік оқу пәнінен 4-ші сыныпқа «Халық ауыз әдебиеті» тарауы бойынша орта мерзімді жоспар құрдым.Орта мерзімді жоспарда мен 7 модульді өзара ықпалдастырған болатынмын.Осы тарау бойынша А есебіндегі құрған жоспарыма аздаған өзгерістер енгізіп отырмын. Себебі , мен тиімді әдістер қолдану барысында баланың жас ерекшелігіне онша мән бермеппін.Оны алғашқы сабағымды өткен күні байқадым.Сонымен қоса сабақ барысында көп әдіс пайдаланудың тиімсіз болатынын түсіндім.Оған дәлел уақыттың да жетпей қалуы.«Мұғалім жүргізетін дамыту жұмысының әсері жоба аяқталған соң емес, оның барысында сезілуі керек»(МАН.83-бет)

Осы тұжырымға мектептен барған екі әріптесім үшеуіміз сүйене отырып , бір –бірімізге қолдау көрсете бастадық.Менің бұл жерде байқағаным , аталған курсқа дейін біз жәй әріптес болсақ, тәжірибе кезеңіндегі жұмыстар барысында біз бір үйдің баласындай болып кеттік.Менің ойымда сан түрлі сұрақтар тізбегі тұрды.Қасымдағы екі әріптесіммен кеңесе отырып алғашқы жұмысты бастадым.

Бағдарламадағы модульдерді ықпалдастырылған тізбектелген сабақтар топтамасына сүйене отырып , қысқа мерзімге арналғын 4 сабақты бастап кеттім.

Алғашқы сабағым «Шөже мен Орынбайдың айтысы». Орта мерзімді жоспарымда бұл сабақта мен

« Оқыту мен оқудағы жаңа тәсілдер» модульі бойынша«Тыңда. Тексер. Бағала», «Су бетіне қалқу», «Жедел сауал», «Брифинг» стратегияларын және ұжымдық, жұптық тапсырма мен жеке тапсырма жоспарладым. «Талантты және дарынды балаларды оқыту» модулі бойынша, тақырыпқа сай «кеңейтілген »тапсырмалар орындатамын. «Оқыту үшін бағалау және оқуды бағалау» модулі бойынша: «Кері байланыс», «Бағдаршам», « Критерий арқылы», «Мадақтау сэндвичі» сияқты бағалау әдісін пайдаланамын.

Бір сабаққа бір немесе бірнеше модульдің қалай және неге енгізілгені туралы түсініктеме.

«Шөже мен Орынбайдың айтысы» сабағын психологиялық жағымды және белсенді орта қалыптастырудан бастадым.Ондағы мақсатым оқушылардың бір-біріне деген сенімдерін арттыру,жақындастыру. Выготский когнитивтi дaмудың, оқушылaр өзiнiң «Жaқын aрaдaғы дaму aймaғындa» жұмыс iстесе жaқсaрaтындығын aтaп көрсеткен. ЖАДА оқушы дамытатын дағды мен қабілеттер,өз бетімен жасай алмайтын тапсырмалар көлемін айқындайды. (МАН-24 бет)Оқушыларды сурет қиындыларының (қамқа,шылбыр,сыбаға) көмегімен топқа бөлдім.Суретте бейнеленген…