Балабақшадағы шағын мұражай жобасы

Балабақшадағы «Шағын мұражай»жобасы

«Аягөз қалалық №5 бөбекжай-балабақша»КМҚК меңгерушісі,Ж.А.Сеитжапарова

Балалар кез келген жаста өте ізденгіш,сұрақ қойғыш екені бәрімізге белгілі,және оларға барлығы қызықты,оғаш көрініп тұрады.Балабақшадағы «шағын мұражайлар» тәрбиешіге баланың осындай мың сұрағына лайықты жауап беруіне үлкен көмек болары сөзсіз.

Мұражай заттық және рухани құндылықтарды танытуда, ғылыми тұрғыда зерттеп, оның нәтижелерін насихаттауда, осы негізде тәлім-тәрбие беруде маңызды рөл атқарады

Мұражай педагогикасы балаларды тұлғалық тәрбиелеу саласында жеке адамның арнайы ұйымдастырылған пәндік-кеңістік ортасына енуіне жағдай жасаушы инновациялық технология болып табылады

Әрине, балабақша жағдайында мұражай ісі талаптарына сәйкес келетін экспозиция құру мүмкін емес. Сондықтан да бұл экспозициялар "шағын мұражайлар" деп аталады. "Шағын" сөзі балалардың жасын көрсетеді, сондықтан экспозиция өлшемдері және нақты белгілі бір тақырып бойынша құрылған мұражайлар оларға қолдануға арналған.

Мұражай — бұл ерекше,арнайы ұйымдастырылған балабақшаның бір «бұрышы».Баланың білімділігін көтеру,салт-дәстүрді дәріптеу,баланың өресінің дамуына ықпал ету ,қызығушылығын арттыру мақсатында ұйымдастырылады.

Өзектілігі: балабақшада «шағын мұражай» ұйымдастыру қиындықтары

Балабақшадағы «шағын мұражайдың» ерекшелігі — ұйымдастыру жұмысына балалар мен ата-аналардың бірге қатысуы.Бұл жерде бала бейтарап қатысушы емес,авторлас ойлап табушы.

«Шағын мұражай»-тәрбиешінің бала және ата-анамен бірлескен жұмысының нәтижесі.

Балабақшадағы «шағын мұражайдың» мақсаты — заттық-дамытушы ортаны толықтыру,шығармашылық қабілеттерін дамыту; мектепке дейінгі мекеме тәрбиеленушісінде «мұражай» ұғымын қалыптастыру; ғылыми-зерттеу дағдыларын қалыптастыру;тәрбиеленушілердің отбасын балабақша өміріне тарту.

«Шағын мұражай» ұйымдастырудың кезеңдері

Алғашқы кезең — дайындық.Бұл кезеңде тақырып таңдау жүргізіледі, шағын мұражай атауы,оның орналасатын жері мен оның модельдері қарастырылады;

Екінші кезең — тәжірибелік. Экспонаттар жинау,оны талдау жұмыстары. Шағын мұражайды безендіру.

Үшінші кезең — шағын мұражайдың жұмыс істеуі. Экскурсиялар,әңгімелесулер,ойын сабақтары,таныстырылымдар.

Осы кезеңдерді жоспар бойынша іске асыра келе балабақшамызда 2015-2016 оқу жылында шипажай тобында «Қасықтар», І сәбилер тобында «Қуыршақтар», «Музыка аспаптары» орта топта,«Су асты жануарлары», ересек топта «Кілттер», орта топта «Жәндіктер», «Емдік шөптер», «Сағаттар» тақырыптарында «шағын мұражайлар» ұйымдастырылды.І сәбилер тобында

Алдағы уақытта ата-аналар мен балалар қатысуымен «Судың қасиеті», «Үйлер», «Не?Қайда?Қашан?», «Көңілді түймелер», «Мал фермасында» тақырыптарында даярлық топтарда шағын мұражайлар ашу жобасы қолға алынды.