Баланың шырағын жағу үшін мектептемін эссесі

Мен баланың шырағын жағу үшін мектептемін

… Иә, иә мен баланың шырағын жағу үшін, білімге деген көзін ашып, нұрландыру үшін, көкірегін оятып сөйлету үшін мектептемін!

Осы тұста мен Зейнолла Қабдолов ағамыздың; «Ұстаз болу- өз уақытын аямау, өзгенің бақытын аялау» - деген қанатты сөздерін айтқым келеді, Шынымен де әр ұстаз бар күш – жігерін өзгенің баласына өз баласындай шын ықыласымен, жан – тәнімен сыйлауға дайын.

Әр ұстаздың мақсаты да, міндеті де айқын, Айқын ұстаздың шәкірті де айқын.

Қазіргі таңда оқушылардың білімге деген, өз пәніне деген құзыреттілігін арттыру мақсатында әр түрлі жаңа технологиялық үлгідегі құрал– жабдықтарды пайдалана отырып, ойын түрінде де, жазба, сөйлеу әрі дарындылығын ашу мақсатында өз ойын жеткізе білуге еркіндік береміз. Біз шәкірттің шырағын жағушы ұстаз болғаннан соң, баланың жарық «Шырақ» болғанын қалаймыз. Ең бастысы әр ұстаз баланың жүрегіне жол таба білген абзал! Жан – жақтан қысым болып, байқамай жел тұрып, шырақтың сөніп қалуын біреу білсе, біреу білмес! Әрине, шырағданың нәзік болса, оған қамқорлық керек- ақ ! Бұл сөздің астарында қанша мән – мағына бар десеңші? ! Сол шырақтың емін – еркін жанып, күш алып кетуіне бірден – бір себепші өзіміз !

Олай болса, қазіргі жаһандану заманында заманауи даму жағдайында ең бірінші өзің жан – жақты дамысаң, өзгені де дамыта аларың сөзсіз!!! Сондықтан, баланың шырағының көзін ашып лапылдап жану үшін, өзің де жанып, сол жалынның лебін жанындағы шырақтың тұтануына жұмсайсың ! Қалай дұрыс жану ушін ізденесің, ысыласың, жаңарасың !

Баланың шырағданы үнемі жарқырап тұрса, ол ұстаздың мерейі. Сондықтан, ұстаз өзін жаңашылдықпен байытқаны абзал. Жаңашыл ұстаз жаңғырып жатса, баласы неге жаңашылданып, жаңғырмасқа?!

Жаңғыру демекші, Елбасының Нұрсұлтан Әбішұлы Назарбаевтың биылғы халыққа жолдаған соңғы жолдауында бірнеше басымдылықты айтып өткен болатын. Егер сол басылымдылыққа мән беретін болсақ; «Қазақстанның үшінші жаңғыруы: жаһандық бәсекеге қабілеттілік » - деген болатын.