Мен баланың шырағын жағу үшін мектептемін эссе

Түркістан облысы Қазығұрт ауданы «Сәкен Сейфуллин атындағы жалпы орта білім беретін мектеп» КММ «өзін-өзі тану» пәнінің мұғалімі Акжолова Балнур Куандыковна

«Мен баланың шырағын жағу үшін мектептемін!» атты тақырыпта ой-толғау.

Мен үшін «мұғалім» ұғымы ең қадірлі де қастерлі еді. Себебі, «өмір» деген ұғым жақсы жаманды ажыратып, ізгілікке жетелей отырып, рухани-адамгершілікке үйретті.Сондықтан ұстаз болуды арман етіп, соларға ұқсағанды жөн көрдім. Алдыма мақсат қойып, жоғары оқу орнына түсіп, осы уақыттан бастап мен өзіме үлкен міндет артылғанын ұқтым. Ол міндет -шәкірт бойына жақсы білім нәрі мен рухани тәрбие беру еді.

Мұғалім болу деген не? Осы сұрақты өзіме жоғары оқу орнында оқып жүргенімде жиі қоятынмын және оның жауабын табуға тырыстым. Мен ол сұранымның жауабын ең алғаш рет мектеп кабинетіне кіріп алғаш балалардың бал-бұл жанған жүздерін көріп , барлық мұғалімнің басынан өткен қорқыныш пен үреймен өмірімдегі нағыз сабақ қоңырау үнін естіген сәтте ғана мен шын мәнінде «Мұғалім болу»деген сұрақтың жауабын түсіндім.

Мұғалім болып жұмыс істеген уақытымда түсінгенім мұғалім ол оқытушы ғана емес , ол - бағбан. Әрбір сабақ сайын мен өзіме ерекше бір әсер аламын. Мен тек қана оларды үйретіп қоймай, әр баланың бойындағы адами қасиеттерді көріп, өзімде көп нәрсені үйрендім. Балалар маған төзімді, қайырымды болуды, өзімді де өзгелерді де түсінесіне білуді үйретті. Бұл мұғалім үшін қаншалықты маңызды екенін жеткізу қиын.

Балаларды оқыту және өз жемісін көру - мұғалімнің жұмыс бақытының жартысы ғана, ал балаларды оқыту және өзін оқыту , кез келген сұрақтың жауабын табу, үнемі ізденісте болу, өз жұмысының жаңа қырларын ашу - бұл мұғалім жұмысының нағыз бақыты деп айтуға болады.

Елбасымыз Н. Ә. Назарбаев " Еліміздің ертеңі бүгінгі жас ұрпақтың қолында , ал жас ұрпақтың тағдыры ұстаздардың қолында"- деген болатын.

Әрбір баланың бойына сүйіспеншілікпен білім нәрі мен тәрбие беру арқылы мен саналы ұрпақ тәрбиелеймін.

Мен баланың шырағын жағу үшін мектептемін!