Бастауыш сынып мұғалімдеріне арналған мақала

Жаңартылған білім беру-заман талабы

Жунусова Асел Болатовна-

бастауыш сынып мұғалімі

Ұлы орыс педагогы Константин Дмитриевич Ушинский мұғалімдердің педагогикалық іс-әрекетін жан–жақты зерттегендердің бірі. Ол былай деген еді: «мұғалім өзі үйреніп, оқып жүргенде ғана өмір сүреді». Бұдан өз кәсібилігін жетілдіру мақсатында үнемі оқып, үйреніп отыратын мұғалім ғана өз іс-әрекетінен ләззат алып, өмір сүре алады дегенді ұғынуға болады.

Мен 2016 жылы «Қазақстан Республикасы орта білім беру мазмұнын жаңарту аясында» тақырыбындағы біліктілікті арттыру курсын оқып аяқтадым. Мемлекетіміздің білім беру үдерісіне енген жаңартылған білім беру бағдарламасы — заман талабына сай келешек ұрпақтың сұранысын қанағаттандыратын тың бағдарлама. Аталған білім беру бағдарламасы туралы түсінгенім мен ұғынғаным мол.

Жаңартылған білім берудің маңыздылығы – оқушы тұлғасының үйлесімді қолайлы білім беру ортасын құра отырып сын тұрғысынан ойлау, зерттеу жұмыстарын жүргізу, тәжірибе жасау, АҚТ – ны қолдану, коммуникативті қарым-қатынасқа түсу, жеке, жұппен, топта жұмыс жасай білу, функционалды сауаттылықты, шығармашылықты қолдана білуді және оны тиімді жүзеге асыру үшін қажетті тиімді оқыту әдіс-тәсілдерді (бірлескен оқу, модельдеу, бағалау жүйесі, бағалаудың тиімді стратегияларын) сабақ өткізу барысында жүзеге асырып отырдым. Жаңартылған білім беру бағдарламасының ерекшелігі спиральді қағидатпен берілуі. Оған оқу мақсаттары зерделей отыра тапсырмаларды жиынтық бағалау, тоқсандық жиынтық бағалау тапсырмаларын құрастыру барысында көз жеткіздік.

2016-2017 оқу жылының 3,4 тоқсандарына арналған бөлім\ортақ тақырып бойынша жиынтық бағалау мен тоқсандық жиынтық бағалауды өткізу жоспарын құрдым. Бөлім\ортақ тақырып бойынша жиынтық бағалау мен тоқсандық жиынтық бағалаудың тапсырмаларын дайындадым. Ортақ тақырыптар/бөлім бойынша жиынтық бағалау тапсырмалары жоспар бойынша алынды. Оқушылардың барлығы жиынтық және тоқсандық жиынтық бағалау тапсырмаларына қатыстырылды. Математика пәнінен 1 – сыныптарда 3 жиынтық бағалау (ЖБ), 1 тоқсандық жиынтық бағалау (ТЖБ) тапсырмасы алынды. Сауат ашу, көркем еңбек, дүниетану, жаратылыстану пәнінен 2 жиынтық бағалау тапсырмалары, 1 тоқсандық жиынтық бағалау тапсырмалары алынды. Тоқсандық жиынтық бағалау бойынша тапсырмалар өзгертіліп қайтадан құрастырылды.

СМК-дан өзіме қажетті барлық нормативтік құжаттар: Оқу бағдарламасы, Оқу жоспары, Жаңартылған білім беру бағдарламасы т.б. құжаттарды алып өз іс-тәжірибеме пайдаланып отырмын.