Бауыр әңгімесі бойынша ашық сабақ, 5 сынып

Сабақтың тақырыбы:

Марат Қабанбай «Бауыр» әңгімесі.

Шынайы өмір

Бөлімі:

«Адамгершілік - асыл қасиет»

5 сынып

Оқу мақсаттары: кейіпкерлерді шынайы өмірмен салыстырып бағалау көркем шығармадан алған әсерін сипаттап авторға хат, өлең жазу

Бағалау критерийлері:

кейіпкерлерді шынайы өмірмен салыстырып бағалайды;

көркем шығармадан алған әсерін сипаттап авторға хат, өлең жазады

Үй тапсырмасын тексеру:

1.Марат Қабанбаев қай жерде және қай жылы дүниеге келді?

2. М.Қабанбаев кім деп білеміз?

3.Жазушының шығармалары кімге арналған?

4.Жазушының қандай шығармаларын атай аласыңдар?

5.Бұл шығармалардың негізгі тақырыбы, идеясы қандай? Не туралы, кім туралы жазған?

1948 жылы 22 наурызында Шығыс Қазақстан обл.

Зайсан ауданы Қараүңгір ауылында

2.Жазушы, публицист

3.Балалар мен жасөспірімдерге

4. «Бақбақ басы толған күн», «Арыстан, мен виоленчель және қасапхана», «Жиһаз Тити», «Қала мен қыз бала», «Қазақ, қайда барасың?», «Сурет салғым келмейді» атты повесттер мен әңгімелер топтамалары, «Көркем дәм», «Айшылық алыс жол» романдары жарық көрді

5. Заман келбеті, жастардың өмір-тіршілігі, идеясы: адамды сүю.

Өзіңді тексер:

Мәтін:

- Өскемендегі балалар үйіне сені бұлыңғыр күзде апарып тапсырдық. Өзге амал да қалмаған. Шешені қылтамақ алып кетті. Жерге қарап әкеміз күрт шөккен. Соғыстан контузия алған адамнан не сұрайсың? Төсек жаңғыртып, бізге өгей де болса ана тауып бере ме десек, қаны қайта-қайта көтеріліп, ауруханадан шықпауға айналды. Мен мектеп-интернатта оқимын. Сонда деймін де: «Қалмаймын десе, қалмаймын!» - деп зар илеп жылағаның күні бүгін көз алдымда. Ұстап, жібермеген тәрбиешінің білегін қыршып алдың. Біз де көз жасымызды сығымдап тұрып: «Дорба-дорба кәмпит теңдеп, екі-үш күннен кейін келеміз, қорықпа, алып кетеміз қайтадан», - деп алдарқаттық. Теріс бұрылып, тұғжыңдай берген көкеме көп қарайламай, маған қол созып, пора-пора жылай бердің: «Мака – Манапқа тілің келмей, Мака дейтінсің – кәмпитті сен әкел, сен алып кет!» - деп... Содан итіңдеп ауылға жеткенше... біреуді жерлеп келе жатқандай... тіс жарғамыз жоқ. Бір апта бойы басыма жастанған күпәйкем таңертең дымқыл тартып жүрді... Тәтемнен айырылғасын, сені көкем бақты. Жазғы демалысқа келгенде, жаялығыңды өзім жуып жүрдім. Мені өлердей жақсы көретінсің. Бір бидайды бөліп жедік. Қайда барсам сонда, томпаңдап, ізімнен екі елі қалмаушы ең.

Мәтінмен жұмыс. Мәтінді оқып беру.

№1 тапсырма. Сұрақтарға жауап беріңіздер:

1.Үзіндіде берілген әңгімені кімге кім айтып отыр?

А) Қали Манапқа В) Директор Манапқа

С) Манап Қалиға Д) Әкесі Қалиға (1)

2.Қай жерде орналасқан балалар үйіне қай мезгілде

апарып тастады?

А) жазда, Алматыда В) қыста, Ақтауда

С) күзде, Өскеменде Д) көктемде, Семейде (1)

3. Тәтесінен айрылған соң, Қалиды кім бақты?

А) апасы В) ағасы

С) көкесі Д) тәтесі (1)

4.Бұл үзінді екі бауырдың өмірінің қай сәтін суреттеп тұр? _______________________ (2)