Білім беру үдерісіндегі инновациялық әдістер туралы мақала

ИННОВАЦИЯЛЫҚ ӘДІСТЕРДІ БІЛІМ БЕРУ ҮДЕРІСІНДЕ ТИІМДІ ПАЙДАЛАНУ

Жамбыл облысы Жамбыл ауданы Баймырза Бесбаев атындағы мектеп-гимназия

Сидикова Несибелы Жумагалиевна

директордың ғылыми-әдістемелік жұмыстары бойынша орынбасары

Аннотация

Баяндамада білім беру үдерісінде инновациялық әдістерді пайдалану ерекшеліктері қарастырылған.

Аннотация

В работе изложены рассмотрены основные особенности использования инновационных технологии в учебном процессе.

AnnotationIn work are stated actual problems of the system of the formation, as well as are considered main particularities of the use innovation technologies in scholastic process.

Түйінді сөздер: инновация, педагогикалық технология

Білім беру жүйесіндегі басым бағыттардың бірі — оқыту үрдісін технологияландыра отырып, білімнің кепілдік нәтижелеріне қол жеткізу. Ол үшін оқыту үрдісін өзгерте отырып, мұғалім шығармашылықпен жұмыс жасауы керек. Өйткені бұрын оқушы білімді қабылдаушы, жинақтаушы, өзіне сіңіруші рөлдерін ғана атқарса, ал қазіргі жаңа талап бойынша өздігімен білім алушы, үйрене білуші ретінде танылады. Сондықтан жеке тұлғаны осы рөлдерді атқаруға лайықтау үшін, оның жаңа бейнесін заман талабына сай дайындауымыз қажет. Қазақстандағы білім беру үдерісіне енген жаңартылған білім беру бағдарламасы заманауи тенденцияларға негізделген. Өйткені білім берудің мазмұны жаңарып, жаңаша көзқарас пайда болып, оқытудың парадигмасы өзгерді. Осыған байланысты ұстаздар алдында оқытудың әдіс-тәсілдерін үнемі жаңартып отыру және технологияларды меңгеру, оны тиімді қолдана білу міндеті тұр. Сондықтан да 2016 жылдан барлық мұғалімдер жаңартылған білім мазмұны , критериалды бағалау, жиынтық бағалау тапсырмаларын дайындау сияқты курстардан өтіп, жаңартылған білім мазмұны идеясымен толық танысып, тәжірибеде қолданып жатыр. Мектептерден «Тәжірибедегі рефлексия» курсынан өткен тренер-мұғалімдер мұғалімдерді толық оқытты. Бұ

Қазіргі кезде табысты болу үшін оқушыларға білім қандай қажет болса, дағды да сондай қажет. Бұл оқушылардың ақпаратты есте сақтап, алған білімдерін ұғынуын, түсінуін және әр түрлі салада қолдана білуін талап етеді. Білімді дәл осылай қолдану оқушыларға «ХХІ ғасыр дағдысы» деп жиі айтылып жүрген кең ауқымды құзыреттілікті меңгеруге мүмкіндік береді. Жаңартылған жалпы білім беру бағдарламаларында оқушылардың бойында қалыптастыру қажет құндылықтар мен дағдылар анықталған.

Жаңа технологияның басты мақсаттарының бірі баланы оқыта отырып, оның еркіндігін, белсенділігін қалыптастыру, өз бетінше шешім қабылдауға дағдыландыру. Осы мақсатта мектептердің материалдық техникалық базасына да көп көңіл бөлінуде. Мектебімізде биология, химия, физика, информатика, мультимедия кабинеттері заманауи жабдықталған, зертханалық жұмыстар жасауға толық мүмкіншілік бар. Басқа пән кабинеттерінде де интерактивті тақта, 1 моноблоктан бар, олар кең жолақты интернет желісіне қосылған. Пәнді терең меңгеріп, алған білімдерін тәжірибемен байланыстырып, оқушының бойында дағды қалыптасуына жағдай жасалған. Биылғы оқу жылында IT кабинеті берілді. Кабинет барлық заманауи жабдықтармен қамтылған. Оқушыларға бағдарламалауда, робот құрастыруда шексіз мүмкіндік туып отыр.Былтырғы оқу жылында мектебіміз робототехникадан өткен облыстық жарыста ІІ орын иеленді. Бұл оқушыларда робототехника пәнінен робот құрастыру дағдысы жақсы қалыптасқанының дәлелі деп білемін. Әр сабақта LEGO, Arduino жинақтарымен жұмыс жасайды және де ойындар, телефонға арналған бағдарламалар, анимациялық фильмдер құрастырады. Осындай жұмыстар оқушылар ойының ұшқырлығын дамытып, компьютерді толық меңгеруіне ықпал етеді.

Инновациялық технологияны пайдалану — өмір талабы.

Инновациялық технологияларды қолдану оқу процесін сапалы түрлендіруге, жаңашыл жобаларды енгізуге, оны тиімді басқаруға негіз болып, әрбір білім мекемесінде өзіндік даму жолын табуға, әрбір мұғалімге өзінің әдістемелік жүйесін құруға септігін тигізеді. Қазіргі таңда барлық мұғалім компьютер мүмкіндіктерін толық меңгерген, пәндері бойынша барлық жаңалықтармен интернет арқылы уақытылы хабардар болып отырады. Ауылдық мектептердің қала мектептерінен алшақтығы жойылып бара жатқаны сезіледі. Оны өтіліп жатқан байқау, олимпиадалардан байқауға болады. 2018-2019 оқу жылында республикалық «Мерей тойыңмен, Астана» экофорумынан 9-сынып оқушысы Қайрат Еркемай І орын иеленді. Мұнда ЭКСПО макетін өсімдіктерден жасап, оқушы өзінің білімділігімен, ойының ұшқырлығымен, қабілеттілігімен ерекшеленді. «Менің кіші Отаным-Қазақстан» облыстық экспедициялық жасағында 9-сынып оқушысы І орын иеленді. «Өз өлкеңнің тарихын білесің бе?» тақырыбындағы облыстық байқауынан да 9-сынып оқушысы ІІ орын иеленді. Бұл оқушылардың өз өлкесін тану, зерттеу жұмыстарына қызығушылықтарының жоғары екенін байқатады.

Қазақстанның білім беру жүйесі әлемдік білім беру стандарттарына сәйкестенуде. Жаңартылған білім берудің маңыздылығы – оқушы тұлғасының үйлесімді қолайлы білім беру ортасын құра отырып сын тұрғысынан ойлау, зерттеу жұмыстарын жүргізу,…