Бітімгерлер басқосуы туралы қазақ әдебиеті мақаласы

«Бітімгерлер басқосуы»

Бейсенбінің берекелі күнінде «Бозанбай орта мектебі» КММ «Ұлан ауданы Ішкі саясат, мәдениет, және тілдерді дамыту бөлімі» басшысы Мамырбаев Болатбек Омарбекұлы мен аудандық медиатор Мұхамедиева Гульдарига Төрехановнаның төрағалығымен, «ULAN» Медиация және құқық орталығының директоры Танекеева Тулетай Замамбековна, Ұлан ауданының қоғамдық медиаторы Михеева Людмила Ивановна, «Бозанбай ауылдық округінің» қоғамдық медиаторы Александр Егоровичтердің қатысуымен дөңгелек үстел өтті. Шараның негізгі мақсаты медиацияның мектеп өміріндегі алатын орнын қуаттап, рухани адамгершілік тәрбиені нығайту. Іс-шара барысында мектебіміздің жас медиаторлары, ұстаздары мен оқушылары зор құлшыныс, ерекше ынтасын байқатты. Тәжірибелі мамандар өмірдің сан қилы бұлтарысында кездесетін түрлі ситуацияда салқынқандылық сақтап қана қоймай оны оңтайлы шешу жолдарына бағыт-бағдар сілтеді. Медиаторлардың қоғамдағы рөлі, атқаратын қызметі, елге тигізетін пайдасы туралы салиқалы әңгіме, сүбелі сұхбат өрбіді. Дау-дамайды даурықпасыз шешу жөнінде кеңестер берілді. Кәмелетке толмаған балалар арасындағы қылмыстың өршуі мен оның зардаптары да қызу талқыға түсті.

Танекеева Тулетай Замамбековна өз сөзінде:

- Медиатор-ХХІ ғасырдың мамандығы. Медиатор болу үшін медиация курсын оқу қаншалықты маңызды болса, кісінің бойында адамгершілік ізгі қасиеттердің болуы соншалықты маңызды. Медиациямен айналысу тек кәсіби маманның ғана емес, қабілеті жеткен кез келген патриоттың міндеті,- екенін кесіп айтты.

Мектебіміздің оқушылары құймақұлақ атанып, тек тыңдап қана қоймай, қоғамдағы кез келген мәселеге обьективті түрде баға бере алатын байқампаз жас екенін танытып, медиацияны мектеп өмірімен байланыстыру жайындағы ұсыныстарымен тәжірибелі мамандарды таңдай қақтырды.

Іс шара соңында мектеп директоры Бухатова Ардақ Кабдуалиевна оқушыларымызға қоғам алдындағы борышын ұғындыру, рухани-азаматтық тәрбиені сіңірудегі қосқан үлестері үшін мәртебелі мамандарға алғыс айтып, ризашылығын білдірді.

P.S.

Жалпы, медиатор араздасқан екі жақтың дауын сотқа жеткізбей шешуге тырысатын, тараптардың ешқайсысына қайырылмайтын, дауды бейбіт, тыныш шешу процесін жүргізетін кісі. Алғашқы медиацияға қатысты деректер ежелгі Римде, Юстиниан кодексінде (б.э.д. 530-533ж.) кездеседі екен.

Көшпенділер атам заманнан дау-шарды сол заманның соты би-қазыға жеткізбеуге тырысып араағайынға жүгінген. Бітімгерлер тараптарды ортақ мәмілеге келтіре алмаған жағдайда ғана іс қазының қарауына өткен. Қазіргі бітімгеріміз-медиатор, биіміз-сот. Атқару функциясы сақталған. Атауы ауысқан.

Бітімгер-Берік, Медиатор-Берг.