Бос уақытта саяхаттау пайдалы зерттеу сабағы, 5-сынып

ҚМЖ

Сабақ:қазақ тілі

Мектеп: «Қосағаш» жалпы орта мектебі

Тексерілді: С. Сайлауов.

Сынып: 5ә

Мұғалімнің аты жөні: Турдалиева Айжан Балабековна

Күні: 5. 12. 2018ж

Қатысқандар:

Қатыспағандар:

Сабақты зерттеу сабағының тақырыбы

Оқушылардың жазылым дағдысын қалыптастыруға «Төрт сөйлем» тәсілі қалай әсер етеді?

Бөлім / тақырып

Бос уақыт және хобби. Бос уақытта саяхаттау пайдалы

Осы сабақ арқылы жүзеге асатын оқу мақсаттары

5.2.2.1 лексиканың ауызекі сөйлеу және жазба стильдік айырмашылықтарын мәтіндер арқылы тану;

5.4.4.1 жұрнақ арқылы жасалған туынды сөздерді және күрделі сөздерді ауызша және жазбаша тілдесім барысында қолдану

Сабақ мақсаты

Барлық оқушылар орындай алады

лексиканың ауызекі сөйлеу және жазба стильдік айырмашылықтарын мәтіндер арқылы тани отырып ,туынды сөздерді тілдесім барысында қолданады.

Оқушылардың көпшілігі орындай алады:

жұрнақ арқылы жасалған туынды сөздерді және күрделі сөздерді тілдесім барысында талдайды.

Кейбір оқушылар орындай алады

Мәтіндегі ойды өмірмен байланыстырып құндылығын анықтайды.

Бағалау критерийі

Мәтіндердің айырмашылықтарын анықтайды. Жұрнақ арқылы жасалған туынды сөздерді және күрделі сөздерді ауызша және жазбаша тілдесім барысында қолдана алады.

Күтілетін нәтижелер

Саяхаттаудың адам өміріндегі маңызы мен рөлін түсінеді.

Тілдік мақсат

Оқушылар орындай алады:Мәтіндерді салыстырады ,ерекшелігін анықтайды.Тілдесім барысында туынды және күрделі сөздерді қолдана алады.

Пәнге қатысты сөздік қор мен терминдер:

Бос уақыт, хобби ,саяхат

Талқылауға арналған сұрақтар:

Бос уақытыңда саяхатқа шығуды мақсат етесің бе?

Қазақстанның қандай көрікті жерлерін білесің?

Қай елдерге саяхат жасағыларың келеді?

АКТ қолдану дағдылары

Проектор,ноутбук

Құндылықтарға баулу

Уақытты тиімді пайдалана білуге бағыттау.

Пәнаралық байланыс:

Әдебиет,жаратылыстану

Тақырып бойынша алдыңғы білім

Уақыт алға жетелейді.

Жоспар

Жоспарланған кезеңдері

Жоспарланған жаттығу түрлері

Ресурстар

Сабақтың басы

5мин

Оқушылармен амандасу, ынтымақтастық орнату.

«Өзіңе талап қою,бұл-ең бір қиын нәрсе»,-деп А.С.Макаренко айтпақшы,бұл өте қиын іс,дегенмен жақсы нәтижесін көресің.Өйткені,адам тек өз күшіне сенген жағдайда ғана дегеніне жете алады.

«Жақсылық көрсем өзімнен,

Жамандық көрсем өзімнен.

Тағдыр қылды дегенді,

Шығарамын сөзімнен»,-деп Сұлтанмахмұт Торайғыров айтпақшы әр күннен үміттеніп, әр күннен қызық таба білу қажет.

Сәттілік тілеймін!

Топқа бөлу.

« А » тобы

« В » тобы

« С » тобы

« Д » тобы

Сабақтың мақсатымен таныстыру.

Үй тапсырмасын оқиды, бір - бірін бағалайды.

«Ой қозғау» диалог құру:

Уақытты тиімді пайдалану деген?

Сабаққа дайындалуға қанша уақыт кетеді?

Бос уақытыңда немен айналысқанды жақсы көресің?

Сен табиғат аясында демалғанды ұнатасың ба?

Саған саяхаттаған ұнай ма?

Бос уақытыңда саяхатқа шығуды мақсат етесің бе?

Қазақстанның қандай көрікті жерлерін білесің?

Қай елдерге саяхат жасағыларың келеді?

МК. Тілдік бағдар. Көркем әдебиет стилі.

Кеспе қағаздар,

проектор,

ноутбук

Слайд

Сабақтың ортасы

16 мин

6 мин

8 мин

Топтық жұмыс.Тыңдалым.1-тапсырма. Төмендегі екі мәтінді мазмұн, тақырып жағынан салыстырыңыз. Әр мәтіндегі тілдік құралдардың айырмашылығын анықтаңыз.

Мәтіндегі туынды және күрделі сөздерді анықтаңдар.Кестені толтырыңдар.

«Салыстыр, сосын жауап бер» әдісі

1-мәтін.

Көгілдір өзен жағасында, жап- жасыл көгорай шалғында Ақботақан өмір сүрген екен.Әрине, барлық балалар сияқты ол да қиялдағанды жақсы көретін. Ол күндердің бір күнінде саяхатқа тартып кетуді армандайтын.Сондықтан да таңның атысынан күннің батысына дейін түрлі кітаптарды мектеп кітапханасынан тауып алатын.Сондай-ақ, оның Құлыншақ-Тұлпар, Балапан –Бүркіт, Бала – Барыс сияқты өте сенімді достары бар еді. Ол достарын қасынан, арман –қиялынан еш уақытта қалдырмайтын.

Егер сен, жас дос, Қазақстан деп аталатын елге саяхат жасауды ойға алып жүрген болсаң, сәт сапар!

Достар шағын керуен боп тізіліп,соқпақпен сергек басып келеді.Олар шоқы үстіне шыққанда жолдың үлкен жартасқа тірелгенін көрді.Жартас беті ыстық күнге күйіп, қап-қара боп кетіпті. Сонау күнге тотыққан тас бетіне аспандата көтеріп ту ұстаған салт атты суреті салынған екен. Құдды тірі бейне тәрізді шауып барады. Суретті темір қашаумен тасқа ойып түсірген.Бұл Алматы облысының Тамғалы тастағы сурет еді.Жартастардағы мұндай суретті петроглиф деп атайды. Гректің петра – жартас және глиф – ойып салу деген сөздерінің қосындысынан шыққан атау.Олар біздің елімізде өте көп.

2-мәтін.

Хобби (әңгімеден үзінді)

Сөйтіп жүргенде, мүйізі қарағайдай бір газеттен ауылға тілші келіпті. Жеке шаруашылықтың жұмысын көріп, іс-тәжірибесін басқаларға үлгі етіп жарияламақ. Кезінде Шамшархан бұл қожалықты Машрап теледидар көріп отырғанда, «бас иеміз ғой» деп отағасының атына жаздырған еді. Тілші келіп, Машраптың денсаулығын, хал- жағдайын сұрады.

Жұмыс барысында жараландыңыз ба? – деген сұраққа Машрап быдыңдап, сасып, не айтарын білмей:

А, жо-о-ғә, не ғып... әлгі... ы-ы-һі, – деп жөткірініп алып, – Төлек, бері келші, жұмыс- тың жағдайын түсіндірші, – деді терге түсіп. Төлек байыппен барлық сұрақтарға жауап беріп отыр. Сол кезде сырттағы шаруаны жайғап, Шамшархан келе қалды.Тілші:

Апай, жұмыстарыңыздың жемісті болып жатқанын естіп, сіздер туралы жазғалы келіп жатырмыз. Хоббиларыңыз не? – деді. Шамшархан тосылып қалды.

Ешқандай қобдиымыз жоқ,– дедіабдырап. Тілш күліп жіберді.

Апай! – деді күлкісін тоқтатып, езуін әрең дегенде жиып. – «Хобби» деген адамның сүйікті ісі, көңілі қалаған жұмысы дегендей, – деді жайғап.

Жанар Әбдішова

Дескриптор:

Білім алушы

әр мәтіннің қысқаша мазмұнын 3 сөйлеммен жеткізеді;