Бүгінгі білім ертеңгі байлығымыз тәрбие жұмысы

«Бүгінгі білім – ертеңгі байлығымыз»

Армысыздар ұстаздар,

Білім іздеп инемен құдық қазғандар.

Армысыздар жас достар,

Болашаққа жол бастар.

Білім деген ғажаптың,

Келешегі қазақтың,

Басталады біздерден,

Бастауышым – бастамам, білім жолын бастаған.

Оқы, білімді бол,бұл тамақ болар қарны ашқанда,

Жол табар қараңғыда адасқанда.

Мал озбас біле білсең білім озар,

Ақыры керек болар бір сасқанда ,-деп Міржақып атамыз айтқандай «Білімнің сары жолы – бастауыштан басталады» дегендей бастауыш сынып оқушыларының ұйымдастыруымен «Бүгінгі білім – ертеңгі байлығымыз» атты сабағымызға қош келдіңіздер!

Құрметті ұстаздар, біз сіздер оқытып жүрген барлық пәндерді ардақтаймыз, сөздеріңізді ықыласпен тыңдаймыз, оқып үйренеміз. Әрбір мұғалімге жан – жақты білім бергені үшін алғысымыз шексіз.

1 – оқушы:

Анашымдай сыр шерткен,

Ақыл – білім үйреткен.

Ана тілін оқимын,

Ерекше зор құрметпен.

2 – оқушы:

Математика сабағын,

Жақсылап ұғып аламын.

Сәулесіде сананың,

Мәнінен ой табамын.

3 – оқушы:

Ой жіберсек мәніне,

Дүниетану пәні де.

Өмір сырын үйретіп,

Пәннің жақсы бәрі де.

4 – оқушы:

Шындап күнде мен енді,

Шынықтырам денемді.

Сүйемін ән – күй сабағын,

Суретті сәндеп саламын.

Бәрі: Білім берген біздерге, рахмет сіздерге!

Ендеше құрметті ұстаздар, келесі шырқалар ән сіздерге арналады.

«Ұстазым»

Сабағымыздың мақсаты танымдық белсенділікті арттырып, өз пікірін тұжырымдап айтуға, еркін сөйлеуге, өзіне сенімді болуға, өзгенің пікірін тыңдап, бір – бірін құрметтеуге үйрену.

Сабақтың бағдарламасы:

Бәйге

Ханталапай

Жеті жұмбақ

Дода

Шешен тілдер

1) «Бәйге»

1 – сынып оқушысы

Мемлекеттік рәміздерді ата.

Біздің туда не бейнеленген?

Біз қай тілде сөйлесеміз?

Білім күні қай күн?

Еліміз тәуелсіздік алған күн?

«А» қандай дыбыс?

2 – сынып оқушысы:

Есту мүшесі не

Балды жақсы көретін аң?

Күйді орындайтын адам кім?

Өсімдіктің мүшелері?

Периметрді қалай табамыз?

7күн неше апта?

3 – сынып оқушысы:

Үш биді ата

Қазақтың атақты суретшісі

Адамдардың қатынас құралы

Жер күнді айнала ма, күн жерді айнала ма?

Көру мүшесі не?

Қазақтың киелі саны

4 – сынып оқушысы:

«Кел, балалар, оқылық» өлеңін кім жазды?