Дамуында тежелуі бар балалармен жұмыс жобасы

Әлеуметтік жоба

Жобаның аты: Дамуында тежеуі бар балалар орталығы.

Бағыты: білім саласы.

Мақсаты: тіл дамуының ақаулығы, тірек-қозғалыс аппараты бұзылғандарға және өсіп дамуында мүмкіндігі шектеулі балаларға тәрбие мен білім беруді ұйымдастыру.

Жоғарыда айтылған мақсаттарға сүйене отырып, жобаның өзекті көздеген мақсат-міндеттері келесі пунктерге негізделген:

Дамуында тежеуі бар балаларға қоршаған ортамен тығыз байланыста болуға жағдай жасау;

Ата-аналарға психологиялық көмек көрсету;

ДСП, саңырау немесе зағиып балаларға арнайы дәрігерлерді орталыққа шақырып, тегін диагностикадан өтулеріне жағдай жасау;

Жобаның жүзеге асырылатын мекемесі ретінде Шымкент қаласы, 15 мөлтекауданында орналасқан Саттар Ерубаев атындағы №24 мектеп-лицей ғимараты болып таңдалынды. Мекеме ғимараты өте кең. Денсаулығында тежеуі бар балалардың кіріп-шығуына барлық жағдай жасалынған. Тіптім арнайы пандустар бар.

Бұл жобадан пайда алатын тұлғалар болып табылады:

Дамуында тежеуі бар бүлдіршін;

Жылдар бойы баласының дертінен қажыған ата-ана психологиялық көмек алып, өзінің үрейін басады;

Дамуында тежеуі бар немесе тіл дамуында ақауы бар балаларға арналған арнайы орталық қоғамға қызмет көрсетеді;

Жұмыссыз жүрген жас мамандар жұмыспен қамтылады.

Жобаны жүзеге асыру үшін ең алдымен дамуында тежеуі бар баларға арнайы жабдықталған кабинет дайындаймын. Орталық 25 балаға арналған. Балалар аптасына үш рет орталықта оқитындай сабақ кестесін құрамын. Арнайы педагог мамандарды жұмысқа аламын. Баланың ақыл-ойын дамытатын түрлі-түсті ойыншықтар сатып аламын. Осы ойыншықтардың формасымен және түсімен таныстыра отырып, баланың дүниетанымын дамытамын. Арнайы үнтаспалар мен видеотаспалар жиынтығын сатып аламын. Осы таспалар арқылы зағиып балаларға дыбыс арқылы заттың формасын танып білуге көмектесемін. Арнайы психолог мамандарды орталыққа жұмысқа ала отырып, психикасында ауытқуы бар балалар мен ата-аналардың қоғаммен тығыз байланыс орнатуына жағдай жасаймын. Балаларын көтеріп, сағаттап кезек күткен ата-аналарға арнайы медицина мамандырының қызметін ұсынамын. Олар өз тарапынан балаларды орталық ғимаратында тегін қызмет көрсететін болады. Сондай-ақ логопед маманның көмегі арқылы тіл кемістігін жеңуге ықпалын тигіземіз. Сонымен қатар екі мезгіл тамақпен қамтамасыз етемін. Сондықтан мектеп әкімдігімен келісіп, мектеп асханасынан тамақтануға жағдай жасаймын.

Біздің жобаның басты пайдасы дамуында тежеуі бар бүлдіршіннің ойлау қабілетін дамыту және өзінің ерекшеліктерінен қысылмауға үйрету.