Домалақ нан туралы ашық сабақ мектепке дейінгі балаларға

Білім беру саласы: Шығармашылық

Оқу іс әрекеті: Мүсіндеу

Тақырыбы: Домалақ нан

Мақсаты:-балаларға ұннан жасалатын тағамдар жайында қарапайым түсініктер беру;

-домаланған пішінді екі алақанның арасына салып, жалпақтау тәсілін пайдалана отырып, нанды мүсіндеуді үйрету;

-мүсіндеу, іскерлік дағдыларын қалыптастыру;

-ұқыптылыққа тәрбиелеу;

-қол икемділігін дамыту.

Көрнекіліктер: Тақырыпқа байланысты суреттер.

Құрал – жабдықтар:Ермексаз, тақтайша, сүлгі.

Әдіс-тәсіл: Түсіндіру, көрсету, сұрақ-жауап

Іс – әрекет кезеңдері

Тәрбиеші: Балалар, бүгін бізге қонақтар келіпті қане, бәріміз амандасып алайық.

Шаттық шеңбері:

Орнымыздан тұрайық

Алақанды ашайық

Күннің нұрын салайық

Жүрекке жылу сыйлайық

Жиналған жылу шуақты

Қонақтарға шашайық

-Жарайсыңдар, балалар. Енді орнымызға отырайық.

Ғажайып сәт: Осы кезде есік қағып, қонаққа әже келеді.

-Мен таба нан пісірейін деп едім, маған көмектесесіңдер ме?

Балалардың жауабы

Тәрбиеші: Иә, алдымен біз нанның қайдан келетінің еске түсіріп алайық.

Үлгі суретпен жұмыс

Суретті көрсетіп, нан туралы түсінік береді,сипатттатады.

Нан неден жасалады?

Ұнды неден жасайды?

Тірек сызба арқылы әңгімелеу

Әже: балалар сендер нан туралы тақпақ,тыйым сөздер білесіңдер ме?

Жарайсыңдар, балалар.

-Бұл нанды табаға салып пісіргендіктен, оның пішіні таба сияқты дөңгелек болады.

Тәрбиеші: Балалар,біз ендеше еңбектеніп, осы таба нанды өзіміз ермексазбен мүсіндеп берейік.

Таба нанды мүсіндеу жолдары:

-ермексазды бөлшекке бөлу;

-ермексазды жұмсарту;

Сергіту сәті: «Саусақтарым билеңдер» ойыны

Саусақтарым билеңдер,

Дәмді тоқаш илеңдер.

Неткен жақсы шеберлер,

Неткен жылдам шеберлер,

Алма қосып илеңдер,

Саусақтарым билеңдер.

-бөлщектерді домалату;

-домалақ пішінді жалпайтып, таба нан мүсінін келтіру, нанның бетіне таяқшамен өрнектер салғызу.

Дайын нанымызды Әжеге сыйлаймыз

(Әже рақметін айтып шығып кетеді)

-Балалар, бүгін бізге қонаққа кім келді?

-Әжеге не мүсіндеп бердік?

-Жарайсыңдар, балалар. Енді орнымыздан тұрып, жүрек жылуымызды сезініп, бүгінгі оқу іс-әрекетімізді аяқтай отырып қонақтармен қоштасайық

Қол ұстасып тұрайық,

Шеңберді біз құрайық,

Көріскенше күн жақсы,

Сау-саламат болайық.

Сау болыңыздар!

Нені білу керек: нан түрлерін.

Нені игереді: таба нан мүсінін жалпайту, домалату әдістері арқылы мүсіндеуді.

Нені біледі: үлгі бойынща мүсіндеуді.