Дос болайық бәріміз ашық іс-әрекеті

Шығыс Қазақстан Обылысы білім басқармасы Өскемен қаласы бойынша білім бөлімінің «№100 балабақша-бөбекжайы» КМҚК

№5«Айналайын»ересек тобының (4 жастан бастап)

Өткізілетін күні,айы,жылы:28.04.2022ж

Тәрбиеші: Увазырова А.У.,Бекжанова А.К.

Білім беру саласы: Әлеуметтік орта

Ұйымдастырылған оқу іс-әрекет: Көркем әдебиет

Тақырыбы: Дос болайық бәріміз

Мақсаты: балаларға Қазақстан халқы Ассамблеясы туралы түсінік беру, Тәуелсіз еліміз туралы білімдерін толықтыру. Көпұлтты республикамызда татулық, достық орын алғандығын, суретте берілген қазақ, орыс, өзбек, татар халқының ұлттық киімінің ерекшелігін айтып, достық, ынтымақ сөздерінің маңыздылығын түсіндіру, балаларды қоршаған дүниемен таныстыру, елімізде тұратын ұлттарды сыйлауға, олармен достық қарым-қатынаста болуға тәрбиелеу, Отансүйгіштікке, сыйластыққа, түстерді сезіне білуге, эстетикалық сезімдерін және ұқыптылыққа тәрбиелеу.

Сөздік жұмысы: Ассамблея, орыс, өзбек, татар.

Билингвальді компонент: ұлт-нация, достық-дружба, ынтымақ-единство, татулық-дружба

Көрнекілік:Слайд, теледидар, суреттер.

Әдіс-тәсілдері: Түсіндіру, көрсету, ойын, сұрақ - жауап, мадақтау

Мотивациялық- қозғаушылық:

Тәрбиеші: Құрметті бүлдіршіндер! 1-Мамыр – Қазақстан халқының ынтымағы мен бірлігі мерекесі құтты болсын!Бүгінгі күн ерекше, өйткені 1-Мамыр Қазақстан халықтарының бірлігі күні мерекесі қарсаңында «Дос болайық бәріміз» атты ұоқ өткізіліп жатыр. Қазақстан түрлі ұлттардың басын қосқан ұлы мекен. Олардың салт-дәстүрлері, тілі мен мәдениеті жоғалмас үшін қолайлы жағдай жасалған..Еліміз өркен жайып, әрбір шаңырақ шаттық пен қуанышқа кенелсін.Балалар, Қазақстанда жүзден астам ұлт пен ұлыстың өкілдері бір қолдың саласындай, бір үйдің баласындай тату-тәтті өмір сүріп жатыр. Мысалы: жергілікті ұлт-қазақ халқы және сонымен қатар орыс, корей, түрік, ұйғыр, т.б. Сондықан Қазақстан Республикасын көпұлтты мемлекет дейміз. Еліміздегі ұлттар мен ұлыстардың достығы мен бірлігі, татулығы мен ынтымағы өзге елдерге өнеге боларлықтай. Жүректері жомарт, алақандары ашық қазақтар өзге ұлт өкілдерімен бір ананың баласындай ғұмыр кешуде. «Бірлік бар жерде – тірлік бар», «Ырыс алды-ынтымақ» дейді халық даналығы. Әрбір ұлттың өз ана тілі, салт-дәстүрлері, ұлттық киімдері, тағамдары, ойындары бар. Олар бірлікте, татулықта өмір сүреді. Көпұлтты мемлекет үшін мемлекеттік тіл қажет.

Шаттық шеңбер:Қәне балалар шеңбер құрып,бір-біріннің қолдарынан ұстап,жылы лебіздерімізді тақпақ арқылы білдірейікші

Біз балдырған тең басқан

Дос құшағын кең ашқан

Тілегіміз тыныштық

Ашық болсын кең аспан

Мықты болсын іргеміз бәрімізде біргеміз

Тәрбиеші:Балалар біздер қандай мерекені тойлап жатырмыз?

Балалар: Достық. Бірлік. Ынтымақтастық мерекесі.