Дос болайық бәріміз сабақ жоспары, 3-сынып

Күні:.

Сыныбы:3

Пәні: Өзін-өзі тану.

Мұғалім:

Тақырыбы:«Дос болайық, бәріміз!».

Мақсаты:

Балалардың «достық» құндылығы туралы түсініктерін кеңейту.

Міндеттері:

-татулық, достық адами қасиеттердің өмірдегі маңыздылығын түсіндіру;

-достық қарым – қатынас жасау іскерліктерін дамыту;

-достыққа, татулыққа, бірлікке тәрбиелеу;

Сабақтың типі:дәстүрлі

Сабақтың әдісі: түсіндіру, сұрақ-жауап, ойын,эвристикалық, әңгіме,сахналау.

Көрнекілігі: үнтаспа,оқулық, дәптер,жағдаяттарға байланысты суреттер,

саңырауқұлақтардың үлгісі, жануарлардың маскалары.

Кезеңдері

Өту барысы

Ұйымдастыру кезеңі

Шаттық шеңбері

Әңгімелесу

Жағдаяттарды талдау

Мәтінмен жұмыс

Дәйексөз

Сахналау

Жаңа ақпарат

Дәптермен жұмыс

Жүректен жүрекке

Қорытындылау

-Сәлеметсіздерме ,балалар.

-Отырыңдар.

Балалар,барлығымыз шаттық шеңберіне тұрамыз (оқушылар бір- бірінің қолынан ұстап, шаттық шеңберге тұрады).

Балалар ,бәріміз бірге төмендегі өлең жолдарын хормен қайталайсыңдар.

Татуласу

Әкел, досым, қолыңды,

Татуласқан орынды.

Өкпелесіп не керек,

Көрсет, кәне, соныңды.

Баққа бірге кірейік,

Қол ұстасып жүрейік.

Татулықтың белгісі,

Кел қосылып күлейік:

-Ха –ха –ха, ха –ха –ха!..

-Өте жақсы, балалар, орындарыңа отырыңдар.

Балалар, бүгінгі біздің тақырыбымыз «Дос болайық, бәріміз».

-Балалар, достық, татулық дегенді қалай түсінесіңдер?(достық ол екі адамның бір – біріне деген сенімділігі, бірін – бірі түсінуі, адалдығы)

Достарыңды ренжітіп алсаңдар, қалай татуласар едіңдер?(міндетті түрде кешірім сұрайтын едім)

-Балалардың достық туралы пікірлерін білу мақсатында жағдаяттарды талдау ұйымдастырылады.

Әдептілік – әдемілік.

Е.Өтетілеуов

Құрбылары Жанарға

Балмұздақ берген – ді.

Жанар кетті алға тез,

Алды – артына қарамай,

«Рахмет» - деп, жалғыз сөз

Айтуға да жарамай!

-Сендер қалай ойлайсыңдар, осыдан кейін балалар Жанармен дос бола ма?(Жанар өзінің қатесін түсініп келіп кешірім сұраса арине дос бола алады)

Сендер қалай ойлайсыңдар, қыздар қалай достасуға болады?(қиын кезде көпектесіп, қолдау көрсетсе кез келген адаммен достасуға болады.)

2. Сырым мен Дина дос болатын. Бірде Сырымның лақтырған добы Динаның басына барып тиді. Сырым добын домалатып теуіп ала жөнелді.

Сырым мен Динаны шын достар деп айтуға бола ма?(жоқ )

Неліктен?(өйткені Сырым Динанын жосы болса келіп кешірім сұрауы керек еді, ал Дина кешіретін еді себебі доп байқаусызда тиді емес пе? Шын достар кешірімді болу керек)

Олардың достықтары қалай жалғасады деп ойлайсыңдар?(егер Сырым Динадан кешірім сұраса достықтары жалғасады)

Мұндай жағдайда ұл баланың не істегені жөн болар еді?(кешірім сұрағаны жөн болар еді)

Балалардың жауаптары тыңдалады.

Қосымша өз ойыммен түйіндеймін.

-Кейде біз өте асығып жүріп, ізгі сөздерді айтуға үлгермей қаламыз. Одан досымызды ренжітіп аламыз. Жанар «рахмет» деген сөзді, Сырым болса «кешір» деген сөзді айта алмады. Нағыз достар бір – бірінің көңіліне қарап, ренжітпейді, кешірімшіл болады. Достар қиын сәттерде көмекке келеді, татулықты қадір тұтады.

Сабақта тақырыпты кеңірек меңгертіп, оқушылардың білімдерін арттыра түсу мақсатында мәтінмен жұмыс жүргіземін.

«Күштісің енді сен», - деді

Ө.Тұрманжанов

Қасақана болып қас,

Жолда жатты қара тас.

Сүрініп талай құладым,

Жабырқап талай жыладым.

«Жатпа! – деп, - жолда, тас, шіркін!»

Алыстым таспен бір дүркін,

Жалғыз күшім жетпеді.

Тас жатты, мыңқ етпеді.

Шақырдым досым Қабышты,

Күш қосты, Қабыш – жабысты.

Күшіміз бірақ жетпеді,

Тас жатты, мыңқ етпеді.

Шақырдық: «Кел», - деп Садықты,

Күш қосты, Садық жабасты.

Күшіміз бірақ жетпеді,

Тас жатты, мыңқ етпеді.

Көмекке келді Түгелбек:

«Төртеудің күші түгел», - деп.

Төртеуміз түгел күш салдық,

Жолдан ап тасты тастадық...

Жалғызғы тас көнбеді:

«Күштімін сеннен мен», - деді.

Екеуге тас көнбеді:

«Күштімін сеннен мен», - деді.

Үшеуге тас көнбеді:

«Күштімін сеннен мен», - деді.

Төртеуге төтеп бере алмай:

«Жеңілдім енді мен, - деді,-

Күштісің енді сен», - деді.