Ерлік дәстүріне адалдық ғылыми жоба үлгісі

Қазақстан Республикасы Білім және Ғылым

министрлігі

Ғылыми жоба тақырыбы:Ерлік дәстүріне адалдық

Бағыты: Тау бейнелі тұлғалар

Орындаушы:№47 М.В.Ломоносов атындағы қазақ орта мектебінің

4 а сынып оқушысы

Қонысбаева Альбина

Облысы: Қызылорда

Ауданы: Шиелі

Жетекшісі :бастауыш сынып мұғалімі Мұсаева Жадыра

2014-2015 оқу жылы

Зерттеу жұмысының тақырыбы: «Ерлік дәстүріне адалдық»

Зерттеу жұмысының мақсаты: Бүгінгі күнге дейін Қазақстан тарихында өзіндік бағасын ала алмай келе жатқан, яғни Тәуелсіз Мемлекеттер Достастығы арасындағы жарияланбаған соғыс ардагері, ұлтымыздың патриоты, кейінгі буын соғыс ардагерінің өмірі және олардың сол әскери қақтығыстарда жасаған ерлік істерін паш ету.

№47 М.В.Ломоносов

атындағы қазақ орта мектебінің

4 «А»сынып оқушысы Қонысбаева Альбинаның «Ерлік дәстүріне адалдық» атты

ғылыми жұмысына

Пікір

Ұлы Отан соғысының 70 жылдығына орай «Ерлік дәстүріне адалдық»-атты ғылыми зерттеу жұмысын алып отырған Қонысбаева Альбинаның дайындығы қуантарлық жағдайда. Патриоттық сезімі күшті, шапшаң, талантты, жалындап тұрған от тәрізді Альбина мектеп мақтанышы деуге болады. Патриоттық ой-өрісін дамыту мақсатында, «Ерлік дәстүріне адалдық» атты ғылыми жұмысына өзімнің бағыт-бағдар кеңесімді бере отырып, еңбегі зор, талабы «асқар таудай биік болсын», - деп зор сенім артамын.

Пікір беруші: ғылыми жетекшісі Мұсаева Жадыра Рахманбердіқызы.

№47 М.В.Ломоносов атындағы

қазақ орта мектебінің

4 «А»сынып оқушысы Қонысбаева Альбинаның «Ерлік дәстүріне адалдық» атты

ғылыми жұмысына

Пікір

Жарияланбаған соғыс жауынгерлері және олардың ерлік істері жайлы зерттеулер көпшілік қауымды қызықтыратын тақырып болып саналады. Аудан көлемінде ержүрек жауынгерлердің бар болуы - мақтаныш ретінде, кейінгі ұрпақты патриот болуға тәрбелеуде өзіндік алар орны ерекше болмақ. Сондықтан, тақырыптың өзектілігі еш күмән тудырмайды. Әсіресе, Тәжік-Ауған соғыс жауынгерінің ерлік істері, оның Отан үшін жанын қиюға дайын екендігі әркімге ерекше ой салары анық. Ғылыми жобада тақырыптың мазмұнын ашуға 3 негізгі бөлімнен тұрады. Оларда жарияланбаған соғыс жауынгері, қазіргі ардагер Ережепов Бауыржанның өмірі, ерлік істері, қандыбалақ қарулас достарының ерлік істері баяндалған. Автордың тілі жатық, сөздік қоры мол. Әр тақырыпқа тұшымды ой-пікір, түйін жасалған. Жоба өзіндік зерттеу құндылығы бар туынды болып қалыптасқан. Сондықтан, мен бұл жобаны барлық сұранымдарға жауап беретін ізденіс әрекетінің жемісі ретінде бағалап, оны облыс, республика жарыстарына ұсынуға әбден лайық деп санаймын.

Пікір беруші: Әбуов Бекболат Темірәліұлы

Шиелі аудандық мәдениет және

тілдерді дамыту бөлімінің тарихи, мәдени қызметкері

Аннотация

«Ерлік дәстүріне адалдық» тақырыбындағы ғылыми жобада 1993-2001 жылдар аралығында Қазақстан сарбаздары қатысқан, жарияланбаған Тәжік-Ауған соғысы жайлы маңызды, тың мәліметтер қамтылған. Ғылыми жобада халықаралық келісімге сәйкес, Тәуелсіз Мемлекеттер Достастығы елдері шекарасының тәжік-ауған учаскесін қорғау жөніндегі жауынгерлік міндеттерін орындаған Ішкі әскердің әскери қызметшілері туралы сөз болады.

Кейінгі ұрпаққа насихаттау, Отанын, жерін қорғауға тәрбиелеу мақсатында, сол Тәжік-Ауған соғысында ерлік көрсеткен жерлесіміз Ережепов Бауыржанның өмір жолы мен ерлігі,қаҺармандығы және соғыстан кейінгі еңбек жолдары жайлы баяндалады.