Ертегі әлемі педагогтердің кәсіби қабілетін дамыту жұмысы

Ертегі Әлемі

Мақсаты: Тәрбиешілердің өз мамандығын шыңдай түсіп, тәжірибесін басқаларға өнеге ету. Педагогтің өз ойын аша білуге, белсенділігін арттыру. Біліктілігін, іскерлігін, кәсіби шеберлігін анықтау. Бірлесе топ болып жұмыстануды көздеу. Өз кәсібіне деген ынтасын арттыру.

Тренинг барысы: Құрметті әріптестер, бүгінгі ұйымдастырылып отырған тренингтің мақсаты педагог-тәрбиеші мамандардың біліктілігін, іскерлігін, кәсіби шеберлігін анықтауға өз шығармашылық қабілеттерін бағалай білуге, бір-біріңізбен сыйластық қарым-қатынаста болуға және өзара тәжірибе алмасуға арналған тренингке ұйымшылдықпен қатысуға шақырамын.

І. Амандасу

Педагогтар шеңбер бойымен тұрады.Аталған педагогтар ортаға шығып бір-бірімен амандасады.

- Көңілсіз адамдар

- Көктем мезгілінде дүниеге келгендер

- Шалбармен келгендер

- Екі баласы барлар

- Шаршап отырғандар

- Еңбек демалысына тезірек шыққысы келіп отырғандар

- Сурет салғанды ұнататындар

- Семинарымыз ұнап отырғандар

ІІ. «Туған күн » ойыныМақсаты: коммуникативті іскерліктерін қалыптастыру

Ойынның алдында жүргізуші әр қайсысына билет береді. Онда өзін қалай ұстау керектігі жайында көрсетілген, яғни қатысушылар билетте жазылған рөлде ойнауы тиіс. Билет ойынның соңына дейін құпия сақталады, тек талқылау кезінде ғана кімге не істеу керектігін айтуға болады. Егер ойынға 15-тен адам қатысса, 2 адам бір билеттен ұсынуға болады. Билеттегі тапсырмалар: 1. Туған күн иесі - барлық қонақтарды әңгімеге тартуға тырысады. 2. Білгішсымақ - кез-келген әңгімеге қыстырылуға тырысады. 3. Таласқыш - бәрімен ерегесіп, таласады. 4. Келісімге келтіруші - кикілжіңді басуға ұмтылады. 5. Бәріне және барлығына көңілді толмайтын адам. 6. Асаба - туған күн иесіне көмекші. 7. Қызық мінезді адам - кез-келген әңгімені басқа арнаға бұруға тырысады. 8. Әдепсіз адам. Ойыннан кейін талқылау жргізіледі. Туған күн кикілжіңмен аяқталуы да мүмкін. Бірақ бұл талқылау үшін жақсы,педагогтердің мінез - құлқын байқауға мүмкіндік береді.

ІІІ. «Ертегі айтайық»

Балалық шақта барлығымызға ертегі тыңдаған ұнайтын еді ғой. Біз қазір сіздермен бірігіп ертегі құрастырайық. Бірақ бұл ертегі ерекше болады, өйткені біз оны соңынан бастап айтамыз (әрқайсысы 1 сөзден немесе сөйлемнен) Қатысушы жаңадан бір сөз айтып, алдыңғы жолдарды қайталайды. Бірінші қатысушы ертегінің соңғы фразасын айтады. Ол «олар бақытты өмір…