Ертегілер әлемі сөйлеуді дамытуға арналған конспект

Ұйымдастырылған оқу іс – әрекетінің конспектісі

«Ботақан» 2-ші сәбилер тобы

28. 10.19 ж

Білім беру саласы: Коммуникация

Оқу қызметінің түрі: Сөйлеуді дамыту.

Тақырыбы: «Ертегілер әлемі»

Мақсаты: Ертегі мазмұнын түсіндіру.Ертегі мазмұнын айтқызу арқылы ,сөздік қорын молайтып, тілін дамыту.Ертегідегі кейіпкерлердің іс-әрекеті арқылы балаларды тапқырлыққа, мейірімділікке, достықты тәрбиелеу.

Әдіс-тәсілдері: Сұрақ-жауап,үлестірмелі материалмен жұмыс.

Алдын-ала жүргізілетін жұмыстар: «Жеті лақ»ертегісінің кейіпкерлерінің суреттерін дайындап қою.

Көрнекіліктер:интерактивті тақта арқылы ертегіні көрсету, үлестірмелі материал (сурет бойынша лақтарды қасқырдан құтқару жолын табу).

Іс-әрекет кезеңдері

Тәрбиешінің іс-әрекеті

Балалардың іс-әрекеті

Мотивациялық-қозғаушы

Балаларға шеңбер болып тұруды ұсынамын.

Амансың ба, Алтын Күн!

Амансың ба, Жер-Ана!

Амансың ба, достарым!

Сендерді көрсем қуанам.

Қонаққа ертегілер елінен қоржынын арқалап Алдаркөсе келеді.

Тәрбиешімен бірге сәлемдесу рәсімін жасап, жылы тілектерін айтады.

Ертегілер елінен келген Алдаркөсемен амандасады

Ұйымдастыру-

іздестіру

Ертегілер елінен келген Алдаркөсе балалардан қандай ертегілер білетінін сұрайды.

«Қасқыр мен жеті лақ» ертегісін ұсынады.

Үлестірмелі материал.

«Қасқыр мен жеті лақ» ертегісінің мазмұнын сюжетті сурет арқылы әңгімелеп беремін, мазмұнын түсіндіремін.

Ертегідегі қасқырды сипаттаймын, оның іс-әрекетін, жауыздығын, ал лақтардың тапқырлығы туралы әңгімелеймін.

Жағдаят шешу.

«Лақтардың орнында болсаңдар, сендер не істер едіңдер?» деген сұрақ қою арқылы балалардың жауаптарын тыңдап, қорытындылаймын.

Сергіту сәті:

Шөре-шөре лағым,

Тентек болма шырағым.

Секеңдеме, деміңді ал,

Селтеңдемей құлағың.

Үлестірмелі материал.

Лақтарды қасқырдан құтқаратын жолды тапқызу.

Жеке жұмысты қажет ететін балалармен ертегі кейіпкерлері, оның іс-әрекеттері туралы әңгімелесін.

Балалар «Бауырсақ», «Шалқан», «Лақтармен қасқыр» т.б. ертегілерді білетінін айтады.

Мұқият тыңдайды, ертегі желісі бойынша сұрақтарға жауап береді.

қасқыр-волк, ешкі-коза сөзін қайталайды.

Қасқырды сипаттайды.

Лақтардың орнында өздері болса, не істейтіндерін айтады.

Өлең мазмұнына сай қимылын салады.

Балалар дұрыс жолды тауып белгілейді. Лақтарды қасқырдан құтқаратын жолды табады.

Рефлексиялық- түзетушілік

Балаларға ертегі кейіпкерлерін сипаттату, сұрақ-жауап арқылы ертегінің мазмұнын бекітемін.

Өз іс-әрекеттерін белгілейді.

Күтілетін нәтиже:

Біледі: үй жануарларын жабайы жануарлардан ажырата білуге үйрететін тапсырмаларды;

Игереді: ертегі кейіпкерлерін қалай сипаттау керектігін;

Меңгереді: ертегіні қысқаша әңгімелей білу іскерліктерін.

Тәрбиеші: Кусаинова.Б.Т..