Ертеңгілік сәндену пантомимикалық этюды сабақ жоспары

Білім беру саласы: Қатынас

Бөлімі: Драма Тақырыбы: «Ертеңгілік сәндену» пантомимикалық этюды

Мақсаты: Музыка әуенімен көңілді пантомимика қимылдарын мәнерлеп жасау жаттығулары. Міндеттері: Музыка әуенімен әдемі қозғалуға,өз эмоциясын би қимылдары арқылы көрсете білуге және пантомимикалық этюдтар жасауға шақыру.

Әдіс-тәсілдер: түсіндіру, әңгімелесу, сұрақ-жауап.

Әрекет кезеңі

Тәрбиешінің әрекеті

Балалардың әрекеті

Мотивациялық кезең

Ізденіс-ұйымдастыру кезеңі

Шеңбер құру.

-Балалар,біз дөңгелене тұрып, бір-біріміздің жүзімізді көреміз,бір-бірімізге жымиямыз, жылы лебіздер айтамыз. Балабақша, армысың! Сені жақсы көремін! Достарым менің бармысың, Құшақтасып алайық!

Жыл мезгілі туралы әңгімелесу,музыка әуенін тыңдату.

Көңілді пантомимика қимылдарын жасау.

Балалар, қазір жылдың қай мезгілі?

Ендеше айналаға көз салайықшы, сендер не көріп тұрсыңдар?

Қар жауғанда топ бала,

Соқты келіп аққардан.

Мұрны сәбіз, үп үшкір,

Көзі көмір, қап қара.

Шелек, қалпақ басында,

Сәбіз екен танауы.

Тауып көрші сен оны?

АҚҚАЛА!

Жарайсыңдар! Біздің бүгінгі Аққала досымыз өте көңілді екен! Ендеше бәріміз бірге «Көңілді Аққала» биін билейік!

Әуенді қимыл қозғалыс: би «Көңілді Аққала» (биден соң балалар отырады)

Көп рахмет балалар, сендер жақсы биледіңдер! Балалар, айтыңдаршы, осы қыс мезгілі сендерге қандай ерекшеліктерімен ұнайды?

Балалар: Шана , коньки, шаңғы тебеміз, аққала жасаймыз!

Дұрыс айтасыңдар? Ал енді, мына әуенді мұқият көңіл қойып тыңдайықшы?

Әуен тыңдау: «Қыс қызығы»

Балалар, қалай ойлайсыңдар, әуен не туралы? Жылдың қай мезгіліне арналады?

Балалардың жауабы.

Қане әуенмен ақшақардың жерге келіп түскенін қимылмен жасайықшы?

Әуенмен «Ақшақарлар» биін билейміз.

Балалар шеңбер құрып, дөңгелене тұрады.

Балалар жылы лебіздер білдіреді.

Музыка әуенімен әдемі қозғалады,өз эмоцияларын би қимылдары арқылы көрсетеді, пантомимикалық этюдтар жасайды.

Рефлексия

Сұрақ-жауап әдісі арқылы сабақты қорытындылау.

Қойылған сұрақтарға толық жауап қайтарады.

Күтілетін нәтиже: Білу: Пантомимика қимылдарын жасай білу. Игеру:өз эмоциясын би қимылдары арқылы көрсете білу; Меңгеру:жаттығу жасау