Физика сабағында электронды оқулықты пайдалану

ЭЛЕКТРОНДЫ ОҚУЛЫҚТЫ ФИЗИКА САБАҒЫНДА

ПАЙДАЛАНУДЫҢ ТИІМДІЛІГІ

Рыстығұлова Венера Ботабайқызы, ф.м.ғ.к., Мусатаева Толғанай Сайлауқызы, магистрант,

Абай атындағы ҚазҰПУ, Алматы, Қазақстан

Аннотация В данной статье рассматривается электронный учебник по физике 9 класса для средних общеобразовательных школ, разработанный Центром педагогических технологий информатизации образования. Электронный учебник составлен в соответствии с государственным общеобязательным стандартом образования МОН РК. Содержание учебника состоит из четырех глав. В каждой главе по разделам представлены тексты, демонстраций, опыты, тестовые задания. Этот учебник нового поколения, с внедрением электронных технологий, который может стать проводником в поле информации, и помочь ученикам не только получить, но и закрепить знания и навыки, полученные на основных уроках.

Ключевые слова: электронный учебник, анимационные демонстраций, виртуальные лабораторные работы, практические задачи в электронном виде, эффективность электронных учебников.

Annotation This article deals with an electronic textbook on 9th grade physics for secondary schools, developed by the Center for Pedagogical Information Technologies of Education. The electronic textbook was compiled in accordance with the state compulsory education standard of the Ministry of Education and Science of the Republic of Kazakhstan. The contents of the textbook consists of four chapters. In each chapter, sections contain texts, demonstrations, experiments, test tasks. This textbook is a new generation, with the introduction of electronic technologies, which can become a guide in the field of information, and help students not only to gain but also to consolidate the knowledge and skills gained in the main lessons. Keywords: electronic textbook, animation demonstrations, Virtual laboratory work, practical tasks in electronic form, efficiency of electronic textbooks.

Қазақстан Республикасындағы Білім беруді дамытудың 2011-2020 жылдарға арналған мемелекеттік бағдарламасында

кәсіптік және техникалық білімді жетілдіру, ғылым мен практика жетістіктері негізінде тұлғаны қалыптастыруға, дамытуға және кәсіби шыңдауға бағытталған білім беру және оның шығармашылық, рухани күш-қуатын жетілдіру, жеке тұлғаның жан-жақты дамуына жағдай жасауға бағытталғанын ескерсек, болашақ мамандарды жаңашылдыққа даярлау міндеттелінген [1].

Ақпараттық технологиялардың дамуы қоғам тіршілігінің барлық саласына революциялық ықпалын тигізіп қана қоймай, адамдардың өмірін, ойлау қабілетін түбегейлі өзгертетін үдерістердің бірі екендігін анық айтуға болады.

Білім жүйесін ақпараттандыруды дамыту – отандық оқытуға бағытталған бағдарламалық құралдар дайындалмайынша мүмкін емес. Ақпараттық технологияның ауқымы кең. Оларға бақылау және тестілеу бағдарламалары, ақпараттық анықтама жүйелері, оқыту орталары, электрондық оқулықтар және мультимедиялық бағдарламалар т.б. жатады.

Жалпы, ХХІ ғасыр ақпараттық даму заманы болғандықтан, ой-өрісі озық оқушы даярлау, оның қызыушылығын сабақ барысында арттыру мұғалімнің міндеті.

Оқушылар үшін электронды оқулық – ол өзінің мектеп қабырғасында жүрген жылдарында өздігінен білімін толықтырып отыруға және мақсатты түрде бітіру емтихандарына дайындалуына мүмкіндік беретін ақпарат көзі [2].

Ал, мұғалім үшін ол – өзінің педагогикалық тәжірибесі арқылы толықтырып және дамытып отыруға болатын ашық әдістемелік жүйе болып табылады.

Осыған байланысты Білім беруді ақпараттандырудың педагогикалық технологиялар орталығы дайындаған 9 сыныпқа арналған физика пәнінен электронды оқулықты қарастырайық. Бұл оқулықтың алғашқы бетінде аңдатпа, пайдаланушыға нұсқау, бағдарламалар, әдебиеттер тізімі және авторлар ұжымы берілген, мұнда оқушы электронды оқулық жайлы толық мәлімет ала алады, танысады (1-сурет).

1-сурет. 9-сыныпқа арналған электронды оқулықтың титуль

беті

Бұл оқулық орта жалпы білім берудің Мемлекеттік стандартына сәйкес жасалынған. Оқулық мазмұны келесідей тараулардан құрылған: «Механика», «Тербелістер және толқындар», «Атом және атом ядросы», «Астрономия». Ондағы физикалық құбылыстар анимацияланған демонстрациялармен нақты көрсетілген, бұл оқушы үшін қағаз бетінде көрсетілген сурет немесе қолмен ұстап сезіне алмайтын аспап, кейбір жағдайларда түсінбей қалатын графикалық көрсетілімдерді қайта-қайта қарап шығып, түсінуге үлкен көмек, ал мұғалім тақырыпты бір сабақта әр балаға жеке-жеке түсіндіруге мүмкіндігі бола бермейді. Сонымен қатар виртуальды зертханалық жұмыс кірістірілген, ол оқушының бұл жұмысты өз бетінше, түрлі мәндер беріп тәжірибені қайталауға, оның дұрыс не бұрыс орындалып жатқанын білуге мүмкіндік береді, сондай-ақ тақырыпқа қысқа әрі түсінікті етіліп мәтін берілген, қысқаша берілген мәтінді оқып есте сақтау оқушы үшін жеңіл болады. Соңында оқушы тест сұрақтары арқылы алған білімін бекіте алады [3].

Соның нәтижесінде оқушылардың пәнге деген қызығушылығы артып, шығармашылықпен жұмыс жасауына кең мүмкіндік ашылды.

Физика пәнінен 9 сыныпқа арналған электронды оқулық 4 тарауға, әрбір тарау бөлімдерге, ал бөлімдер тақырыптарға бөлінген. Электронды оқулықтың кез-келген тарауын алып, қарастырып көрелік. Мысалы, Механика тарауындағы Динамика бөліміне назар аударайық (2а-сурет).