Физикадан булану тақырыбына сабақ жоспары 10 сынып

Сабақтың тақырыбы: Булану және конденсация. Қаныққан бу және оның қасиеттері. Ауаның ылғалдылығы.Қайнау. Кризистік температура.

Сабақтың мақсаты: Сыни тұрғыдан ойлау әдісін пайдалана отырып, булану және конденсация механизмі түсінігін қалыптастыру, «бу түзілісі», «булану», «қайнау» ұғымдарын айыра білу үшін диалогтік оқыту әдісін пайдаланып проблемалық ситуациялық сұрақтармен ойлау, логикалық талдау қабілетін қалыптастыру, проблемалық сұрақтарға белсенділік танытқан оқушылардың шығармашылығынан көшбасшылықты байқау, салыстыру тапсырмасын бергенде жас ерекшеліктерін ескеру.Ойлануды, ойларын жүйелеуді, тақырып мазмұнын өз беттерімен ұғынуды, үйренген білімін күнделікті өмірмен байланыстыра білуді, өз ойларына немесе пікірлеріне дәлелдеме келтіруді, пікірлерді салыстыра білуді, ұқсастық пен айырмашылықтарын табуды, шығармашылық жұмыс жасауды үйрену. Ғылыми көзқарасты қалыптастыру,өз біліміне есеп беріп,өзге топтарды тыңдауды үйрену, топпен бірге ортақ пікірге келу, көпшілікте өзін-өзі реттеу

Сабақтың түрі: білімді бекіту

Әдіс-тәсілі: проблемалық, топтық,деңгейлік

Құрал-жабдық: белсенді тақта

Сабақтың барысы: 1. Ұйымдастыру кезеңі . Амандасу, түгелдеу, даярлығын тексеру.

2. Білімді бекіту.

Тапсырмалар 1-тапсырма.Топтарға бөлу.

Өтілген тақырыпты пысықтау мақсатында жадында қалған білімдері мен физикалық шамаларды қалай меңгергендігін бақылау

2-тапсырма. Видеосуреттерді көру арқылы ой қозғау

Видеокөріністен көрген физикалық құбылыстарын диалог жүргізу арқылы мағынасын ашу. Ситуациялық сұрақтарды талдау.

1 топ. «үш күй» тобы

Булану қалай жүреді?

2 топ. «температура» тобы

Булану қарқындылығы қашан артады?

3 топ. «диффузия» тобы

Конденсациялану дегеніміз не?

4 топ. «жылу» тобы

Конденсация қалай жүреді?

3-тапсырма.

Электрондық оқулық тапсырмаларын, жаттығу және есептер орындау.

1 топ.

Неліктен ыстық шай үрлегенде тез суиды?

2 топ.Бір ыдыста қайнаған су бар, екінші ыдыста сондай мөлшерде салқын су бар. Олар булана ма?

3 топ.Ыстық су құйылған ыдыстың біреуі ашық, екіншісі жабық тұр. Қандай процесс байқалып тұр?

4 топ.Ыстық күнде шыққан тер денені салқындатады. Неліктен?

4-тапсырма.

Эксперименттік тапсырма орындау.

1 топ.Спирт, су және майдың қайсысы тез буланады? Неліктен?

2 топ.Стақан мен табақшада теңдей мөлшерде су бар. Қайсысында су тезірек буланады? Неліктен?

3 топ. Бірдей ыдыста теңдей мөлшердебензин, су, май құйылған. Бірнеше күннен кейін бензиннің қалмағанын, судың жартылай буланғанын, майдың айтарлықтай өзгермегендігін көреміз. Неліктен?