Іс-әрекетті зерттеу сабағы туралы ғылыми жұмыс

С.Қожанов атындағы жалпы орта мектебі.

«Озат тәжірибе-2016»

Lesson Study- іс-әрекетті зерттеу сабағы.

Ибраева Гүлшат Абдуллаевна

жоғары санатты география пәні мұғалімі

І(ілгері) деңгей.

Ибраева Гүлшат Абдуллаевна- І(ілгері) деңгей

Оңтүстік Қазақстан облысы Мақтарал ауданындағы «С.Қожанов

атындағы» жалпы орта мектебінің география пәні мұғалімі.

Lesson Study тобы.

«Еліміздің болашағы бүгінгі жас ұрпақтың қолында ,жас ұрпақтың болашағы-бүгінгі ұстаздың қолында»- дейді Елбасы Н. Назарбаев. Демек қазіргі постиндустриялық кезеңде білімді, заманға бейім білікті ұрпақ тәрбиелеуде ұстаздың орны ерекше.Сондықтан ол әрдайым кәсіби даму үстінде болуы керек. Қазіргі кезде мұғалімдердің педагогикалық білімдері мен тәжірибесін дамытуға арналған тиімді құрал ретінде Lesson Study белсенді енгізіліп жатыр(МАН, І деңгей,47-бет). Мектеп базасында жүргізілетін іс-әрекеттегі зерттеу үдерісі- бұл мектеп үшін жүргізілетін зерттеу шарасы болып табылады.

Мен 7-В сыныбын зерттеу сыныбы ретінде алдым да, төрт тәлім алушы мұғалімнен құралған Lesson Study тобын құрдым.Топ мүшелері- қазақ тілі әдебиеті пәні мұғалімі А, география пәні мұғалімі Ө, тарих пәні мұғалімі Ж, математика пәні мұғалімі Н.Топ мүшелері сабақты бірлесе жоспарлап, өткізіп, қадағалап, оқыту мен оқуды талдап, қағаз бетіне түсіріп отырды. Рефлексия Lesson Study-дің құрамдас бөлшектерінің бірі болып табылады деп айтуға болады(МАН,І деңгей). Сондықтан әр сабақтың соңғы бөлімі әр қадағалаушы мұғалімнің зерттелуші А,В,С оқушыдан рефлексия алуымен аяқталады. Қадағалаушы мұғалімдер сабақ барысында А,В,С деңгейдегі оқушыларды қадағалайды.

Іс-әрекетті зерттеу жұмысын бастамай тұрып, мұғалімдерге «Lesson Study» зерттеу тәсілін өз оқытуымызда қолданудың тиімділігі» тақырыбында коучинг өткіздім. Коучинг барысында Lesson Study дегеніміз не, зерттеу жұмысы қалай жүргізілетінін, мұғалімдер осы әдіс арқылы өз оқушыларын нақтырақ тануға, зерттеуге мүмкіндік алатынын түсінді, бір-бірінің кәсіби өсуіне ықпал ете алатынына көз жеткізді.Коучинг нәтижесінде әріптестерім осы әдісті қолданып сабақ өткізіп, талдап, оқушыларын басқа қырынан көріп танитын болады, оның нәтижелігі арқасында уақытты тиімді пайдаланып, білім сапасын биікке көтеру, мұғалім мен оқушы арасында жаңа өзіндік педагогикалық ынтымақтастық құру екенін түсінді.Ұлы ағартушы Ахмет Байтұрсыновтың «Ұстаз үздіксіз ізденгенде ғана,шәкірт жанына нұр құя алады», – деген сөзін мысалға келтіре отырып, бұл сөздің тек қана ізденімпаз, жаңашыл ұстаздарға арналғандай және мұны әрбір мұғалім жадында сақтауы тиіс екендігін атап өттім. Коучинг соңында кері байланыс парағына бір әріптесім: Lesson Study деген не деп қызығып жүрген едім, енді зерттеу тобында жұмыс істегім келеді деп жазыпты. Сол кезде менде, «мен мектебіме өзгеріс енгізе алдым ба?» деген ой тұрды. Іс-әрекеттегі зертте

Осы бағытта сынып жетекшісінің кеңесінің зерттелетін жоғары ,орта, төменгі деңгейлі А,В,С оқушылар анықталды.Топтық жұмысты ұйымдастыру арқылы тәжірибеде қолдануда бағыт беруде бірінші тәлім алушым А іс-әрекетті зерттеу сабағын үнемі назарға ала отырып, жүргізетін мұғалімдермен ауқымды жұмыс жүргізді. Топтағы басқа пән мұғалімдері өздерінің пәні бойынша сабақ жоспарларын бірлесе отырып жоспарлады. А өзі сынып жетекшісі бола отырып, «Lesson Study» тәсілі бойынша тарих, география, математика пәні мұғалімдерімен бірлесе отырып сабақ жоспарын әзірледі. Іс-әрекет «Оқушылардың топпен жұмыс істеу дағдыларын…