Химиялық реакциялар бойынша зертханалық жұмыс 7-сынып

Мұғалім: Бейсенова Саният

Пәні: Химия

Сыныбы: 7 г, д,е,в

Күні: 17.01.2019ж.

Ұзақ мерзімді жоспардың бөлімі

7.3А Химиялық реакциялар

№7 зертханалық тәжірибе «Ерітінділердің қышқылдық, сілтілік ортасын анықтау».

№8 зертханалық тәжірибе «Хлорсутек қышқылының бейтараптану реакциясы»

Оқу мақсаты:

7.3.4.3. рН шкаласы негізінде әмбебап индикаторды қолданып, сілтілер мен қышқылдарды анықтай алу.

7.3.4.4 -«антацидтік заттарды» қолдану мысалында қышқылдардың бейтараптануын түсіну.

Сабақ мақсаттары

Барлық оқушылар:рН шкаласы негізінде әмбебап индикаторды қолдана алады; рН шкаласы негізінде сілтілер мен қышқылдарды анықтай алады; бейтараптану реакциясының анықтамасын айта алады;

Оқушылардың көпшілік бөлігі: антацидті заттарды таниды;

Кейбір оқушылар: антацидтік заттар қышқылдармен әрекеттескенде бейтараптану реакциясы жүріп, бейтарап заттар түзілетінін біледі.

Бағалау критерилері

Табиғи қышқылдар мен сілтілерді атайды және олардың қасиеттерін біледі.

Әмбебап индикатор көмегімен қышқылдар мен сілтілерді анықтайды.

антацидтік заттарды қолданады.

Қышқылдар мен сілтілердің бір-бірін бейтараптау әрекетін түсіндіреді

Тілдік мақсаттар

Оқушылар

Қышқылдар мен сілтілердің индикаторға әсерін,ортасын анықтайды, талдауға арналған сұрақтарға жауап береді, талдайды, тұжырымды ойларын айтады.

рН шкаласы сілтілер мен қышқылдарды анықтайды, талдауға арналған сұрақтарға жауап береді, талдайды,

Хлорсутек қышқылының бейтараптану реакциясы айтады, талдауға арналған сұрақтарға жауап береді.

Пәнге қатысты лексика және терминология

Индикаторлар – индикатор – indicator

Лакмус – лакмус – litmus

Фенолфталеин – фенолфталеин – phenolphthalein

Метилоранж – метилоранж – Methylorange

Ерітінді – раствор – solution

Бейтарап – нейтральный – neutral

Бейтараптау – нейтрализация - neutralization

Сілті – щелоч – alkali

Қышқыл – кислота – acid

Орта – среда – medium

Құндылықтарға баулу

Топтық жұмыста – ұжымшылдық, ортақ істің нәтижесіне жауапкершілікпен қарау; жеке жұмыс – тәжірибеде қолдана алу және қауіпсіздік ережесін сақтау, өзін-өзі реттеу; Бірлесе жұмыс жасау, сын тұрғысынан ойлау, топтық жұмыс барысында өзара сыйластық, ынтымақтастық.

Пәнаралық байланыс

Жаратылыстану, география, биология.

Алдыңғы білім

Табиғи қышқылдар мен негіздер. Индикаторлар

Сабақ барысы:

Сабақтың жоспарланған кезеңдері

Сабақтағы жоспарланған жаттығу түрлер

Ресурстар

Сабақтың басы:

Ұйымдастыру кезеңі:

(2 мин)

Шаттық шеңберін құру. Жағымды ахуал қалыптастыру. Оқушылар бір-бірне тілек айтады .

«Ой қозғау» әдісі бойынша өткен тақырыпты еске түсіру.

Табиғи қышқылдарда қандай дәм болады?

Сілтілерді қайда кездестіруге болады?

Тұз қышқылының формуласы.

Күкірт қышқылының формуласы.

Фосфор қышқылының формуласы.

Азот қышқылының формуласы.

Көмір қышқылының формуласы.

Натрий гидроксидінің формуласы.

Калий гидроксидінің формуласы.

Кальций гидроксидінің формуласы.

Индикатор дегеніміз не?

Сулы ертінділердің неше түрлі ортасы бар?

Сабақтың ортасы

32 минут

«Миға шабуыл» жаңа тақырыпты ашу

Топтық жұмыс. №7 зертханалық жұмыс орындау. «Ертіндідегі қышқылдар мен сілтілердің ортасын анықтау».

Реактивтер: cy, натрий гидроксиді(NaOH), тұз қышқылы (HCl).

Құрал-жабдықтар: сынауықтар, индикатор ерітінділері (лакмус, фенолфталеин, метилоранж), әмбебап индикатор қағазы.

Қауіпсіздік ережесі

Оқушыларға қауіпсіздік ережелері туралы ақпарат беріледі.

Жұмыстың барысы:

1. 2-3 мл қышқыл ерітіндісіне 1 тамшы индикатор (лакмус, метилоранж, фенолфталеин) қосып, кестені толтырыңыз.

2. 2-3 мл сілті ерітіндісіне 1 тамшы индикатор қосып кестені толтырыңыз.

3. 2 -3 мл суға 1 тамшы индикатор қосу арқылы кестені толтырыңыз.

Заттар

Лакмус

Метил оранж

Фенолфталеин

pH мәні