Көксерек шығармасына арналған ашық сабақ жоспары

Сабақтың тақырыбы

М. Әуезов «Көксерек» әңгімесі

Сабақтың мақсаты

Оқушыларға әңгіменің идеясын жан - жақты талдай отырып ашу;

Адамдар мен көк бөрінің іс - әрекеттерін саралай отырып, адамзаттың табиғатпен психологиялық тепе - теңдікті сақтау керектігін түсіндіру.Сыныптағы оқушылардың сыни тұрғыдан ойлау арқылы, өз беттерімен жұмыс жасау, бір - біріне көмек бере білу дағдыларын жетілдіруге мүмкіндік беру.. Интерактивті байланыс арқылы топтық жұмыс жасату арқылы бірлесіп білім алуына мүмкіндік беру.

Оқу нәтижелері

1.Оқушылар топтық жұмыс жасау барысында өз ойларын еркін жеткізуге мүмкіндік алады.

2.Топтық жұмыста өзін - өзі реттей алады.

3.Диалогтік қарым - қатынасқа түсу арқылы күмәнді жауаптарын түзетіп,салыстырады.

4.Әңгіменің идеясын жан-жақты талдайды.

Сабақта қолданылатын

стратегиялар

Кубизм,миға шабуыл,ой толғаныс стратегиялары

Оқыту әдістері

Жеке жұмыс, жұппен жұмыс , топтық жұмыс

Сабақта қолданылатын

көрнекіліктер

интер. тақта, сызбалар, үлестірмелі қағаздар

Ұйымдастыру кезеңі

Психологиялық жағдай: Психогеометриялық диагностика

3 топқа бөлу.

Квадрат. Сенде төзімділік, шыдамдылық, еңбекқорлық дамыған. Өз айналаңа адамдарды жинап ұйымдастыру, реттеу және жүйелеу қабілетін баршылық. Сенен үздік администратор шығады.

Шеңбер. Сенде адамгершілік жоғары дамыған. Сен өз әріптесіңді тыңдай аласың және оның қайғысы мен қуанышын бірге бөлісесің, басқаның ауыртпалығына жәрдемдесу қабілетін жоғары қалыптасқан.

Үшбұрыш. Саған басқарушылық қасиет тән. Өз көздеген мақсатына қол жеткізуге барлық мүмкіншілігіңді жасайсың. Өзіңе сенімдісің және жеңіске, жетістіктерге, ұтыстарға оңай қол жеткізесің. Айтқаныннан шықпайсың, абыройлысың. Сен қоғамда, өмірде жоғары жетістіктерге қол жеткізесің, жұмысыңда жоғарыға көтерілуге бейімділігін бар.

Олай болса, біз қазір топ болып, 3 топқа бөлініп жұмыс жүргіземіз. Әр топтың жетекшісі өз тобынан жауап берген оқушыларды белгілеп отырсын.

Топтастыру. 3 топқа «Адам», «Қасқыр» «Табиғат» сөздері жазылған плакат беріледі. Осы сөздер бойынша ойыңызға келген сөздер мен сөз тіркестерін жаза береді..

Адам - тірі ағза, еңбектенеді, сөйлейді, ойлайды, оқиды,қоректенеді.

Қасқыр – жыртқыш, ит - құс, бөрі, қомағай, табиғат перзенті, дала тағысы, дала санитары

Табиғат- құбылыстар,тау,тас,күн,ай,жер,жануарлар,өсімдіктер

Тапсырмалар

1. «Көксерек» сөзі сендерге қалай таныс?

2. «Көксерек» кімнің шығармасы? Жазушы неліктен шығармасының тақырыбын «Көксерек» деп атады?

3. «Көксерек» әңгімесінің шығу тарихына тоқталу.

«Көксерек» әңгімесінің тақырыбы мен идеясын оқушылардың көмегімен анықтау.

Оқиғаның мазмұнына тоқталу.

1. Көксерек Қараадыр ауылында.

2. Көксерек – түз тағысы.

3. Жекпе – жек.

БК

1.«Көксерек» шығармасының идеясын түсінеді.

2. «Көксерек» әңгімесінің шығу тарихын біледі.

3.Оқушылар өз пікірлерін әңгіме желісімен талдайды.

4.Оқиғаның мазмұнына жоспар құрып, тұжырымдайды.

Сергіту сәті

Жұмбақ шеше білейік