Көктемде ағаштардың гүлдеуі бойынша ашық сабақ

№4 Арнаулы әлеуметтік қызметтер ұсыну Орталығы КММ

Тәрбиеші: Турарова Казна Калбековна

Ашық сабақ:

Тақырыбы: «Көктемде ағаштар гүлдейді»

Сабақ: Жапсыру.

Мақсаты: балаларды мақта дискісінен әртүрлі пішіндерді жапсыра білуге, желіммен жұмыс істеуге,дайын пішіндерді дұрыс орналастыра білуге,акварель бояуымен жұмыс істей білуге үйрету.

Методикалық әдістер: Түсіндіру,көрсету,әңгімелеу,сұрақ-жауап.

Сабаққа қажетті заттар:қатты қағаз,мақта дискісі,желім,қайшы,акварель бояуы,қылқалам,дымқыл сүрткіш.

Сабақ барысы: Ұйымдастыру кезеңі.Балаларды келген қонақтармен сәлемдестіру,таныстыру.Қандай сабақ болатынын хабарлау.Балалардың назарын сабаққа аудару.

Шаттық шеңбері:Балалар біз бүгінгі сабағымызды жылы сөздер,ізгі ниеттермен бастайық.

Алақанды ашайық,

Күннің нұрын салайық,

Жиналған жылы шуақты,

Бір-бірімізге шашайық.

Енді бір-біріміздің қолымызды ұстап ,жылулықты сезейік.Бәріміз жақсы тілектер айтамыз.

Деніміз сау болсын!

Бәріміз тату болайық!

Аспанымыз ашық болсын ! Өте жақсы балалар тілектерің қабыл болсын.

-Жыл мезгілі туралы,көктем мезгілі,көктемгі еңбек түрлері,ауа-райы,жыл мезгіліне байланысты киімдер,жыл құстары туралы әңгімелеу.

Жаңа сабақ: Сабақ барысы туралы түсіндіру.Балалар мынау менің қолымда жұмсақ не деп ойлайсыңдар?Түсі қандай?Мұны біз қайда қолданамыз?(мақта туралы түсіннік беру)Бұрын біз мақтамен не жасап едік естеріңдер ме?Біз мақтамен қар,қоян т.б жасағанбыз.(Жапсырған еңбектерін көрсету,әңгімелету)

Біз бүгін жаңа материал түрі мақта дискісімен жұмыс істейміз.

бұл да мақта,бірақ қатталған дөңгелек мақта,мұны гигиеналық тазалық үшін пайдаланады,комперс жасағанда,беттің терісін тазалағанда беттегі бояуды сүртуге қолданады.(мақта дискісі тураллы түсінік беру)

Біз осы мақта дискісімен көктемді бейнелейміз.Алдымен дисклерді керекті түстерге бояп аламыз,бояуды кептіріп қажетті пішіндерді жапсырамыз. (күн,бұлт,ағаштар,жапырақтар және ағаштарды гүлмен сәндейміз көрсетіп жапсыру ретімен)(балалармен бірге жұмыс жасау)

Сергіту сәті: Шомылып нұрға атырап,

Ағаштар жайды жапырақ,

Далаға бірден таралды,

Гүлдерден жұпар шашырап.

Ойын. «Гүл теру», «Ұшты-ұшты»

Қорытынды: Балаларды мақтап,мадақтау,еңбектерін бағалау.