ктж, ктп 8 сынып дұрыс тамақтанудың денсаулықты сақтаудағы рөлі, элективті курс

БАҒДАРЛАМАЭлективті курс

Мектеп және оқушы компонентінің арнайы курстары

Дұрыс тамақтанудың денсаулықты сақтаудағы ролі.

8- сыныпқа арналғанаптасына 1 сағат, барлығы - 34 сағат

Түсінік хат

Адам өміріндегі ең қымбатты - денсаулық. Дені сау, білімді, жан – жақты дамыған адам ғана өз өмірін дұрыс жолға қоя алады. Денсаулықты ешқашан ешқандай ақшаға сатып ала алмайсың, бірақ оны сақтау және қалыптастыру әрбір адамның өз қолында. Ол үшін салауатты өмір салтын ұстану керек. Жасөспірімдік кезең есеюдің ең ғажабы. Бұл кезеңде адам ағзасында елеулі өзгерістер болады, сондай–ақ өмір сүру дағдысы қалыптасады. Жасөспірімнің болашақ өмірі үшін осы кезеңде зиянды әдеттерге үйір болмай өз денсаулығын күту керек, алдағы уақытта немен шұғылданады, қандай отбасын құрады т.т.с.с осы кезеңде дұрыс болуына байланысты. Өз ағзасын басқара алуы үшін ол ең бірінші ағзасының құрылысы қандай, қалай жұмыс істейді, ненің пайдалы немесе зиянды екенін білуі қажет.

«Тамақтану және денсаулық» элективті курс бағдарламасы оқушыларға денсаулықтарын күтуге, жеке бас тазалығын сақтауға, демалысы мен еңбегін дұрыс ұйымдастыра алуға көмектеседі. Элективті курс бағдарламасы мазмұнынына теориялық ұғымдар мен қатар практикалық тері, шаш, тырнақ, көз, тістерін күту жайында ұсыныстар мен кеңестер кіргізілген. Мектеп жасындағы оқушылар мен жасөспірімдердің осы кезеңде зиянды әдеттер темекі шегу, алкогольдік ішімдіктер мен есірткі заттарға әуестенулеріне байланысты зиянды әдеттердің әсері туралы арнайы тақырыпарналған.

Курс бағдарламасында басты көңіл дұрыс тамақтану тақырыбына арналады. Курс 8 сынып оқушыларының жас ерекшеліктері мен басты оқу бағдарламасына негізделіп жасалған. Курсты оқу жасөспірімдердің дені сау, сұлу, өзіне сенімі мол жастар болып өсуіне септігін тигізеді. 8 сыныпқа арналған «Тамақтану және денсаулық» арнаулы курс бағдарламасы жылдық сағат саны-34, аптасына 1 сагат;

Арнаулы курс бағдарламасында «Күнделікті гигиена», «Тамақтану әліппесі», «Дұрыс тамақтану денсаулық кепілі», «Денсаулық және сұлулық» бөлімдері бойынша оқушылардың функционалдық сауаттылығын арттыруға, дамытуға назар аударылған.

Бағдарламаның өзектілігі: Оқушыларды жеке бас гигиенасын сақтау және дұрыс тамақтану арқылы денсаулықтарын нығайту туралы білімдерін тереңдету және бекіту. Тамақтың пайдалы қасиеттері мен құнарлығы, тамақтану заңдылықтары туралы оқушылардың білім, білік дағдыларын дамыту.

«Тамақтану және денсаулық» арнаулы курс бағдарламасының мақсаты: Оқушыларды тамақтану мәдениетімен таныстырып, дұрыс тамақтану арқылы салауатты өмір салтын қалыптастыру, жеке басының дене сымбаттылығы мен денсаулығын жетілдіру және нығайту, өзін-өзі тану әдістерін үйрету.

Бағдарлама мынадай міндеттерді шешуге арналған

оқушыларды жеке бас гигиенасын сақтауға үйрету;

дұрыс тамақтану арқылы салауатты өмір салтын қалыптастыру;

тамақтану туралы ғылыми көзқарастарын қалыптастыру;

адамның ағзасына қажетті тағамдық заттардың ерекшелігін түсіндіру;

қазақтың ұлттық тағамдары мен салт-дәстүрлерін жаңғырту;

бейіндік оқыту бағытында оқушыларды тестке дайындау;

оқушылардың негізгі ғылым сауаттылықтарын артыратын PISA зерттеулеріне дайындау;

-кәсіптік бағдар беру;

Бағдарлама бойынша оқушылар нені меңгеруі тиіс

Омыртқа жотасы, көз, мойын, қолдарға арналған жаттығулар кешенін;

Таңғы және тыныс алуға байланысты жаттығулар кешенін;

Тамақтану заңдылықтары мен мәдениетін,

Тамақтың пайдалы қасиеттері мен құнарлығын;

Тамақ өнімдерінің негізіг топтарын;

Өз денесін күтуге арналаған бағдарлама жасай алуға және мінез- құлқына баға беру тәсілдерін;

Физиологиялық сағаттар;

Күтілетін нәтижелер:

Беріліп отырған курсты жүзеге асыру барысында жасөспірімдердің салауатты өмір салтын ұсану дағдысының нығаюы, гигиеналық мінез құлқы қалыптасуы тиіс. Адамның ағзасына қажетті тағамдық заттардың ерекшелігін түсінуге және денсаулықтың адам өміріндегі маңызды екенін меңгеруі тиіс.

Бағдарламаның мазмұны мен құрылымы