Литосфералық катаклизмдер бойынша ашық сабақ, 7 сынып

Бөлім: Литосфера

Тақырыбы: Литосфералық катаклизмдер (зілзалалар)

Мектеп:

Уақыты:

Мұғалім:

Сынып: 7

Қатысқан оқушылар саны:

Қатыспағандар:

Осы сабақ арқылы жүзеге асырылатын оқу мақсаттары

Литосфералық катаклизмдердің түрлерін білу.

Олардың себеп-салдарын, таралуын түсіндіру.

Литосфералық катаклизмдер барысында өзін өзі ұстау ережелерін түсіндіру (жергілікті компонент негізінде).

Сабақтың мақсаты

Литосфералық катаклизмдерді оқып, литосфералық катаклизмдер кезінде өзін өзі ұстау ережелерін қолдана алуды үйренеді

Бағалау критерийлері

Литосфералық катаклизмдердің кемінде 4 түрін біледі.

Әр литосфералық катаклизмнің 2 себеп-салдарын атайды.

Өз аймақтарында таралуын түсіндіреді.

Литосфералық катаклизмдер барысында өзін өзі ұстау ережелерін түсіндіреді (жергілікті компонент негізінде).

Тілдік мақсаттар

Тілдік мақсаттар: оқылым: географиялық карталарды, мәтіндерді оқиды, талдайды;

тыңдалым: бейнематериалдарды, бір-бірінің пікірлерін тыңдайды;

айтылым, жазылым: географиялық карталарды, мәтіндерді ауызша және жазбаша сипаттайды.

Диалогқа / жазылымға қажетті тіркестер: Литосфералық катаклизмдердің негізгі себептері .... Жер сілкінісі кезінде ..................................... қауіпсіздік шаралары ескеріледі.

Пәнге қатысты лексика мен терминология: сейсмикалық аймақтар, катаклизмдер, жер сілкінісі, жанартау атқылауы, цунами, сырғыма, опырылма, қар көшкіні.

Құндылықтарды

дарыту

Құндылықтар:

Оқушылар бойындағы жауапкершілік; коллаборативті орта құруға атсалысу; өмір бойы білім алу

Пәнаралық байланыс

Физика

АКТ қолдану дағдылары

Ғаламтордан суреттер, фотосуреттер арасынан қажетті мәліметтерді іріктей алады

Бастапқы білім

Оқушылардың 6-сыныптағы «Литосфера» тақырыбы бойынша алған білімдері сабақта көмегін тигізеді.

Сабақ барысы

Сабақтың қезеңдері

Сабақта орындалатын іс - әрекеттер

Оқыту ресурстары

Басы

Қолайлы жұмыс ортасы қалыптастырылады. Жағымды жаңалық немесе жақсы тілектер айту ұсынылады (мұғалімнің жоспары бойынша).

(К) Ой қозғау. Суреттерге не ортақ?

Оқушылар жеке ойланады, бірнеше оқушы жауап береді.

Сабақтың тақырыбы анықталады. Оқу мақсаттары (ОМ) мен жетістік критерийлері таратылады. ОМ жету жолындағы әрекеттер дәптерге (тақтаға) жазылады.

Презентация

Ортасы

(К) «Жер сілкінісі, күші, салдарлары» тақырыбындағы бейнематериал көрсетіледі.

Көрсетілімнің алдында нұсқаулық беріледі. Бейнематериалды көрместен бұрын, тыңдалым мен көрсетілім алдында, фотосуреттердегі катаклизм түрлерін ауызша атайды.

Бейнематериалды көру барысында жасалынатын әрекеттер:

6-сыныпта оқып білген түсініктерді ой елегінен өткізіп, жер сілкінісін тудыратын факторларға мән беру

Маңызды ақпараттарды жазып отыру.

Бейнематериалды көріп болғаннан кейін, тыңдалым мен көрсетілімнен кейін: терминдерді еске түсіре отырып, дәптерге жазу ұсынылады.

Кері байланыс: Бейнематериал бойынша түсініксіз сұрақтар бар ма? Сұрақ болса, талқыланады. Сұраққа жауап беруді білім деңгейі жоғары оқушыларға ұсыну қажет.

(С) Литосфералық катаклизм ұғымдарына қатысты жалпы таратылған мәтіндермен өз беттерінше танысады. Ұғымдарды, терминдерді дәптерге көшіріп жазады.

(Д) Тектоникалық қозғалыстар әсерінен пайда болған литосфералық катаклизмдерді жіктейді.

(Ф) Қалыптастырушы бағалау (ҚБ) тапсырмалары орындалады.

1-тапсырма. Мәтінді оқиды. Мәтінді, бейнематериалды және 6-сыныптағы білімдерін пайдаланып, тектоникалық қозғалыстар әсерінен пайда болған литосфералық катаклизмдерді жіктейді.

Бағалау: дұрыс жауаптар тақтаға шығарылады, оқушы өзін өзі бағалайды.

Кері байланыс: Қай катаклизм біздің аймақта кездеседі? Ақпаратты қабылдауы баяулау оқушыдан сұрау ұсынылады. Аталған оқушы жауап беруге қиналса, оқу дағдылары жоғарылау оқушы жауап берген жөн.

(К) Мұғалім литосфералық катаклизмдер жиі байқалатын аймақтар туралы ақпарат береді (слайд бойынша).

(Ж) Оқушылар литосфералық катаклизм жиі болатын 4-5 елдерді картадан анықтайды (ауызша).

Бағалау: өзара бағалау жүреді – жұпта бір-бірін бағалайды. Әр материктер, мұхиттар бойынша елдер тізімі көрсетіледі (слайд).