Логикаңыз қалай атты сыныптан тыс жұмыс 10 сынып

Ы.Алтынсарин атындағы №10 мектеп-лицей

Сыныптан тыс іс-шара

Тақырыбы: «Логикаңыз қалай?»

Пән мұғалімі: Нұрмағанбетова Г.М.

2018-2019 оқу жылы

«Бекітілді»__________

Күні:20.11.2018

Сынып: 10 «А»

Тақырыбы: «Логикаңыз қалай?»

Мақсаты: Оқушылардың математикаға қызығушылығын, ынтасын, зейінін арттыру, алған білімдерін тереңдету. Логикалық есептерді шешуге дағдыландыру, шығармашылық ізденістерін ұштау, ой-өрісін кеңейту, логикалық ойлау қабілеттерін дамыту.

Көрнекілігі: интерактивті тақта, шарлар, қорапша, үлестірмелер, конверттер, плакат, ұялы телефон.

Түрі: Топтық сайыс сабақ

Қолданылған нақыл сөздер: 1. “...Адамзат үшін ХХІ ғасыр жаңа технологиялардың ғасыры болмақ, ал осы жаңа технологияларды жүзеге асырып, өмірге енгізу, игеру және жетілдіру – бүгінгі

мектеп оқушылары сіздердің еншілеріңіз”

Н.Назарбаев

2. «Логика өнері - адамның ақыл-парасатын жетілдіруге көмектесетін құрал»

Әбу Насыр Әл-Фараби

3. «Математика - барлық ғылымдардың тұңғышы және оларға пайдалы да, қажет те»

Р.Бэкон

Сабақтың жоспары:

Топқа бөлу. Таныстыру.

«Сұрақты қағып ал!»

«Қораптағы сұрақтар»

«Кім жүйрік?»

«Ғажайып жетілік»

Стакандағы сумен тәжірибе жасау

Математикалық фокус

Сабақтың барысы:

Армысыздар құрметті ұстаздар мен оқушылар және ойынға қатысушы сайыскерлер! «Логикаңыз қалай?» атты математикалық ойын сабағымызды тамашалауға қош келдіңіздер!

Бүгінгі сайысымызды Н.Ә.Назарбаевтың сөзімен бастайық: 1. “...Адамзат үшін ХХІ ғасыр жаңа технологиялардың ғасыры болмақ, ал осы жаңа технологияларды жүзеге асырып, өмірге енгізу, игеру және жетілдіру – бүгінгі мектеп оқушылары сіздердің еншілеріңіз” ”Осы сайыста көрсеткен білімдерін, күнделікті жақсы оқығандарың - өздеріңнің болашаққа алғашқы қадамдарың болып табылады. Сайыскерлеріміз жүзден жүйрік, мыңнан тұлпар, сыныбымыздың математиктерін ортаға шақырамыз. Сайысқа түскелі отырған қарсылас екі топтың білімдері мен тақырлықтарын сынағалы жиналдық. Іске сәт! –деп сайысымызды бастайық.

І кезең. Ұйымдастыру кезеңі. Топқа бөлу. Таныстыру.

ІІ кезең. «Сұрақты қағып ал!»

Жеке жұмыс. Әр топ мүшелеріне логикалық есеп беріледі. Әрбір дұрыс жауап 10 ұпаймен бағаланады.

Логикалық сұрақтар:

1. Бала кешкі сағат 7 –де сағат тілін таңертеңгі 9- ға қойып ұйқыға жатты. Бала неше сағат ұйықтайды? (2сағ)

2. Алмұрт алмадан ауыр, ал алма өріктен ауыр. Алмұрт ауыр ма, әлде өрік ауыр ма? (алмұрт)

3. Термометр аяз болғасын – үш градус көрсетіп тұр. Осындай екі термометр неше градус көрсетеді? (3 градус)

4. Тік төрбұрышты бөлмеге әрбір қабырғасында үш орындық болатындай сегіз орындықты қалай орналастыру керек? (Әр қабырғаның ортасына орындық қою қажет)

5. Бөлмедегі әр бұрышта бір мысықтан және оған қарама-қарсы үш мысықтан отырса, бөлмеде неше мысық бар? (4 мысық)

6. Бір бала ас үйде тарақандарды ұстап жүріп,5-ін өлтірді, ал 3 есе көбін жаралады.3 тарақанды өте ауыр жаралады және олар жарақаттарынан өліп қалды, ал қалғандары тіріліп кетті,бірақ балаға ренжіп көршілеріне мүлдем кетіп қалды.Көршілеріне неше тарақан кетіп қалды? (12)

7. Жүгіру жарысынан Асет, Марат, Талғат үш орынды алды, егер: Марат екінші орын алмаса, ал Талғат –үшінші орын алса, кім қандай орын алды? (1-Марат, 2-Асет, 3-Талғат)

8. Кішкентай Есетті мысық тырнап алғанда,ол 5 мин бақырды,ал ара шағып алғанда ол 3 мин ұзақ бақырды,өзінің анасы ұстап алып сабынмен жуындырғанда Есет ара шағып алғандағыдан екі есе көп уақыт бақырды.Анасы Есетті 11мин жуындырды.Есет жуынып болғаннан кейін қанша уақыт бақырды?(5мин)

9. Допты лақтырғанда, доп сол ізімен кері қайту үшін оны қалай лақтыру керек? (Жоғары)