Мәдени мінез-құлық ережелері туралы психологиялық материал

Тренинг тақырыбы: Мәдени мінез-құлық ережелерін білеміз бе?

Мақсаты: Оқушылардың мәдени көзқарасын қалыптастыру. Бір-бірімен қарым-қатынасын, болашаққа деген үміттерін арттыру. Қызығушылығын ояту.

Көрнекілігі: Ватман, түрлі қарындаштар, альбом, фломастер.

І.Ұйымдастыру кезеңі.

1.Психологиялық жаттығу.

Балалар бір-бірімен қалай мәдениетті амандасу керектігін ыммен көрсетіп шығады.

ІІ. Негізгі бөлім

2. «Біздің сынып»

Балалар шеңбер бойынша отырады. Шеңбер бойынша әртүрлі берілген сұрақтарға жауап береді. Сұрақтар:

Таңертең мектепке келдің, сыныпқа кіргенде қандай әрекет жасар едің?

Өзіңнің көршіңмен,жақын досыңмен қалай сәлемдесесің?

Егер сен партада отырғанда үлкен адам тіл қатса не істер едің?

Мұның бәрі сынып ішіндегі мәдениеттілікке жатады. Сонымен қатар саған достарың немесе ұстаздарыңның бірі бір нәрсе айтса, оған сен ілтипатпен жауакп бер. Егер сен сыныпқа кіргенде мұғалім оқушылармен әңгімелесіп немесе сабақ жүргізіп жатса, орныңа отыруға рұқсат сұра. Абайсызда ыңғайсыз жағдайға тап болсаң «кешіріңіз» деп кешірім сұра. Өз сыныбыңды, партаңды ұқыпты ұста. Сабақ аяқталғанда мұғалімдермен және жолдастарыңмен қоштасып, оларға «сау болыңыздар» деп айтуды ұмытпа.

3.»Сөйлемді аяқта» ойыны

Аяқталмаған сөйлемдер беріледі, олар өз ойларынша сөйлемді аяқтайды.

Егерде мен мұғалім болсам,........

Егерде мен сыныпта кезекші болсам, .....

Егерде мен үзілісте, .....

Егерде мен үзіліске шыққан кезде, ........

Үзіліске мұғалім рұқсат берген кезде шығуға болады. Сыныптан шығарда оқушыларды итермелемей кимелеп бірінші болып шығуға асықпа, бұл жолдастарын сыйламау және дөрекілік көрсету. Үзіліс кезінде буфетте немесе сыныпта тамақтан. Жүре тамақтанған мәдениетсіздікке жатады.

4.«Мектептегі мереке...»

Барлығымыз көзімізді жұмып, қандай да бір арманымызды көз алдымызға елестетеміз. Ең маңызды армандарыңды таңдаңыздар. Енді көзімізді ашып өздеріңнің армандарыңның суретін салыңдар.Соңында суреттері бойынша өз ойларын сұрап шығамын.

Мерекеге келгенде де ұқыптылық пен мәдениеттілік керек екен. Келген кезде асықпай орныңа отыр. Өзгелерді итермелеп жүгіріп алдына шығу жақсы емес. Айқайлауға, итеруге, жүгіруге болмайды. Барлық әңгімені доғарып, зейін қоя тыңда.Егер сахнада бір нәрсе болыңқырамай, әлдеқандай қолайсыз жағдай орын алса оған күліп, айқайлауға болмайды.

5.«Біздің арманымыз»

Оқушылар екі топқа бөлінеді.Екі топ та «Біздің арманымыз» тақырыбына бірігіп бір ватманға болашақ негізгі арманын бейнелейді.

Сұрақтар: