Махамбет Өтемісұлы туралы сабақ жоспары 8 сынып

Сынып: 8

Пән: қазақ әдебиеті

Сабақтың тақырыбы: Махамбет Өтемісұлы

Сабақтың мақсаты: Елім деп еңіреген қазақтың қайсар ақыны, тәуелсіздік жолындағы батыл күрескері М.Өтемісұлының өмірі мен шығармашылығынан кеңірек мәлімет бере отырып, өлеңдерінің тақырыбы мен идеясын ашу, шығармаларын тарихи құндылық ретінде қабылдауға жетелеу

Сабақтың міндеттері:

1.Өскелең ұрпаққа ақынның өмірін дәріптеу арқылы ақын шығармашылығының тарихын аша отырып, оқушылардың білімдерін бір жүйеге келтіру

2.Шығармашылық жұмыстар арқылы оқушылардың таным белсенділігін, өзіндік ізденісі мен ой қорыту қабілеттерін дамыту. Сыни тұрғыда ойларын, тілдерін дамыту. Сөйлеу мәдениетін қалыптастыру, жетелеу сұрақтары арқылы белсенділігін, ой еркіндігі мен танымын арттыру

3.Елге, жерге деген сүйіспеншілік сезімдерін ояту, ақын бойындағы елжандылық, адамгершілік, ерлік, өрлік қасиеттерін үлгі ету,өз халқының патриоты болуға тәрбиелеу

Сабақтың типі: жаңа білімді меңгерту

Сабақ түрі: танымдық сабақ

Сабақ әдіс-тәсілдері: талдау, жинақтау, топтық, ұжымдық жұмыстар, СТо әдісінің «ЖигСо», «5 жол өлең», «Ойтолғау» стратегиялары, Э.Бононың «Ақылдың алты қалпағы» әдісі

Сабақтың негізгі түйіндері: Исатай-Махамбет бастаған ұлт-азаттық көтеріліс, Ішкі Бөкей ордасы, Жәңгір хан, Баймағамбет сұлтан, Гекке бастаған қарулы топ, Истай Тайманұлы, дауылпаз ақын

Ресурстар: топтық жұмысқа арналған құралдар, ақылдың алты қалпағы, сабаққа байланысты слайдтар, Махамбет өміріне байланысты деректі фильм

Пәнаралық байланыс: тарих, ән

Сабақтың нәтижесі: Махамбет пен Исатай өміріне қатысты негізгі оқиғаларды білу, оқиғалар ізімен туған өлеңдерге талдау жасай алу

Сабақтың эпиграфы:

Махамбет...Махамбет...

Білмеймін жел ме, сел ме,

Жыр да онымен бір тұлға теңесер ме?

Әділетсіз дүниенің қабырғасын,

Махамбетше сөгер жан кездесер ме? (Ф.Оңғарсынова)

Сабақ барысы:

Ұйымдастыру кезеңі

1.Оқушылар назарын сабаққа сабаққа аудару

2.Сабақтың мақсат міндеттерімен түсіндіру

3.Өткен тақырыптарды пысықтау

«Араның ұясы» техникасы бойынша алма-кезек көршісіне өткен тақырыптарға байланысты сауалдар қояды.

Қызығушылықты ояту.

«Ой шақыру» стратегиясы

-Қазақ халқының елім деп еңіреген қайсар батыры Махамбет Өтемісұлы туралы не білесіңдер?

Оқушылар ойы тыңдалады.

Мұғалімнің кіріспе сөзі.

«Махамбет-Абайға дейінгі ақындардың ақыны, Абылайдан кейінгі батырлардың батыры, Махамбет есімі-өмірдегі қасіреттің синонимі, өмірдегі қасиеттің символы. Махамбет өлеңі-«қазақ» сөзінің қайталанбас құдіреті, шығармалары тап-таза қорғасыннан құйылған ап-ауыр асыл сөз, басқа жер бетіндегі елдің өлең-жырында жоқ»,-деп академик жазушы З.Қабдолов Махамбетке баға берген. Өйткені батырдың жеке бастың өмірі болмаған, өмірі өнеріне көшіп кеткен де, қасиетке айналған, жеке тіршілігінде тек қасіретқана қалған. Өзін ойламаған, өзге жайын, ел қамын ғана ойлаған. «Ереуіл атқа ер салып, егеулі найза қолға алып» жүргендегі мақсат-мүддесі…