Математика 5 сынып Жиындар арасындағы қатынастар. Ішкі жиын

Қысқамерзімді жоспар

Ұзақ мерзімді жоспардың бөлімі:

5.3С Жиын

Мектеп:

Күні:

Мұғалімнің аты-жөні:Нурмуханова Мейрамгүл Қазидуллақызы

Сынып: 5

Қатысқандар саны:

Сабақтың тақырыбы

Жиындар арасындағы қатынастар. Ішкі жиын

Осы сабақта қол жеткізілетін оқу мақсаттары (оқу бағдарламасына сілтеме)

Ішкі жиын ұғымын меңгеру.

Сабақтың мақсаты

Ішкі жиын ұғымының анықтамасын тұжырымдау;

Ішкі жиынды белгіленуі бойынша жазу және оқу;

Жиындардың арақатынасын Эйлер-Венн дөңгелектері арқылы кескіндеу.

Бағалау критерийі

Оқушы:

Ішкі жиын ұғымының анықтамасын тұжырымдайды;

Ішкі жиынды белгіленуі бойынша жазады және оқиды;

Жиындардың арақатынасын Эйлер-Венн дөңгелектері арқылы кескіндейді.

Тілдік мақсаттар

Оқушылар:

Жиындар арасындағы қатынастарды сипаттай алады;

‘⊂’ белгісінің қолданылуын түсіндіре алады;

Эйлер-Венн дөңгелектерін қолданып есептердің шешімін түсіндіре алады.

Пәндік лексика және терминология:

-жиын-множество-a bunch of;

-жиынның элементтері-элементы множество-elements of the sets;

-ішкі жиын-подмножество-sub set;

-тең жиындар-равные множество – equal set.

Диалог пен жазу үшін пайдалы сөздер мен тіркестер:

–а элементі А жиынына тиісті - (а ϵ А);

–а элементі А жиынына тиісті емес (а ∉ А);

– В жиыны А жиынының ішікі жиыны болады (В ⊂ А);

– А жиыны … элементтерінен тұрады;

Құндылықтарды дарыту

«Жалпыға бірдей еңбек қоғамы» құндылығын бойына дарыту мақсатында, берілген тапсырмаларды орындауда еңбек етудің маңыздылығын ұғынып, өмір бойы білім алуға бейімдеу.

Пәнаралық байланыстар

Бейнелеу, дүниетану.

АКТ қолдану дағдылары

Интербелсенді тақта

Бастапқы білім

Жиын және оның элементтері ұғымын біледі.

Жиындарды Эйлер-Венн дөңгелектері арқылы кескіндей алады.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

7 мин

Ұйымдастыру кезеңі

Жағымды психологиялық ахуал орнату.

«Қозғалыстағы сурет» әдісі арқылы сыныпта жағымды көңіл-күй орнату.

Оқушылар қолдарына дәптер мен қаламсаптарын алып, шеңберлене тұрады, сол жаққа бұрылып, сынып ішінде шеңберді бұзбай жүре бастайды. Олар алдында тұрғанның арқасына дәптерін қойып, арттағы оқушының суретін салуға тырысуы керек. Бұл жерде мынандай ережелерді сақтаған орынды:

Тоқтауға болмайды;

Шеңбер жүруін тоқтатқанша суретті сала беру керек;

Суретке ренжуге болмайды!

Оқушылар сурет салған парақтарға өз қолдарын қойып, суреті салынғандарға тарту етеді.

Үй тапсырмасы.

Оқушыларға даярлық тапсырмасы ретінде жануарлар, өсімдіктер математика элементтері аттарынан жиын құрап, ол жиынның элементтерінен ортақ қасиеттері бойынша топтап, тағы да жиын құрауы тапсырылды. Үй тапсырмасының орындалуын топқа бөлу және тақырыпты ашу кезеңдерінде анықтаймын.

Топқа бөлу

«Өз ортаңды тап» әдісі бойынша топтау.

1-топ: «Жануарлар»

2-топ: «Өсімдіктер»

3-топ: «Математика»

Осы 3 топ аты әр қатарда тұрады. Қоржынға жануарлар (түлкі, сиыр, қоян, түйе, жылқы), өсімдіктер (кактус, лалагүл, алоэ, фикус, сарғалдақ ) аттары, математика (үшбұрыш, бес, төртбұрыш, бөлу, дөңгелек) элементтері жасырылады. Оқушылар бір-бірлеп жеребе суыру арқылы қай ортаға жататынын атап (қоян-жануарлар жиынының элементі), өз ортасына барып қосылады.

Кеспе қағаздар

Сабақтың ортасы

мин

Тақырыпты ашу. «Ой тастау» әдісі.

Оқушылар біз жаңа топқа қалай бөліндік?

Ал енді осы әр топ ішіндегі сөздерді тағы қандай да бір қасиеттері бойынша бөліп атауға болады?

Осы атаулар мен топ атауының арасындағы байланысты қалай атауға болады?

Сонда біздің бүгінгі тақырыбымыздың атауы қалай болмақ?

Тақырып ашылғаннан кейін күннің жадын, сабақтың тақырыбын дәптерге жазады. Оқулықты ашады. Оқу мақсатымен таныстырамын.

Оқу мақсатына жету.

1-тапсырма. (топтық жұмыс)

Ішкі жиын ұғымының анықтамасын тұжырымдау үшін әр топ өздеріне дұрыс проблемалық сұрақ қойып, «Фишбоун» әдісі бойынша постер кұрады, өздерінің жұмыстарын басқа топтарға түсіндіреді.

Барлық оқушылар бір тапсырманы орындаса да олардың нәтижелері әр түрлі болады. Дұрыс жауапқа жету үшін барлық оқушыларға бағытталған нұсқау бере отырамын.

Дескриптор:

Білім алушы

- Ішкі жиын ұғымының анықтамасын дұрыс тұжырымдайды.

«Өте жақсы», «өте дұрыс», «ұйымшыл топ», «жоғары деңгейдегі ынтымақтасқан топ» деп топтарды ауызша мадақтап қана қоймай, оқушылардың тапсырманы орындауда ерекше жеткен жетістіктерін атап өтемін.

2-тапсырма. (ауызша тапсырма)

P = {8,10,12,14} жиынының ішкі жиыны болатын жиынды атаңыздар :

а) А = {8,6,12}, b) B = {1,2,8}, c) C = {8,10,12}, d) D= {14,12}

Дескриптор:

Білім алушы

- жиынның ішкі жиынын ауызша атайды.

3-тапсырма. (жеке жұмыс)

Оқулықпен жұмыс. «Ортақ нәтижеге жету» әдісін қолданамын.

№1034 Ішкі жиынды белгіленуімен жазыңдар және оқыңдар.

А – музыканттар жиыны;

В – скрипкашылар жиыны.