Математика және мен авторлық бағдарламасы, 4 сынып

ҚАЗАҚСТАН РЕСПУБЛИКАСЫНЫҢ БІЛІМ ЖӘНЕ

ҒЫЛЫМ МИНИСТРЛІГІ

А.С. Абилдаева, Г.М.Амрекулова

«Математика және мен» элективті курсы бойынша бастауыш

сынып математикасына арнап жазылған

АВТОРЛЫҚ БАҒДАРЛАМА

Нұр-Сұлтан – 2021

УДК 321 ББК 92.311.7

Рецензент: Мұқатаев О.О. педагог мастер, Қазақстан Республикасы «Өркениет» ғылыми-әдістемелік орталығының аға ғылыми қызметкері;

Математика және мен / құрастырушы-авторлар: А.С. Абилдаева, Г.М. Амрекулова – Жамбыл облысы, бастауыш сынып мұғалімдері, 2021. – 50 б.

ISBN 987-601-6702-60-3

Құрастырушы автор 34 сағаттық күнтізбелік-тақырыптық жоспарлауды оқушылардың жас ерекшелігін ескере отырып жасаған. Авторлық бағдарламаның мақсаты математика пәнінен бастауыш сынып оқушыларына логикалық есептерді шығару жолдарын үйретуге және баланың логикалық қабілетін дамытуға бағытталған. Есеп шығарудың түрлі жолдарын құрастыра отырып жасалған авторлық жұмыс баланы жалықтырмай, шаршатпай жұмыс жасатуға мүмкіндік береді.

УДК 321

ББК 92.311.7

«Өркениет» ғылыми-әдістемелік орталығының 2021 жылғы «22» ақпандағы №33 хаттамасына сәйкес сараптау комиссиясының шешімімен баспаға ұсынылды

ISBN

© ҚР «Өркениет» ҒӘО, 2021 987-601-6702-60-3

ҚАЗАҚСТАН РЕСПУБЛИКАСЫ «ÓRKENIET» ҒЫЛЫМИ-

ӘДІСТЕМЕЛІК ОРТАЛЫҒЫНЫҢ БАСПАСЫНА

ҰСЫНЫЛДЫ

Рецензент:

Рецензент: «Órkenіet» ғылыми-әдістемелік орталығының аға ғылыми қызметкері О.О. Мұқатаев

Құрастырушы авторлар: Жамбыл облысы Т.Рысқұлов ауданы «Т.Рысқұлов атындағы мектеп-лицейінің» бастауыш сынып мұғалімі Абилдаева Акбота Серикбаевна мен Жамбыл облысы Т. Рысқұлов ауданы «Қ.Сәтбаев атындағы орта мектебі» коммуналдық мемлекеттік мекемесінің бастауыш сынып мұғалімі Амрекулова Гульшат Мейрамхановна

©Қазақстан Республикасы «ÓRKENIET» ғылыми-әдістемелік

орталығы, 2021 жыл

ПІКІР

Екі құрастырушы автор – Абилдаева Акбота Серикбаевна мен Амрекулова Гульшат Мейрамхановна өздері бірігіп жазған элективті курс бағдарламаларында қазақтың қарапайым қара есептерін шешудің жолдарын меңгертуді мақсат ете отырып, қызықты есеп үлгілерін ұсынған. 34 сағатқа негізделіп жасалған бағдарлама 3-4- сыныптың элективті курс сабақтарына арнап жазылған. Құрастырушы екі автор еңбектерінде оқушылардың ойлау, қабылдау, жас ерекшеліктерін ескеріп, оқу бағдарламаларына сай есеп шығарудың үлгілерін енгізген.

Авторлық бағдарлама мектептегі әдістемелік пән бірлестігінің отырысында қаралды, пайдалануға жарамды деп бағаланып, бекітуге ұсынылды.

Иманбердиева Шолпан Бастауыш сынып мұғалімі, зерттеуші педагог.

Түсінік хат

Жан-жақты ойлау қабілеті жетілген, шығармашыл тұлға – қоғам мен ұстаздың басты жетістігі. Шығармашылық – жаңа нәрсе ойлап табуға бағытталған қабілеттер деңгейі. Бұдан біз «шығармашылық» ұғымының негізгі белгісі «жаңалық» болғанымен, оңдағы тұлғаның, адамзаттың, қоғамның дамуына әсер ететін ерекше күштің бар екені байқамаймыз. Шығармашылық қабілет деген не? Қабілеттердің шығармашылық деңгейге көтерілуі неге байланысты деген сұрақтар әрбір ұстазды мазалайды деп ойлаймыз.Шығармашылық – адамның іс-әрекетінің түрі. Бастауыш сынып оқушыларының қабілеттері 2 түрлі әрекетте дамиды. Есептер оқушыларды табандылыққа, әр есепке ғылыми тұрғыдан қарап, анализ жасай білуге, есепті өзгеше, ерекше тәсілдермен шығаруға үйретеді.

Элективті курс сабақтарында орындалатын тапсырмалар оқу- әдістемелік желінің негізгі бағыттары бойынша құрастырылған. Ойындар, сөзжұмбақтар, сиқырлы шаршылар, мүмкіндігінше, оқушының қызығушылығын арттыру мақсатында құрылған. Жекелеген оқушылармен де, жалпы сыныппен, топпен, жұппен де жұмыс түрлерін түрлендіруге болады. Мұндай сабақтардың білімділік сапасын, оқушылардың білім, білік, дағдыларын қалыптастыруда тиімділігі өте зор. Қазіргі жаһандану дәуіріне сай біздің қоғамға қалыптан тыс ойлай алатын, шұғыл шешімдер қабылдай білетін, белсенді, шығармашыл адамдар қажет. Сондықтан сабақтарда тек білімдік мақсаттарды шешіп қоймай, балалардың даралық қасиеттерін, қабілеттерін дамытудын жолдарын қарастырған жөн. Ол үшін сабақтарда түрлі қызықты ойындар, ойын-есептер, шығариашылық-тапсырмалар, логикалық жаттығуларды пайдаланып қана қоймай, есептер мен ребустар құрастыруды үйретудің мәні зор.

Осы көмекші құралда бастауыш мектепте оқытылатын пәндердің бағдарламаларының тарауларына сәйкес қызықты материалдар жинақталған. Бастауыш сынып оқушыларына жұмбақтар, ребустар, логикалық тапсырмалар, шытырман есептер, оқиғаның себебін анықтауға арналған қызықты мәтіндер, көңілді жаттығулар, математика және тіл дамыту сабақтарыңда шығармашылық процесті менгеруіне, ойын, тілін дамытуға көмегін тигізеді деп есептейміз.

Жалпы, бұл курс оқушыларды сауаттылыққа үйретіп, олардың логикалық және танымдық, шығармашылық қабілетін арттырады, кез- келген жағдаяттан қисынын тауып шығуға баулиды, есептер мен ребустар құрастыруға үйретеді.