Мектепалды топқа арналған дене шынықтыру жоспары

тақырыбы: Мен күштімін, ептімін және іскермін

ҰОқ-ның оқыту мақсаты

0.1.2.1. Организмнің шынығуы мен төзімділігін жетілдіру үшін түрлі жүктемелерді біртіндеп арттыра отырып дене жаттығуларын орындау.

0.2.1.1. Бір орында тұрып және қозғалыс барысында тізбекке тұру түрлерін, сапта түзу жүру түрлерін орындау.

0.2.1.7. Допты домалату, лақтыру және қағып алу, допты жерге оң қолмен және сол қолмен ұру, екі қолымен басынан асыра лақтыру және бір қолмен кедергіден лақтыру.

0.2.2.3. Зал, алаң, кеңістікті, уақытты бағдарлай білуді, орындық/бөрене арқылы жоғары және төмен жүру барысында және берілген қалыпта тепе-

теңдікті сақтау ептілігін дамыту.

Күтілетін нәтиже

Барлық тәрбиеленушілер орындай алады:

Көзді жұмып 3 метрге артпен жүру.

Жалпы дамыту жаттығуларын таяқпен орындау.

Бір қатарда орналасқан аралығы 1 метр болатын 5 кедергі арасымен фитболды домалату.

Қозғалыс кеңістігінде топпен қауіпсіз жұмыс жүргізу.

тәрбиеленушілердің көпшілігі орындай алады:

Залда қауіпсіздік техникасын сақтау.

Бағытты өзгерте отырып баяу қарқынмен жүгіру.

Алға жылжи отырып оң және сол жақ бүйірмен арқаннан аттап секіру.

Биік орналасқан тіреулер үстінде тепе-теңдік сақтауға арналған жаттығулар орындау.

Кейбір тәрбиеленушілер орындай алады:

Арқаннан бүйірлеп қос аяқпен секіру кезінде аяқты серпу қарқынын есептеу. Қолды отырғышқа қойып, кеудені жерден көтеріп, қолды бүгіп жазуды (отжимание) орындайды.

тілдік мақсат

Балалар денсаулықты нығайту, дене бітімін жетілдіру сапасын арттыру, топта өзара қарым-қатынас жүргізу дағдыларын көрсете алады.

Пәндік лексика және терминология:

Денсаулық, тұлғаның шынығу сапасы, қауіпсіздік техникасы, гимнастикалық таяқтар, гимнастикалық орындықтар, қайта сап түзеп жүру, орташа қарқынмен жүгіру, арқаннан секіру, екі-екіден сап түзеу, оңға-солға, дене мүсіні, омыртқа, стретчинг (созу), тепе-теңдік, пайдалы әдеттер, спорт түрлері.

Талқылауға арналған сұрақтар:

Омыртқаның адам организміндегі атқаратын қызметі қандай? Адам организмі мен денсаулығын нығайтуға қандай қимыл-қозғалыс түрлері ықпал етеді?

Қандай пайдалы әдеттер бізге күшті, епті және білікті болуға көмектеседі?

Неге екенін айта аласыңдар ма?

Денені үнемі тік ұстау не үшін маңызды екенін айта аласыңдар ма? Омыртқаны сау қалпында сақтау үшін арқаның бұлшық етін нығайту неге маңызды екенін айта аласыңдар ма?

Алдыңғы оқыту

Бір қатарға орналастырылған таяқтар арқылы екі аяқтап секіру. Тепе-теңдік – қолға доп ұстап орындық үстімен жүру.

Алға адымдай отырып допты жоғары лақтыру және қос қолмен қағып алу.