Мен баланың шырағын жағу үшін мектептемін сабақ жоспары

Мен баланың шырағын жағу үшін мектептемін

Халқымызда «Ағаш түзу өсу үшін көшет кезінде көмектесуге болады, ал үлкен ағаш болғанда оны түзете алмайсың», -деген даналық сөз бекерге айтылмаса керек. Сондықтан балалардың бойына жастайынан ізгілік, мейірімділік, қайырымдылық қасиеттерді, жақсылыққа құштарлықты,жалпы адамгершілік құндылықтарды сіңіріп отырамын. «Өзін-өзі тану» рухани-адамгершілік білім бағдарламасындағы басты нысана –баланы сүю, құрметтеу екендігін әрдайым жан-жүрегіммен сезініп, риясыз сүйіспеншілікпен әр баланың ар-ожданын ояту арқылы өмірдің мәнін, оның өмірден алатын орнын, жеке басына тән адамгершілік парызын орындау міндеттерін түсінуге ұмтылдырамын. Ынтымақтастық педагогикасын насихаттаушы жаңашыл педагог Шалва Александрович Амонашвили«Мектеп жасындағы балаларды тәрбиелеу мен білім беру жүйесінің тиімді түрде жүзеге асырылуы толықтай мұғалімнің тұлғасына байланысты» делінген жұмысында,ең негізгісі деп есептейтін төрт тұлғалық қасиеттеріне назар аударатын болсақ төртіншісінде «Мұғалімнің бойынан адамға тән жақсы қасиеттердің барлығы – күлімсіреу, қаталдық, ұстамдылық, салмақтылық, сезімталдық, шынайылық, зияткерлік, тіл табысушылық, өмірге деген махаббат болуы керек. . Адамгершілік қасиеттері бар ұстаз бал