Мен ерекше баламын сабақ жоспары, мектепке дейінгі балалар

Бiлiм бepy салаcы: Таным.

Бiлiм бөлімдері: Өзін-өзі тану

Taқыpыбы: МЕН ЕРЕКШЕ БАЛАМЫН

Мақсаты: балалардың өзіндік «Менін» ұғындыру. Өздерін тануға, өз ерекшеліктерін білуге үйрету.

Міндеттері:

- балалардың өзіндік «Менін» ұғындыру, түсіндіру;

- өздерін тануға, өз ерекшеліктерін білуге үйрету.

- өз бастарын сыйлап, бағалай білуге тәрбиелеу.

Oқy ic-әpeкeтiнiң көpнeкiлiктepi : Көрнекі кұралдар: дәптер, «Өзін-өзі тану» әлемінің картасы, түрлі түсті қарынддаштар.

Сөздік жұмыс: Сүйіспеншілік - жүректен. Халық даналығы

Ic-әpeкeт бөлiмдepi

Пeдaгoгтың ic-әpeкeтi

Бaлaлapдың ic-әpeкeтi

Ынтaлaндыpy. Ceзiмдi oятy

Шаттық шеңбері

Педагог балалармен бірге ұнтаспадан Қ. Ыдырысовтың «Келші, келші, балашым» өлеңін тыңдайды.

Айым болып тудың ба?

Күнім болып тудың ба?

Ата жолын қудың ба?

Әке жолын қудың ба?

Бұл дүниеге келген соң,

Сұрауы бар судың да.

Айдарыңнан айналдым,

Маңдайыңнан айналдым.

Торсық шеке, тоқ шеке,

Бақ болар деп ойладым.

Ашық жанар көңілің,

Ақ болар деп ойладым.

Қуанышым — арай жүз,

Сөйлесерміз талай біз.

Бар ағайын жиналып,

Мәз боп саған қараймыз.

Сендей бала ешкімде,

Болмаған деп санаймыз.

Жалғыз дара — өзіңсің,

Атасының көзісің,

Әжесінің сөзісің,

Аппақ мөлдір сезімсің

Мен барымды аяман,

Ботақаным, сен үшін.

Iздeнicтep.

Ұйымдacтыpy

Әңгімелесу

Әнді тыңдап болғаннан соң педагог балаларға төмендегідей сұрақтар қояды.

- Өлеңді тыңдап отырғанда қандай сезімде болдыңдар?

- Өлеңнен не ұқтыңдар? Қандай жолдары естеріңде қалды?

- Балалар, біз бір-бірімізге ұқсаймыз ба?

Педагог балалардың жауаптарын тыңдап, қойылған сұрақтар бойынша балалардың ойларын түйіндейді.

- Дұрыс айтасыңдар балалар, біз-бірімізге ұқсаспыз, бірақ бізді бір-бірімізден ажыратып тұрған, ол біздің жеке ерекшеліктеріміз, бойымыздағы қасиеттеріміз екен. Әрбір адам өзінің қызығушылығын, мүмкіндігін, кім екендігін, өз орнын білуі керек. Бүгін кішкентай болсақ, ертең үлкен азамат боламыз. Ал үлкен азамат болу үшін бүгінгі күннен бастап ақылды, әдепті, алғыр, батыл, шыншыл, еңбекқор, табанды болуымыз керек. Ал бұл қасиеттер сендердің әр қайсысыңның бойларыңнан табылады. Осы бойымызда бар қасиетті шыңдай білетін болсақ, біз жақсы азамат боламыз.

Бұл ойын арқылы балалардың өз бойларындағы ерекшеліктерін көре білуге, оны қысылмай айта білуге үйрету мақсаты көзделеді.