Мен осындай баламын конспектісі мектепке дейінгі балаларға

Ұйымдастырылған оқу іс-әрекетінің технологиялық картасы

Күні:

Білім саласы:әлеуметтік

Бөлімі:Өзін-өзі тану

Тақырыбы:Мен осындай баламын.

Мақсаты: «адамгершілік»сөзінің мағынасын түсіндіру.

Міндеттері:1.адам бойындағы жақсы қасиеттер туралы түсініктерін бекіту.

2. Қоршаған ортамен адамгершілік қатынас жасау тәжірибесін қалыптастыру,

3. Қазақстанның нағыз азаматы болуға тәрбиелеу.

Көрнекі құралдар:дәптер,түрлі түсті қарындаштар,сюжеттік суреттер.

Әдіс-тәсілдер:сұрақ-жауап,түсіндіру,әңгімелеу,көрсету.

Сөздік жұмыс: адамгершілік,жақсы адам

Билингвальді компонент:жақсы адам-хороший человек

Кезеңдер

Тәрбиешінің іс-әрекеті

Баланың іс-әрекеті

Есеп+

Есеп-

Кіріспе бөлім

Кіп-кішкентай болсам да,

Мен тәртіпті баламын.

Үлкендерді мен сыйлаймын,

Бәрін де жақсы көремін!

-бірге қайталайды.

Негізгі бөлім

Әңгімелесу:

А.Меңжанова «Болайықшы осындай»

Жақсы бала еңбекшіл,

Ер азамат болады.

Қиындықты жеңіп кіл,

Құшағы гүлге толады.

Еңбекшіл осындай

Болайықшы,досым-ай.

-Өлеңдегі бала қандай бала екен?

-Сендер өздеріңді қандай баламын деп ойлайсыңдар?

-Адамның қандай істері оның жақсы екенін көрсетеді?

-Айналасындағыларға көмектесетін адамды қайырымды деп айта аламыз ба?

Жағдаяттарды талдау:

а)Самат ертеңгісін топқа келгенде тәрбиешіге,достарына бір сөзді айтуды ұмытып кетті.Ол қандай сөз?

Б)Топтағы бөлме гүлдерін суғарамыз деп Айгүл мен Айжан байқаусызда гүлдің бір бұтасын сындырып алды.Ертеңінде оны байқаған апай: «Балалар,мына гүлді кім сындырды?»-деп сұрады...

-Сендер Айгүл мен Айжанның орнында болсаңдар,осы сұраққа қалай жауап берер едіңдер?

В)Сәуле ойыншықтарын жинап қойып еді,Аслан оны қайтадан шашып тастады. Сәуле мен Асланды қандай балалар деп айтуға болады?

Сергіту сәті:

Достар бірге жүреміз,

Бірге ойнаймыз,күлеміз.

Бірге балық аулаймыз,

Міне,біздер қандаймыз!

Дәйексөз: «Жақсыдан үйрен,жаманнан жирен».

Ғажайып сөздер:

-Мен жақсы баламын.

- Жақсыдан үйрен,жаманнан жирен.

-өлең жолдарын тыңдап, сұрақтарға жауап береді.

-жағдаяттарды шешеді.

-өлең жолдарын қимылмен көрсетіп отырады.

-сөздерді естеріне түсіріп қайталап айтады.

-сұрақтарға жауап береді.

Қорытынды бөлім

-Балалар,бүгін нені үйрендік?

-Жақсы,еңбекқор бала қандай болады?

-Бүгінгі істі ертеңге қалдыруға бола ма?

-Қамқор бала қандай бала?

Жүректен жүрекке: балалар шеңберге тұрып құшақтасып, бір-біріне жасаған қамқорлығы,сыйлаған қуанышы үшін алғыстарын білдіреді. Мысалы: Ойыншықтарды бөліскенің үшін рахмет! Көмектескенің үшін рахмет!

-сыйқырлы сөздер айтады.

Қолдана алады:«достық,қамқорлық,жақсылық» туралы түсінік алу.

Түсінеді:«достық,қамқорлық,көмек» ұғымдарының құндылығын түсіну.

Қабылдай алады: жаңа сөздерді меңгеріп алу.