Мозаикалық панноға арналған негіз дайындау 8 сынып технология

Сабақты ұйымдастыруға арналған әдістемелік нұсқаулық

«Мозаикалық панноға арналған негіз дайындау» тақырыбына арналған әдістемелік нұсқаулық. Өткен сабақта оқушылар мозаикаға арналған нобайларын және техникалық құжат орындаған болатын. Техникалық құжатты орындау арқылы оқушылар өз мозайкаларына қажетті деп саналатын материалдар мен құрал- жабдықтарының тізімдерін дайындаған болатын. Алдағы білімде оқушылар осы өздері дайындаған техникалық құжаттары мен нобайларына сүйене отырып, мозаикалық панноға арналған негіз орындайтын болады.

Ұйымдастыру кезеңі.

Сабақтың басында оқушылар назарын аударуға

екпін жасау. Кез- келген әдіс- тәсіл арқылы оқушылардың назарын сабаққа аударуға болады. Жаңа тақырыпты бастамас бұрын оқушылармен бірге өткен сабақта орындаған мозаика панносын орындауға арналған техникалық құжаттарына талдау жүргізу ұсынылады.

Сәндік панно (мозаика) дайындау

Тақырыбы

Қандай?

Өлшемі

Қандай?

Пайдаланатын материалдар, қажетті өлшемі

Саны, көлемң, өлшемі, Қандай?

Қажетті құрал- жабдықтар, олардың саны

Қандай?

Орындауға қажетті уақыт

Жобамен қанша уақыт кетеді?

Панноны қолдануға болатын орны немесе пайдалану мақсаты

Пайдалануға болатын орын, немесе қазіргі таңда кездесетін орындар.

Қосымша мәлімметтер:

Орындалған бұйымның ерекшелігі мен қасиеттері қандай?

Осыдан кейін интербелсенді тақтада сабақтың тақырыбы мен мақсаты анықталады. Сабақтың мақсатына сәйкес бағалау критерийлері таныстырылады.

Келесі бетте мозаиканы орындауға арналған бірнеше негіздерді көрсету ұсынылады.

Мыс;

цементтен жасалған негіз;

гипстен жасалған негіз;

арнайы негіздер.

Оқушыларға осы негіздер туралы таныстырып болғаннан кейін, топта отырып өздері қалаулары бойынша мозаика панносын орындауға арналған орынды немесе негізді таңдауға рұқсат беріңіз.

Тәжірбиелік жұмыс жасау барысында оқушыларға техника қауіпсіздігін таныстырып, әр топқа қағаз түрінде шығарып беру ұсынылады.

Мозаика панносын дайындау барысында қауіпсіздік техникасын сақтау:

Жұмыс жасау орындарын таза ұстау керек;

Арнайы киім (фартук, халат, қолғап және т.б.) кию керек;

Ұшты және өткір заттармен жұмыс жасау барысында ұқыпты болу керек;

Электрлі немесе қол құралдарын пайдаланған кезде абай болу керек;

Желім, бояу сияқты құралдармен жұмыс жасау барысында дененің ашық немесе көзге тамып кетуін қадағалау керек.

Тапсырма №1. Топтық жұмыс:

Мозаика панносын орындауға арналған негіз дайындау.

Кейін оқушылар өздері қалаған мозаикаға арналған негіз дайындайды (қолданатын материалдар мен негізге байланысты дайындау технологиясы өзгеруі мүмкін).